Hebraios 6 - Ashiri Aeuitaknup Iyohaichish Yona 1897

6 Ik.

¹ Tambe gusu, Kiristo atpake an itak moshima no an wa aeramushinne an ap shikkashima anro; rai an ikip gusu shui yaikokatpak asamaha hemhem,

² Kamui gusu eishokor-i atte-i hemhem, baptisma gusu an epakashi hemhem, tekehe ande-hi hemhem, rai-i orowa no hetopo-shiknu ambe hemhem, orowa, otusashuishiri pakno gusu an koipishi ambe gusu hemhem an asamaha kanna-shui shomo ande no okai anro.

³ Aige, Kamui ramuoshma yakun, nei no chi ki kusu ne na.

⁴ Inambe gusu ne yakun, arashuine apekereka wa kando orowa no an eikrap sapke hemhem ki,

⁵ Ashkanne Ramat akore hemhem ki, Kamui pirika

⁶ itak newa ek kushki pakihi gusu an kiroro newa sapke hemhem ki hine orowa shui eyaikoemaka utara gusu anak, nei utara anak ne ayaikokatpakte wa ashirikinne eashinno akara eaikapbe ne ruwe ne; nei utara yaikota gusu Kamui Poho kanna-shui utasa chikuni otta kokikkik wa anukan no Shinuma yainikoroshmare ki ruwe ne gusu ne na.

⁷ Inambe gusu ne yakun, kanna-kanna kashiketa ek apto iku wa, koro toi-kara utara gusu haru hetukure toitoi anak ne,

⁸ Kamui orowa no pirika irenga koro: koroka, ai-ush-ni newa anzami hetukure chiki aemaka wa aeyoitakushi kunip ehange ruwe ne; aige, okake an koro auhuyeka ruwe ne na.

⁹ Koroka, aeomap utara, tambe nei no chi itak a yakka, echi utara gusu an okaibe newa kashichiobiuki-hi kopaketa an okaibe gusu naa pirika chi esanniyo ash ruwe ne:

¹⁰ Kamui anak ne echi utara teeda ne yakka tane ne yakka ashkanne utara otta yaishieiwangere ani an ambe ani Shinuma kon reihei gusu echi iki ambe hene omap ambe hene oira kuni oupekasak Kamui shomo ne ruwe ne.

¹¹ Orowa, okese pakno echi utara pishno pishno ukorachi an yuptek no aeshik no an chipachipa ambe ki kuni chi kon rusui ruwe ne:

¹² toranne utara shomo ne, koroka, eishokor-i newa yaiyupupu ambe ankushkerai eitakamkirep eikeshkoro utara echi ikoisamba kuni akon rusui ruwe ne.

¹³ Inambe gusu ne yakun, Kamui anak ne Abraham otta eitakamkire ita, naa kasu no pasep epeka shiyuppa no ye eaikap gusu,

¹⁴ Shinuma yaiepeta wa shiyuppa no ye bine ene itak-hi :— Son no newa, nunuke ku ki wa e nunuke ash kushki, innere Ku ki wa e innere ash kusu ne, ari itak.

¹⁵ Aige, tap korachi yaiyupupu wa yaishiporore gusu, shinuma nei aeitakamkirep akore nisa ruwe ne.

¹⁶ Inambe gusu ne yakun, ainu utara anak ne iyotta pase ambe epeka wa shiyuppa no ye; orowa, nep upaure ambe an a yakka nei utara ki shiyuppa itak anak ne okaibe sonnere kuni ambe ne aesanniyo gusu auk ruwe ne.

¹⁷ Tambe otta, Kamui anak ne aeitakamkirep eikeshkoro utara orota koro esanniyop shomo aitasare ambe naa eitasa no nukare kuni ne, shiyuppa no an itak ani iyuturu omare nisa ruwe ne:

¹⁸ tambe anak, gusu Kamui shunge eaikap tu itasare shomoki ambe ani, un kotchaketa aande wa an chipachipa ambe ashikkashimare gusu numne kuni ushike orun kokira chi utara anak ne shiyuppa no aonishnishi kuni gusu an ambe ne ruwe ne;

¹⁹ nei ambe anak ne chikon ramat gusu an chip kaite nepkorʼan ambe ne, nishuwamne newa oshinnu hine nei otbe oshmake un ahun;

²⁰ Yesu anak ne Merukizedek ikiri nei no an korachi otusashuishiri pakno an Kamui otta yaishieiwangere iyotta pase guru ne akara wa chi utara gusu nei oshike un ahun nisa ruwe ne na.