Hebraios 8 - Ashiri Aeuitaknup Iyohaichish Yona 1897

8 Ik.

¹ Tane aye an orushpe ikkeu anak ne ene ani ne: Nei no an Kamui otta yaishieiwangere iyotta pase esapane guru un gusu an, aige, Shinuma anak kando oshiketa pasep koro am-set kata a,

² orosama, Shinuma ashkanne okaibe gusu ainu ashte shomo ne, Kamui ashte son no an kash gusu yaishieiwangere ruwe ne.

³ Inambe gusu ne yatun, Kamui otta yaishieiwangere obitta no okai iyotta pase guru anak ne akorep newa ayangep yange kuni aatte ruwe ne; tambe gusu, Kamui otta yaishieiwangere tan guru ne yakka nep ka yange kunip koro kuni ambe ne.

⁴ Aine, Shinuma anak ne kanna moshiri ta an yakun,. Kamui otta yaishieiwangere guru shomo ne, inambe gusu ne yakun, tuitak nei no akorep yange kuni utara okai;

⁵ nei utara anak ne kando oshiketa an okaibe koro kochihi newa kurihi gusu yaishieiwangere, Mose anak tane nei kash kara kushki ita Kamui orowa no aepakashnu poka korachi nep: inambe gusu ne yakun, ene Shinuma itak-hi :— Ingarʼan, nei nupuri kata e nukare an okaibe katuhu nei no kara yan, ani itak.

⁶ Koroka, tane Shinuma anak ne gusu naa eitasa pirika yaishieiwangere kuni ambe akore Shinuma naa pirika aeitakamkire ambe gusu aki eitasa pirika euitaknup gusu an iyuturu oma guru poka pakno ne ruwe ne na.

⁷ Inambe gusu ne yakun, nei hoshiki an ap piri-sak yakun, tutanu an ap gusu

⁸ an ushike shomo anukan na. Aine, nei okaibe otta piri nukara wa ene itak-hi :— Utarapa ene itak-hi :— Ingarʼan, toho ek, Nei ita Kuani Israeru chisei tura hemhem, Youda chisei tura hem-hem, ashiri aeuitaknup ku kara kusu ne;

⁹ Kuani nei utara Echipt moshiri orowa tura gusu koro teke Ku ani toho ta Koro ekashi utara tura iki aeuitaknup korachi shomo ne; Inambe gusu ne yakun, nei utara anak ne Ku iki euitaknu ambe otta shomo riya, Aige, Kuani shomo nei utara ekottanu nisa ruwe ne, ani Utarapa itak.

¹⁰ Utarapa ene itak-hi :— Nei toho okaketa Israeru chisei tura ku iki kushki euitaknup anak ne tambe ne ruwe ne; Koro keutum ta Ku goro tuitak Ku omare kusu ne, Orowa, koro sambe kata nei ambe Ku nuye kusu ne: Shui, nei utara gusu Kamui Ku ne kusu ne, Aige, En gusu nei utara uirup ne kusu ne na:

¹¹ Orowa, nei utara pishno anak ne heru machiya un guru hene, Utara pishno koro iriwak otta hene :— Utarapa eamkire yan, ari an ambe ani shomo epakashnu kusu ne: Inambe gusu ne yakun, nei utara iyotta ponbe orowa no iyotta porobe pakno, Obitta En eamkiri kusu ne gusu ne na.

¹² Aige, nei utara koro wen-buri gusu erampokiwen wa Ku kore, Orowa, koro chikokatpak tewa no shomo Ku eshkarun kusu ne na.

¹³ Ashiripe ari an itak ani Shinuma ye gusu, atpake an ap fushko ne akara an. Koroka fushko ne akara wa uwepaketa onne ambe anak ne isam kuni ehange ruwe ne.