Hebraios 10 - Ashiri Aeuitaknup Iyohaichish Yona 1897

10 Ik.

¹ Inambe gusu ne yakun, tuitak anak ne okaketa ek kushki pirikap koro kurihi ne wa, nei okaibe son no nokaha shomo ne gusu, nei utara anak ne kespa range ramma ukorachi an ayangep ani karange no araki utara oara eramushinnere eaikap ruwe ne gusu ne na.

² Shomo ne chiki, nei ambe ayange kuni-hi aokere shomoki kusu ne a ambe ne, inambe gusu ne yakun, nei Kamui ko-ongami ki utara anak ne arashui no aashkannere wa naa katpak gusu an yaikowepekere keutum sak ruwe ne gusu ne na.

³ Koroka, nei a ayangep gusu kespa range katpak aeshkarunbe an ruwe ne.

⁴ Inambe gusu ne yakun, pinne beko newe yangi koro kem anak ne oara katpak isamka eaikap ruwe ne gusu ne na.

⁵ Tambe gusu, Shinuma moshiri otta ahun ita, ene itak-hi; — Ayange kunip newa aikrap shomo e kon rusui, Koroka, en gusu netobake E etoko-oiki nisa ruwe ne;

⁶ Katpak gusu an ramne uhuyeka ayangep newa aikrap otta Aokai shomo enupetne ruwe ne;

⁷ Nei ita ene ku itak-hi :— Aa Kamui, ingarʼan, (En gusu nei Kambi-sosh kata anuye wa an) E korʼirenga ki kuni gusu ku ek ruwe ne, ari ku itak.

⁸ Tap kashiketa ene ye-hi :— Ayange kunip newa aikrap newa ramne uhuyeka ayangep newa katpak gusu an ayange kunip newa shomo E kon rusui, shomo nei okaibe otta Aokai enupetne (tap okaibe tuitak an gusu ayange nisa ruwe ne),

⁹ sekoro itak; orowa tambe aye na :— Ingarʼan, E korʼirenga ki kuni gusu ku ek ruwe ne, sekorobe aye an nisa. Tutanu an okaibe ashte kuni gusu nei atpake an ap shinuma uk ruwe ne.

¹⁰ Tap ambe ani Yesu Kiristo kon netobake arashui no ayange okere gusu, chi utara anak ne aashkannere nisa ruwe ne na.

¹¹ Orowa, Kamui otta yaishieiwangere pishno okai uitek guru anak ne son no kesto ash wa iki hine kannakanna ukorachi an ayange kunip yange ruwe ne; nei ambe oara katpak isamka eaikapbe ne ruwe tapan na:

¹² koroka, Shinuma anak ne arashui no katpak gusu shine ayange kunip yange okere chiki, Kamui shimon-tek samata ramma gusu a nisa ruwe ne na;

¹³ awa, tewa no ikeshke utara Shinuma chikiri gusu an aandep ne akara kuni pakno chipachipa koran ruwe ne.

¹⁴ Inambe gusu ne yakun, Shinuma anak ne shine ayange kunip ani aashkannere utara ramma pakno eramushinnere nisa ruwe ne na Orowa,

¹⁵ Ashkanne Ramat ne yakka un otta paweteshu ki wa :—

¹⁶ Utarapa ene itak-hi :— Nei toho okaketa nei utara tura no Ku ki kusu ne aeuitaknup anak ne ene ani ne; Nei utara koro sambe ta Ku tuitak Ku omare, Koro keutum kata ne yakka nei okaibe Ku nuye kusu ne, ani itak,

¹⁷ Nei no ye okere chiki ene itak-hi :— Orowa nei utara koro katpak hene, koro wen-buri hene naa Ku eshkarun shomoki kusu ne, ari an itak ani itak.

¹⁸ Orowa, tap okaibe atusare ambe an yakun, katpak gusu ayange kuni ambe isam ruwe ne.

