Hebraios 9 - Ashiri Aeuitaknup Iyohaichish Yona 1897

9 Ik.

¹ Nei atpake an ap otta poka Kamui otta aeyaishieiwangere gusu aesanniyop hemhem an, tan moshiri ta ashkanne ushike hemhem an.

² Inambe gusu ne yakun, hoshiki no, oshiketa nei ratchako hemhem, set hemhem, automoraye pantak hemhem, etokoaoiki kash an ruwe ne; nei ushike anak ne Ashkanne ushike ari aporose ruwe ne na.

³ Orowa, nei tutanu an otbe oshmaketa Ashkanne gusu Ashkannep ari aporose kash an ruwe ne;

⁴ nei oshiketa anak ne Senko uhuika kuni gusu kongani yange set hemhem, shui, onnaigeta okai manna o tongani itangi newa niye hetuku Aaron koro kanni newa aeuitaknup oma shuma-ita newa okai upishkan utorosamaha kongani akokapa shuop an;

⁵ orowa, nei kashiketa imommuye kuni set ekamu arakuru koro Kerubim okai ruwe ne; tap okaibe pishno gusu tane chi itak eaikap ruwe ne.

⁶ Aine, tap okaibe anak ne tambe nei no etotoaoiki wa an wa, otta aeyaishieiwangere kuni ambe iki gusu ramma-kane Kamui otta yaishieiwangere utara anak ne nei hoshiki an kash orun ahup,

⁷ koroka, shine pa ta arashui range, kem sak shomoki no, nei Kamui otta yaishieiwangere iyotta pase guru anak shinen ne nei tutanup orun ahun ruwe ne, aige, yaikota gusu hemhem uirup koro, ouhaitap gusu hemhem nei ambe yange ruwe ne:

⁸ nei hoshiki no an kash ash wa an rapoketa Ashkanne ushike orun paye kuni ruhu naa shomo asarare an sekorobe Ashkanne Ramat nei ambe ani epakashnu ruwe ne;

⁹ tane an pakihi ta anak tap okaibe itak-maukushtep ne; nei ambe an korachi keutum gusu Kamui koongami ambe eramushinnere eaikap no an akorep ne yakka yange kunip ne yakka eyange ruwe ne,

¹⁰ nei ambe anak ashin no aeashirikara kuni gusu an pakihi pakno aashte kam oma aesanniyop ne (aep hemhem, iku ambe hemhem, usa yashke ambe hemhem tura ikip ne ruwe ne).

¹¹ Koroka, Kiristo anak ne hetuku kusu ne pirikap gusu Kamui otta yaishieiwangere utara Esapanep ne hine, kasu no poro naa aeramushinne an kash ani, teke ani shomo akara, shomo tan moshitʼta akara kash,

¹² samata, shomo yangi newa pon beko koro kem gusu, koroka, yaikota koro kem ani shashuishiri pakno an kikiarayep kara wa arashui no nei ashkanne ushike otta ahun nisa ruwe ne na.

¹³ Inambe gusu ne yakun, yangi newa pinne beko koro kem, samata, upen matne beko koro uina ani kashiachari ambe turu-ush utara koro kam turu-sakte wa ashkannere chiki;

¹⁴ shashuishiri pakno an Ramat gusu opiri sak no Kamui otta yaikota yaiyange Kiristo koro kem anak ne echi utara ishu Kamui otta yaishieiwangere gusu echi koro keutura ta okai rai an ikip ashkannere kuni naa kasu no shomoki ruwe he an?

¹⁵ Orowa, tambe gusu, Shinuma anak ne ashiri aeuitaknup gusu an eikotchane guru ne ruwe ne; atpake an aeuitaknup an ita hetuku katpak kikiraye kuni rai ambe an gusu, anishuk wa okai utara shashuishiri pakno an eitakamkirep eikeshkore kuni gusu ne na.

¹⁶ Aeuitaknup an chiki, oara nei ambe ki guru rai shomoki ko aeaikapbe ne.

¹⁷ Inambe gusu ne yakun, rai ambe an chiki nei aeuitaknup aki kunip ne ruwe ne; koroka, nei ambe ki guru shiknu wa an rapoketa aki kunip ne ruwe he an?

¹⁸ Tambe gusu, atpake an ap poka kem isam no aashtep shomo ne ruwe ne.

¹⁹ Inambe gusu ne yakun, tuitak an korachi obitta no okai utara otta pishno an ikashpaotte Mose orowa no anure okere chiki, shinuma anak ne pon beko newa yangi kem, wakka hemhem fure wata hemhem hissop hemhem koro hine, nei kambi-sosh yaikota hene obitta no okai utara hene kochari wa ene itak-hi :—

²⁰ Tambe anak ne echi utara gusu Kamui kashpaotte an aeuitaknup oma kem ne ruwe ne.

²¹ Samata, Shinuma anak ne nei no korachi kem ani nei kash hene Kamui gusu eiwange gusu an aeramhekotep hene ne yakka kochari nisa ruwe ne.

²² Shui, tuitak gusu aye chiki, obitta no okai-be kem ani aashkannere ruwe ne, ari ku ye yak pirika; orowa, kem aohetu ambe isam chiki tusare ambe isam ruwe ne.

²³ Tambe gusu, kando otta an okaibe koro nokaha tap ambe ani aashkannere-hi anak aki kunip ne ruwe ne; koroka, kando otta an okaibe yaikota tap okai ayangep kasu no naa pirikap ani akara kuni an ambe ne.

²⁴ Inambe gusu ne yakun, Kiristo anak ne son no an ambe koro nokaha nei no, teke ani akara ashkanne ushike otta shomo ahun; koroka, Shinuma anak ne tane chi utara gusu Kamui tek-samata an kuni ne kando otta ahun nisa ruwe ne:

²⁵ samata, Kamui kora kenru poro esapane guru anak ne yaikota korobe shomo ne an kem ani wa kespa range ashkanne ushike otta ahun korachi,

²⁶ Shinuma kanna-kanna yaiyange shomoki ruwe ne; shomo ne yakun, moshiri akara wano tane pakno Shinuma kanna-kanna ayairamshitnere nangoro: koroka, tane moshiri paha okese an paha ta Shinuma yaikota yaiyange wa kat-pak isamka kuni ne arashui no anukan nisa ruwe ne na.

²⁷ Orowa shui, ainu utara arashui no rai hine nei okaketa akoipishi kusu ne a ambe aesanniyo wa an korachi,

²⁸ tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.