Hebraios 13 - Ashiri Aeuitaknup Iyohaichish Yona 1897

13 Ik.

¹ Iriwak utara koomap ambe ramma-kane an kuni ki yan.

² Oya utara koomap kuni ambe iteki oira yan: inambe gusu ne yakun, an utara anak ne eramushkare no Kamui hauturumbe reushire nisa ruwe ne.

³ Tura no atupetupe korachi atupetupe wa okai utara eshkarun yan; echi utara ne yakka netobake ta okai wa okai gusu otta wen no iki an utara eshkarun yan.

⁴ Obitta no okai utara tumuta umurek guru nei-hi hemhem, akoatcha shomoki shotki hemhem kooripak yan: inambe gusu ne yakun, Kamui anak ne hoiyo utara newa omoinu koro utara koipishi kusu ne gusu ne na.

⁵ Ichen shomo koomap no okai; yaikorobe gusu yaiyainuwere yan: inambe gusu ne yakun, Shinuma yaikota ene itak-hi :— Kuani anak ne son no moshima no e ande shomoki, e emaka shomoki kusu ne. Tarahe gusu,

⁶ rametokkon no ene itak-hi; — Utarapa anak ne en ikashiube ne; shomo ku ishitoma kusu ne: Ainu anak ne en epeka hemanda iki kusu ne ya?

⁷ Echi epungine utara, Kamui itak echi orun ye utara eshkarun yan; orowa, nei utara ene moshiri koapkash wa ikichi ambe esanniyo hine, koro eishokor-i koikara yan.

⁸ Yesu Kiristo anak ne numan ne yakka tanto ne yakka otusashuishiri pakno ne yakka upakitara an na.

⁹ Usa okai newa oya an epakashi gusu iteki aeyaiutumashire yan: inambe gusu ne yakun, irenga gusu keutum aeumashnure ambe pirika ruwe ne; otta apkash utara anak ne shomo eyaiepirikare aep gusu shomo ne na.

¹⁰ Chi utara gusu shine yange-set an, aige, nei kash otta eyaishieiwangere utara anak nei ambe gusu ibe kunip shomo ne ruwe ne.

¹¹ Inambe gusu ne yakun, katpak ankushkerai Kamui otta yaishieiwangere utara esapane guru ashkanne ushike orun ani wa ek kemihi gusu an chikoikip kon netobake anak ne,

¹² kash-tai soita uhuyeka ruwe ne. Tambe gusu, Yesu ne yakka, yaikota koro kemihi ani utara ashkannere kuni ne, apa soigeta aeyairamshitnere nisa ruwe ne.

¹³ Tambe gusu chi utara ne yakka Shinuma gusu an aesapse ambe sei wa kash-tai soigeta an Shinuma orun paye anro.

¹⁴ Inambe gusu ne yakun, teda anak ramma an kuni machiya shomo chi koro, koroka, ek kusu ne ambe chi hunara ash shiriki okai ruwe ne.

¹⁵ Yakun, Shinuma ankushkerai ramma-kane chi utara Kamui orun iramye an ayange kunip yange anro, tambe anak, Shinuma kon reihei orun eyaipushi papush wano hetuku ambe ne ruwe ne.

¹⁶ Pirikap hene ki, tura hene iki ambe iteki oira yan: nei no okai ayange kunip Kamui shiri enupetne ruwe ne gusu ne na.

¹⁷ Echi epungine utara koitaknu wa otta yairapo-kikara yan: nei utara anak ne echi kon ramat gusu shiruwande wa okai, gusu aesanniyo kusu ne utara korachi nep; nei utara nuwap shomoki no, nupetne no iki kuni ne kara yan: shomo ne yakun, tambe echi gusu raka-isambe ne ruwe ne gusu ne na.

¹⁸ Un gusu inonno-itak ki wa un kore: chi utara anak ne oheuge keutura sak wa nep ne yakka gusu oupeka no moshiri koapkash rusui ruwe ne sekoro chi ramu ash ruwe ne gusu ne na.

¹⁹ Orowa, naa tunashino echi orota a en omande kuni ne, tap korachi echi ki kuni naa kasu no echi onishnishi ash ruwe ne.

²⁰ Orosama, nei hitsuji chikoikip koro pase epungine guru ne Yesu Kiristo, otusashuishiri pakno an aeuitaknup gusu an kemihi ankushkerai, rai-i orowa no hetopo-shiknure irenga koro Kamui anak ne,

²¹ pishno an pirika ikip ani Shinuma irenga echi kara kuni ne echi eramushinnere, aige, Yesu Kiristo gusu shinuma nupetnere kunip un onnaigeta ikichi kuni ne ku koramkon na; otusashuishiri wano otusashuishiri pakno Shinuma orun arakuru an na. Amen.

²² Koroka, iriwak utara, onishnishi an itak echi inu kuni echi onishnishi ash na: moyo no an itak ani echi orun ku nuye nisa ruwe ne gusu ne na.

²³ Chikoro iriwak ne Timoteos anak ne ahonnere okere sekoro eramu yan; shinuma naa pon no okaketa ek yakun, tura no echi nukara ash kusu ne.

²⁴ Obitta no okai echi epungine utara, obitta no okai ashkanne utara tura, ekap yan. Itaria un utara echi ekap an na.

²⁵ Irenga anak ne obitta no okai echi utara tura an kuni atoramkon na. Amen.