¹⁹ Tambe gusu, iriwak utara, Yesu koro kem ani, chi utara gusu akara ashiri shiknu an ru kari,

²⁰ otbe ne Shinuma kon netobake kari, rametokkon no nei ashkanne ushike otta ahup ash eashkai gusu;

²¹ samata, Kamui kora kenru esapane pase Kamui otta yaishieiwangere guru an gusu,

²² chi utara anak ne eishokor-i eshik wa son no keutum ani, keutum oma wen yainu-hi gusu akochari wa ashkanne wakka ani chikon netobake ayashke hine karange no araki yanro:

²³ chi utara utumashi shomoki kuni ne aeyaipushi an chipa-chipa ambe yupke no shikkashima yanro; inambe gusu ne yakun, eitakamkire Kamui anak ne ikipniukeshbe ne ruwe ne gusu ne ruwe ne na:

²⁴ orowa utashpa pirika ikip kire hemhem ki, omap hemhem kire kuni gusu uwe-esanniyo yanro;

²⁵ moshima okai utara ki buri korachi iteki uwekarapa kuni ambe oira, koroka, uwe-onishnishi yanro; shui, nei toho karange no ek an-hi echi nukara wa naa nei no ki yanro.

²⁶ Inambe gusu ne yakun, sonep eraman kuni mondum akore orowa no rengaine chikokatpak chi ki yak anak ne, nei chikokatpak gusu an ayange kunip isam ruwe ne,

²⁷ koroka, akoipishi kuni ambe newa pokba utara isamka kusu ne a opopmau an abe aramu-hi koishitoma ambe newa an ruwe ne.

²⁸ Mose tuitak otereke ainu anak ne shomo aerampokiwen wa akore no tun ren paweteshu utara gusu rai ruwe ne:

²⁹ awa, Kamui Poho ekema-pok-otereke hemhem ki, orowa, ani aashkannere aeuitaknu kemihi use ambe ne ari yainu hemhem ki, orowa, irenga an Ramat gusu shomo eyaikatanu hemhem ki utara anak ne, hemanda naa yupke no apanakte kunip ne sekoro echi ramu ya?

³⁰ Inambe gusu ne yakun, panakte kuni ambe anak ne Ku ki kunip ne, Kuani itasa iki kusu ne ari an itak ani ye guru chi eraman. Shui an, Utarapa anak ne koro utara koipishi kusu ne.

³¹ Ishu Kamui koro teke otta hachiri ambe anak ne ashitomap ne ruwe ne na.

³² Koroka, echi utara apekereka okaketa aeyairamshitnere gusu an poro ukoiki ambe eyaishiporore teeda an toho eshkarun yan;

³³ oattekeheta, aesapsep gusu ne yakka aeramchuptekbe gusu ne yakka aeiyoroingara utara ne akara; shui oattekeheta, nei no akara utara ukotura utara echi ne ruwe ne gusu ne na.

³⁴ Inambe gusu ne yakun, echi utara anak ne atupetupe an utara erampokiwen wa kore hemhem ki yaikopuntek no yaikota korobe akoisamka ambe eshiporore hemhem ki nisa, echi utara yaikota naa pirika newa riya an okaibe echi koro ambe echi eraman ruwe ne gusu ne na.

³⁵ Tambe gusu, shi no oro an no an pummaha koro echi koro rametokkorobe iteki osura yan.

³⁶ Inambe gusu ne yakun, yaiyupupu ambe anak echi koro kunip ne, Kamui irenga echi ki okere chiki, nei eitakamkirep koro kuni gusu ne na.

³⁷ Naa shi no irukai okaketa, Ek kuni guru, tere shomoki no, ek kusu ne,

³⁸ Koroka, ku goro oupeka guru eishokor-i gusu shiknu kusu ne: Aige, Shinuma yaishietaye yakun, Shinuma gusu shomo ku keutum enupetne ruwe ne.

³⁹ Koroka, chi utara anak ne aisamka kuni-hi pakno yaishietaye utara shomo chi ne; aine, ramat epirikare gusu eishokor-i atte utara tura ikichi utara chi ne ruwe ne.