Hebraios 11 - Ashiri Aeuitaknup Iyohaichish Yona 1897

11 Ik.

¹ Eishokor-i anak ne chipachipa kuni ambe ikkeu ne,

² shomo anukarabe uwandep ne ruwe ne. Inambe gusu ne yakun, nei ambe ankushkerai ekashi utara

³ otta paweteshu ambe aki nisa ruwe ne. Moshiri anak ne Kamui itak ani akara an sekoro eishokor-i gusu chi eraman, tambe gusu anukarabe anak ne hetuku an okaibe orowa no shomo akan na.

⁴ Eishokor-i an gusu Aberu anak ne Kain kasu no eetasa pirika yange kunip Kamui otta yange nisa, nei ambe ankushkerai Shinuma anak oupeka guru ne sekoro otta paweteshu an, aige, shinuma ayangep epeka Kamui paweteshu ki, aine, nei guru rai okere yakka nei ambe gusu itak sange ruwe ne.

⁵ Eishokor-i an gusu Enok anak ne rai ambe shomo nukara kuni ne eishokor-i gusu auk nisa; awa, shinuma shomo anukara, Kamui shinuma uk nisa ruwe ne gusu ne na: inambe gusu ne yakun, shinuma auk etokota, Kamui aenupetne ruwe ne sekorʼan paweteshu ambe an ruwe ne gusu ne na:

⁶ orowa, eishokor-i sak chiki Kamui nupetnere eaikap ruwe ne; inambe gusu ne yakun, Kamui otta ek guru anak ne Kamui an sekoro eishokoro, samata, Shinuma ihunara utara epirikare Kamui ne sekoro eishokoro kunip ne ruwe ne.

⁷ Eishokor-i an gusu Noa anak ne naa shomo anukarabe epeka Kamui orowa no anure gusu Kamui kooripak an ishitoma keutum atte gusu, koro uni un utara shiknure kuni ne chip kan nisa ruwe ne; nei ambe ankushtapne shinuma moshiri kokatpakte, aige, eishokor-i kari an oupekap aeikeshkore guru ne akara.

⁸ Eishokor-i an gusu Abraham anak ne anishuk ita, aeikeshkoro kuni ushike orun arapa kuni koitaknu nisa; awa, nei oro arapa ya eramushkare no shinuma oman nisa ruwe ne.

⁹ Eishokor-i an gusu shinuma anak ne, yaikota korobe shomo ne an korachi nei aeitakamkire moshiri ta, payekai guru ne, aige, tura no nei heru aeitakamkirep uina Isaak newa Yakob korachi kash otta oshiroma;

¹⁰ inambe gusu ne yakun, shinuma anak ne asamaha an machiya hunara nisa, nei ambe esanniyo wa kara guru anak Kamui ne ruwe ne gusu ne na.

¹¹ Eishokor-i an gusu Sara poka yaikota poro shukup ita shinnaikat iyeunu kuni kiroro akore, eitakamkire guru sonep ne sekoro esanniyo nisa ruwe ne gusu ne na:

¹² tambe gusu poka rai okere guru korachi an shine ainu orowa no kando un nochiu nei no inne, atuisam ota korachi shiri poron no hetuku nisa ruwe ne.

¹³ Tapan obitta no okai utara anak ne aeitakamkire ambe shomo uina no eishokor-i atte wa raipa nisa, koroka ehangeko no nei ambe ingara wa ekap, aine, nei utara moshiri koapkash wa oya utara ne payekai utara ne kunak ye nisa ruwe ne.

¹⁴ Inambe gusu ne yakun, nei no okaibe ye utara anak ne yaikota koro kuni moshiri hunara shiriki okai sekoro irammakaka epakashnu ruwe ne.

¹⁵ Orowa shui, orowa no oaship moshiri nei utara ramepakari poka iki a chiki, hoshippa kuni ika an nangon na.

¹⁶ Koroka, tane nei utara anak ne naa pirikap, kando ne an ap kon rusui: tambe gusu, koro Kamui ne aporose kuni ambe, Kamui nei utara gusu shomo eyainikoroshma shiriki: nei utara gusu Shinuma anak ne shine machiya kan nisa ruwe ne gusu ne na.

¹⁷ Eishokor-i an gusu Abraham anak ne auwande ita Isaak yange nisa: ruwe un, yaikopuntek no nei aeitakamkirep akore guru anak ne yaikota koro shinen ne poho yange shiriki an nisa;

¹⁸ shinuma otta — Isaak gusu e sanike anak ne aporose gusu ne — ari itak;

¹⁹ Kamui anak ne rai-i orowa no poka hetopo-shiknure eashkai kunak esanniyo nisa ruwe ne; awa, ikimaukushte ikip gusu ka rai-i wano shinuma hetopuina nisa ruwe ne na.

