II Korintos 3 - Ashiri Aeuitaknup Iyohaichish Yona 1897

3 Ik.

¹ Chi utara anak ne kanna-shui yaieamkirire heashi ya? Shui, an utara korachi, echi otta hene echi orowa no hene a un eamkirire kambi un gusu an kuni ambe ne ruwe he an?

² Echi utara, anak ne chikoro keutum ta anuye wa an, obitta no okai utara orowa no aorooitak an,

³ chikoro kambi echi ne ruwe ne; echi utara anak ne Kiristo koro kambi ne sekoro anukarabe ne, un orowa no aeiyaishieiwangere utara echi ne, sumi ani anuye ambe shomo ne, koroka, ishu Kamui kon ramat ani anuye utara echi ne; shuma ita kata shomo ne, koroka, kam oma ita kata chieshinnuyep ne ruwe ne.

⁴ Orowa, Kiristo gusu Kamui orun nei no an

⁵ eishokor-i atte keutum chikon ruwe ne: chi utara orowa no nep ka an sekoro aeyaiesanniyo upakbe shomo chi ne, koroka, chikoro upak no an ambe anak ne Kamui orowa no an ap ne:

⁶ Shinuma ka nei ashiri uitaknup gusu upak no an yaishieiwangere utara ne kuni un kara nisa ruwe ne; anuye ikiri gusu shomo ne, koroka, nei ramat gusu ne ruwe ne; inambe gusu ne yakun, anuye ikiri anak ne raige ruwe ne, koroka, ramat anak ne shiknure ruwe ne gusu ne na.

⁷ Koroka, anuye wa an, shuma kata shinnuye wa an rai-hi gusu aeiwangere ambe anak ne, koro nanuhu nupeki an gusu Israeru un utara anak Mose koro sancha orun ingara eaikap pakno, aisamka gusu an nupeki ek yakun,

⁸ nekon a ramat gusu aeiwangere ambe naa kasu no nupeki-ushbe shomo ne ruwe he an?

⁹ Inambe gusu ne yakun, katpak kore gusu an aeiwangere ambe anak ne nupeki ne chiki, oupekare gusu an aeiwangere ambe anak nupeki gusu kasu no nuye an no nupeki-ushbe ne ruwe ne.

¹⁰ Inambe gusu ne yakun, son no newa, eikaunu an no an nupeki an gusu, anupekte an ambe anak ne ene nei no shomo anupekte nisa ruwe ne.

¹¹ Okere wa isambe anak ne nupeki-ushbe ne chiki, kasu no isam shomoki ambe anak nupek otta an ambe ne ruwe ne gusu ne na.

¹² Tap korachi an chipachipa ambe chi koro gusu, shiri rametok koro itak chi eiwange ruwe ne;

¹³ aige, okere kusu ne shiri an okaibe okese Israeru un utara kashioingara shomoki kuni ne nankamup ani koro nanu seshke Mose ukorachi shomo chi ne ruwe ne.

¹⁴ Koroka, nei utara koro keutum anishtere an: inambe gusu ne yakun, tane an etohogeta pakno fushko aeuitaknu kambi oroaoitak ita, nei nankamup auk shomoki no an ruwe ne; awa, Kiristo oshiketa nei ambe aisamka nisa ruwe ne na.

¹⁵ Koroka, tanto pakno, hembara ne yakka Mose oroaoitak an ita anak ne nei utara koro keutum kata nankamup an wa an ruwe ne.

¹⁶ Koroka, hembara ne yakka shinuma anak Utarapa orun hosari yakun, nei nankamup auk ruwe ne.

¹⁷ Utarapa anak ne nei Ramat ne ruwe ne: aige, Utarapa kon Ramat an ushiketa rengaine an ambe an ruwe ne.

¹⁸ Koroka, obitta no okai chi utara anak ne nankamup isam no yaikunnu-karape otta an nei no Utarapa koro nupeki nukara hine Ramat ne Utarapa orowa no an korachi poka nupeki wano nupeki otta nei shinep ne an noka nepkoro a un ekarakara an ruwe ne na.