II Korintos 6 - Ashiri Aeuitaknup Iyohaichish Yona 1897

6 Ik.

¹ Orowa, ukomonraige wa iteki raka isam no Kamui irenga echi akore kuni ne ne yakka koramkoro ash ruwe ne.

² (Anu kuni pirika ita echi otta ku inu nisa,) Orowa, kashiobiuki kuni toho ta kuani echi ikashui nisa ruwe ne, ani an itak ani Shinuma ye nisa ruwe ne gusu ne na; (ingarʼan, tane anak auk kuni pakihi ne; ingarʼan,

³ tane anak ne kashiobiuki kuni toho ne ruwe ne): otta chi utara yaishieiwangere ambe anak ne iteki achipayere kuni gusu, nep ne yakka gusu ureechiure kuni ika iteki koropare na;

⁴ koroka, nep ne yakka otta Kamui gusu yaishieiwangere utara chi ne korachi yaikota yairamatte no okai anro; poron no an yaiyupupu ambe otta hene, aeramchuptekbe otta hene,

⁵ aeishiramne-hi otta hene, yairamkoiki ambe otta hene, shirikik ambe otta hene, ipakashnu chisei otta aomare ambe otta hene, sakayo otta hene, moni otta hene, shiure ambe otta hene, shomo ramnu ki ambe otta hene; turu-sakbe otta hene,

⁶ eramatu ambe otta hene, ramushiporore otta hene, ramuhauge-hi otta hene, Ashkanne Ramat otta hene,

⁷ shunge sak no an omap ambe otta hene, son no an itak otta hene, Kamui kiroro otta hene; shimontek samata ne yakka hariki-tek samata ne yakka oupeka ne hayokbe ani,

⁸ aeoripakbe ani ne yakka ayainikoroshmarep ani ne yakka, areika assuru ani ne yakka, wen assuru ani ne yakka; kokandama ki utara korachi ne a yakka,

⁹ son no ambe ne; shomo aeamkiri utara korachi ne a yakka, pirika no aeamkiri; rai utara korachi ne a yakka, ingarʼan, shiknu ash ruwe ne;

¹⁰ apakashnu yakka, shomo aronnu; oknatara korachi ne a yakka, ramma nupetne, oteksak korachi ne a yakka, inne utara oteknure; nep ne yakka sak no an korachi ne a yakka, obitta no okaibe kon ruwe ne na.

¹¹ Korintos un utara echi utara gusu chikoro paroho maka wa an,

¹² chikoro sambe aporore wa an na. Echi utara anak ne chi utara gusu yairamkoiki shomoki, koroka, yaikota echi koro keutum gusu yairamkoiki ruwe ne.

¹³ Aige, gusu ukorachi an iwayehe epeka (nokan utara otta aye-hi korachi nep) echi utara ne yakka aporore wa an yan.

¹⁴ Shomo eishokoro utara tura iteki aouhaita no userekotukka yan; ikashpaotte otereke ambe anak oupeka ambe gusu nep tura no ikichi kuni ambe an a? Orowa, nekon a pekere anak ne kunne-i tura ikoan ruwe he an?

¹⁵ Shui, Kiristo anak ne Beriaru gusu nep irenga an a? Samata, eishokoro guru anak ne shomo eishokoro guru tura nepi ushike kon ruwe he an?

¹⁶ Orowa, Kamui kora kenru anak ne potoki-noka tura nepi uweramuoshmap an a? Inambe gusu ne yakun, chi utara anak ne ishu Kamui kora kenru chi ne; Kamui ene ye-hi poka korachi ne, — Kuani anak ne nei utara oshiketa Ku oshiroma, oshiketa Ku apkash kusu ne; aige, kuani nei utara koro Kamui ku ne kusu ne, orowa,

¹⁷ nei utara ku goro uirup ne kusu ne. Tambe gusu, Nei utara tumuge wano araki wa nei oyake okai yan, ari Utarapa itak, Samata turu-ushbe iteki tomooshma yan; Yakun, Kuani echi uina kusu ne,

¹⁸ Aine, echi utara gusu Michihi Ku ne kusu ne, Echi utara anak ne Ku okkai poho Ku matne poho echi ne kusu ne na, ari nep ne yakka ki eashkai Utarapa ye nisa ruwe ne.