²⁰ Eishokor-i an gusu Isaak anak ne, ek kushki okaibe gusu ne yakka, Yakob newa Esau shinnunuke nisa.

²¹ Eishokor-i an gusu Yakob anak ne, rai shiri an rapoketa, Yosep koro poho utara pishno shinnunuke nisa; aige, koro kanni sapa eyaikopashte hine ongami nisa ruwe ne.

²² Eishokor-i an gusu Yosep anak ne, tane onne ehange ita, Israeru un utara payekai kuni ambe ye nisa; aige, yaikota koro pone gusu kashpaotte nisa ruwe ne.

²³ Eishokor-i an gusu Mose anak ne shiko yakun, koro eshikop utara orowa no re chup uturu anuina, pirika aiai ne sekoro nukan nisa ruwe ne gusu ne na: samata, nei utara anak ne moshiri shikkashima guru sange

²⁴ oma-irenga shomo koishitoma an na. Eishokor-i an gusu Mose anak ne shukup okere yakun, Parao matnepo koro poho aporose katu ekatupase;

²⁵ an pakihi uturu chikokatpak an ambe ani yainupetnere kasu no, Kamui koro utara tura aeramu nishte wa akore katu pirikap ne sekoro yainu ruwe ne;

²⁶ samata, Kiristo gusu wen no aye-hi anak ne Echipt moshiri ta okai ikoro kasu no oteknu ambe ne sekoro esanniyo nisa ruwe ne; inambe gusu ne yakun, shinuma anak ne pummaha gusu an iwayehe echipachipa nisa ruwe ne gusu ne na.

²⁷ Eishokor-i an gusu shinuma anak ne, moshiri shikkashima guru irushka ambe koishitoma shomoki no Echipt moshiri emaka nisa ruwe ne: inambe gusu ne yakun, anukara eaikapbe orun nukara korachi yaishiporore nisa ruwe ne.

²⁸ Eishokor-i an gusu shinuma anak ne, nei kiyanne utara isamka ambe shinuma utara iteki orooiki kuni ne, Kamakush marapto newa kem chari ambe atte nisa ruwe ne.

²⁹ Eishokor-i an gusu sat toi akush korachi nei utara anak ne Kokai atui kush nisa ruwe ne; aige, Echipt moshirʼun utara nei no iki kuni heashire, awa, akamure nisa ruwe ne.

³⁰ Eishokor-i an gusu Yeriko koro chashi tumama anak ne, arawan toho uturu anikkotama okere chiki, hachiri nisa ruwe ne.

³¹ Eishokor-i an gusu hoiyo-buri koro Rahab anak ne, itomo irenga sange wa nei inukara utara uk, aine, itakkashi utara tura shomo aisamka nisa ruwe ne.

³² Orowa shui, tambe moshima hemanda ku ye kusu ne ya? Inambe gusu ne yakun, Gedeon hene, Barak hene, Samson hene, Yeppata hene; orowa moshima shui, Dabid newa Samoueru newa uweingara utara gusu ye pakihi isam ruwe ne gusu ne na:

³³ nei utara anak ne eishokor-i ankushkerai moshiri annokara, oupekap iki, eitakamkirep akore,

³⁴ shishi chikoikip koro paro seshke, abe kiroro ushka, rangetam-ibe eyaiohaitare, katchakbe ne a yakka atumashnure, tumi gusu tumashnu, oya un utara koro tumi-koro topaha okeuba nisa ruwe ne.

³⁵ Hetopo-ashiknure gusu shiwentep utara anak ne koro rai utara uina: moshima okai utara anak ne aeramushitnere, aige, kikiraye kuni ambe ekatupase; tambe anak naa pirika hetopo-shiknu-hi akore kuni gusu an ambe ne:

³⁶ orowa, moshima okai utara anak ne auwande wa aeoyaitak hine akoshirikik an, ruwe ne wa, nei a moshima, atupetupe hemhem aki, ipakashnu chisei ta ahupte hemhem aki ruwe ne:

³⁷ shuma ani apiyekara hene aki, ekushna acha hene aki, akoramnukara hene aki, atameraige hene aki: hitsuji chiko-ikip rush hene yangi chikoikip rush hene rai wa apkash;

³⁸ otek-sak wa eyairamshitnere, otta wen no iki an (moshiri anak ne nei utara gusu upak shomoki), nup otta hene, iwero otta hene, poru otta hene, toi un shui otta hene ekeshinne yaimunkopoiba ruwe ne.

³⁹ Tap okai utara anak ne obitta yaikota koro eishokor-i ankushkerai paweteshu ambe akore,

⁴⁰ awa, aeitakamkirep shomo akore, tambe anak ne chi utara wano oyakta okai hine nei utara shomo aeramushinnere kuni gusu an ap ne, Kamui anak ne un gusu naa pirika an okaibe ramepakari nisa ruwe ne gusu ne na.