II Korintos 13 - Ashiri Aeuitaknup Iyohaichish Yona 1897

Ik

¹ Tambe anak echi orota ku ek kuni re ikinne an ambe ne ruwe ne. Obitta no okai itak anak ne pishno tu paweteshu utara gusu hene re paweteshu utara gusu hene asonnere kusu ne.

² Teeda ku ye okere, shui hoshiki no ku ye, tu ikinne an ita korachi, tane poka isam yakka, tap etokota katpak ki utara newa obitta no okai moshima utara otta ne yakka ku ye, kanna-shui ku ek chiki echi moshima no ku an shomoki kusu ne; en oshiketa itak sange Kiristo koro shirosh echi hunara;

³ Shinuma anak ne echi epeka no katchakbe shomo ne, koroka, echi onnaigeta kiroroashnup ne ruwe ne: inambe gusu ne yakun,

⁴ Shinuma katchakbe ankushtapne utasa-chikuni otta akungi-kokikkik yakka Kamui kiroro ankushtapne Shinuma ishu ruwe ne. Chi utara ne yakka Shinuma tura katchakbe ne, koroka, echi epeka no an Kamui kiroro ankushkeraipo Shinuma tura no ishu kusu ne gusu ne na.

⁵ Echi utara eishokor-i ta okai ruwe he an, shomo ruwe he an, yaikota yaikoramnukara yan, yaikota yai-uwande yan. Yesu Kiristo anak ne echi onnaigeta an sekoro yaikota gusu echi erampeutek ruwe he an? Shomo ne chiki echi utara aemakbap ne nangora.

⁶ Koroka, aemakbap shomo chi ne sekoro echi eraman kuni ku chipachipa ruwe ne.

⁷ Nep wen-buri ne yakka shomo echi iki kuni Kamui otta tane chi inonno-itak ash; chi utara anak ne auwande okere kunak anukara kuni gusu shomo ne, koroka, aemakbap korachi chi ne a yakka, echi utara anak pirikap iki kuni gusu an ambe ne.

⁸ Inambe gusu ne yakun, chi utara anak ne nei sonep epokba eaikap, koroka, nei ambe gusu iki eashkaibe ne ruwe ne gusu ne na.

⁹ Echi utara anak ne tumashnu wa chi utara katchakbe ne ita, nupetne ash ruwe ne: aige, echi utara aeramushinnere kuni ambe, tap ambe gusu poka inonno-itak ash na.

¹⁰ Tambe gusu ku isam rapoketa tap an okaibe ku nuye, echi tura no an ita, hachirepa gusu shomo ne, koroka, roshkire gusu Utarapa en kore mondum ani an korachi, shomo niwen no ku iki kuni gusu ne na.

¹¹ Orowa, ku iriwak utara, sarampa. Aeramushinne no okai yan, aomaoma no okai yan; shine keutum koro yan; itomo an no okai yan; aine, omap ambe newa itomo koro Kamui echi tura no an kusu ne.

¹² Turu-sak no an chopsekara ambe ani ukouwekap yan.

¹³ Obitta no okai ashkanne utara anak ne echi uwekap an na.

¹⁴ Utarapa ne Yesu Kiristo korʼirenga hemhem Kamui omap-i hemhem, Ashkanne Ramat ukopoyege-i hemhem obitta no okai echi utara tura no an kuni akoramkon na.