Hebraios 3 - Ashiri Aeuitaknup Iyohaichish Yona 1897

3 Ik.

¹ Tata otta ashkanne iriwak utara, kando orowa no ahotuyepakara utara, chi eishokoro ash okaibe nei

² apostoro newa Kamui korope gusu yaishieiwangere esapane guru Yesu esanniyo yan; Mose anak ne obitta no Shinuma kora kenru gusu ikipniukesh korachi, Shinuma ne yakka i ashtep gusu ikipniukesh ruwe ne.

³ Inambe gusu ne yakun, chisei kasu no nei chisei kara guru anak ne aeoripakbe ne-hi pakno, Shinuma ne yakka Mose kasu no aeoripakbe kunip ne aesanniyo nisa ruwe ne. Inambe gusu ne yakun,

⁴ nep chisei ne yakka nenka orowa no aetokooiki ruwe ne; koroka, obitta no okaibe etokooikip anak ne

⁵ Kamui ne ruwe ne. Orowa, Mose anak ne auitek guru korachi Shinuma kot chisei onnaigeta ikipniukesh ruwe ne, tambe anak okaketa aye kusu ne okaibe gusu paweteshu ambe ne kuni gusu ne na;

⁶ koroka, Kiristo anak ne poho korachi Shinuma kora kenru esapanep ne; aige, chi utara anak ne okese pakno tumashnu no rametok koro wa chipachipa gusu an yaiyomonnure-hi shikkashima yakun, Shinuma kora kenru chi ne na.

⁷ Tambe gusu, Ashkanne Ramat ye-hi korachi poka :— Tanto Shinuma koro hau echi nu kusu ne yak ne, Nei nup ta koramnukara an toho nei no,

⁸ Koro kinrakara sambe asangere i nei no, iteki echi keutum nishtere yan,

⁹ Nei ambe ani echi shinrit utara en uwande wa en koramnukara, Aine, tu hotne pa uturu Ku ki ikip nukan nisa ruwe ne.

¹⁰ Tambe gusu, tan ainu ikiri gusu Ku irushka hine ene itak-hi :— Nei utara anak ne ramma-kane koro keutum ta ohaita: Koroka, Ku ruhu nei utara erampeutek;

¹¹ Aige, nei utara Ku shini-i otta ahup shomoki kusu ne, Sekoro, Ku irushka wa shiyuppa no ku ye nisa ruwe ne.

¹² Iriwak utara, ikineipeka nenka echi tumugeta an guru anak eishokor-i sak wen keutum koro bine ika ishu Kamui wano eyaishishire kuni ne yaitubare yan: koroka,

¹³ tanto ari aporosep an rapoke pakno, kesto utashpa uwe-onishnishi yan; ikineipeka nenka echi tumugeta an guru anak ne chikokatpak kokandama ambe gusu anishtere kushki na:

¹⁴ inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

¹⁵ ene itak-hi, Tanto shinuma koro hau echi nu kusu ne yak ne, Koro kinrakara sambe asangere i nei no, iteki echi keutum nishtere yan.

¹⁶ Nu okere orowa no irushkare guru nen ne ruwe he an? Mose orowa no atura wa Echipt Moshiri wano araki shomo ne ruwe?

¹⁷ Samata, tu hotne pa uturu pakno hunna epeka Shinuma koirushka ruwe he an? koro tumama-awehe nup otta hachiripa chikokatpak ki utara shomo ne ruwe?

¹⁸ Orowa, hunna epeka no koro shini-i otta ahup shomoki kusu ne sekoro shinuma shiyuppa no ye ya? Itakkashi utara epeka gusu shomo ne ruwe he an?

¹⁹ Nei utara anak ne eishokor-i sakbe ne wa gusu otta ahup eaikap ne sekoro chi nukara ash ruwe ne na.