II Korintos 2 - Ashiri Aeuitaknup Iyohaichish Yona 1897

2 Ik.

¹ Koroka, shui kuani oknatara wa echi otta shomo ek kuni ambe yaioshiketa ku esanniyo okere.

² Inambe gusu ne yakun, kuani echi ramusarakka ash chiki, ku ramusarakka ash utara moshima, en nupetnere guru inan guru ne ruwe he an?

³ Aige, tap an ambe ku nuye nisa, ikineipeka ku ek ita, gusu ku enupetne kuni utara ankushkerai a en oknatarare ruwe ne kusu ne na; aine, echi utara obitta gusu ku nupetne kusu ne sekoro ku eishokon ruwe ne.

⁴ Inambe gusu ne yakun, poron no ku shirikirap hine sambe-ikoni an gusu poron no an nupe tura ku nuye nisa; tambe anak echi ramusarakka gusu shomo ne, koroka, echi gusu ku ki nuye an no an omap ambe echi eraman kuni gusu ne na.

⁵ Koroka, ramusarakka guru an chiki, shinuma en ramusarakka shomoki, koroka, (yupke kashpa shomo ku ki gusu) sereke ne yakun, obitta no okai echi utara ramusarakka nisa ruwe ne na.

⁶ Nei no an guru anak ne inne utara ankushkerai apanakte ruwe ne gusu, pakno ne ruwe ne;

⁷ tambe gusu, echi utara anak ne shinnai-kane nei guru tusare wa omaoma yak pirika, ikineipeka ika nei no an guru ramusarak kashpa wa okere na.

⁸ Tapne ne wa gusu, kuani anak ne echi utara nei guru epeka no an omap ambe tumashnure ash

⁹ ruwe ne. Tan ikkeu an gusu poka kambi ku nuye nisa, nei ambe anak echi utara obitta no okaibe gusu itaknu ruwe he an ari an ambe shirosh ku eraman kuni gusu ne na.

¹⁰ Koroka, gusu echi utara anak ne okaibe tusare guru, kuani ne yakka tusare ruwe ne: inambe gusu ne yakun, ku tusare okere okaibe anak, atusare ambe an yakun, Kiristo ankushkerai echi rengap gusu ku tusare nisa ruwe ne; tambe anak ne Satan iteki un annokara kuni gusu nep ne:

¹¹ inambe gusu ne yakun, chi utara anak ne shinuma oshkep gusu erampeutekbe shomo chi ne ruwe ne gusu ne na.

¹² Kiristo pirika shongo gusu Troas otta ku ek ita, shui, Utarapa oshiketa en gusu apa asarare wa an ita anak ne,

¹³ ku iriwak ne Titus shomo anukara gusu ku ramat shiturire eaikap nisa ruwe ne: aige, uwetut-kopak wa Makedonia moshiri orun ku oman nisa ruwe ne.

¹⁴ Koroka, ramma Kiristo oshiketa un ani wa un annokare hemhem ki, obitta no okai ushiketa chi utara ankushkerai koro eramushbe hura assuru ashte hemhem ki Kamui otta koyaiiraige an na.

¹⁵ Inambe gusu ne yakun, kashichiobiuki shiri an utara otta ne yakka, aisamka shiri an utara otta ne yakka chi utara anak ne Kamui orota Kiristo koro pirika hura ushbe chi ne ruwe ne;

¹⁶ oatteke an utara gusu rai wano rai otta an hura ne; oatteke an utara otta inotu wano inotu otta an hura ne ruwe ne gusu ne na. Aige, tapan okaibe gusu upakno an guru inan guru ne ruwe he an?

¹⁷ Chi utara anak ne Kamui itak eoyap kopoye shiriki inne utara nepkoro shomo chi ne: koroka, an korachi nepkoro ki utara, Kamui orowa no an korachi; Kamui tek-samata an korachi, Kiristo oshiketa chi ye ruwe ne gusu ne na.