III Yoannes 1 - Ashiri Aeuitaknup Iyohaichish Yona 1897

¹ Ekashi anak ne, son no ambe gusu ku omap, omap an Gaios orota kambi omande na.

² Aomap an guru, e kon ramat aepirikare an korachi, nep ne yakka gusu aokai yaiepirikare wa nisashnu an kuni ne inonno-itak ku ki na.

³ Iriwak utara araki wa paweteshu ki korachi aokai anak ne sonep otta apkash koran sekoro en nure ita, poron no ku nupetne

⁴ nisa ruwe ne gusu ne na. Ku goro poho utara sonep otta apkash koran ruwe ne ari an ambe nu kasu no en nupetnerep isam ruwe ne na.

⁵ Aomap an guru, nep ne yakka iriwak utara newa oya un utara poka gusu e iki chiki ikipniukesh no e ki ruwe ne;

⁶ nei utara anak ne karisia kotchaketa e koro omap ambe gusu paweteshu ki: Kamui kopakeot buri an no nei utara payekai kuni arura yan:

⁷ inambe gusu ne yakun nei Reihei irenga gusu nei utara oya kotan un utara orowa no nep ne yakka uk shomoki no paye nisa ruwe ne gusu ne na.

⁸ Tambe gusu, chi utara sonep gusu tura no iki utara chi ne kuni ne, nei no okai utara uk kunip ne ruwe ne.

⁹ Karisia gusu nepka ku nuye nisa; koroka, nei utara tumugeta esapane rusui Diotrepes anak ne shomo un uk ruwe ne.

¹⁰ Tambe gusu, ku ek chiki wen itak ani un ohaigekara iki ikip ku eshkarunde kusu ne: tambe anak pakno ne sekoro nei guru esanniyo shomoki hine shinuma yaikota iriwak utara uk shomoki, orowa, uk rusui utara ne yakka hattoki wa karisia orowa no emaka ruwe ne.

¹¹ Aomap an utara, wenbe iteki koikara, koroka, pirikap koikara yan. Pirikap iki gurʼanak ne Kamui orowa no an gunʼne; wenbe iki gurʼanak ne shomo Kamui nukan ruwe ne.

¹² Demetrius anak ne obitta no okai utara ki paweteshu ambe koro, samata, sonep yaikota gusu an paweteshu-hi kon ruwe ne; ruwe ne wa, chi utara ne yakka paweteshu ki; aige, chi ki paweteshu ambe anak ne sonep ne sekoro aokai eraman ruwe ne na.

¹³ Aokai gusu ku nuye kunip inne ne, koroka, sumi newa nuyep ani ku nuye ambe ku kopan:

¹⁴ naa nisako ne chiki e nukara kuni ku chipachipa, yakun, uwenitomom wa utashpa ye kusu ne. Itomo irenga e otta an na. Utara anak ne e korangarap na. Utara reihei pishnopishno ye wa uwekap an na.