Hebraios 1 - Ashiri Aeuitaknup Iyohaichish Yona 1897

1 Ik.

¹ Fushkotoita poron no ausarayep newa usa okai katuhu ari, uweingarape ani ekashi otta itak ye Kamui anak ne,

² tan okese an toho ta obitta no okaibe eikeshkore kuni gusu atte, ani moshirʼebitta ne yakka kara poho teshkara wa un orota itak sange nisa ruwe ne;

³ Shinuma anak ne Kamui nupeki oma tomtep ne, Kamui katuhu oma son no nokaha ne, koro kiroro an itak ani obitta no okaibe nitatpa ruwe ne; Shinuma anak ne chikoro katpak gusu furaye ambe ki okere chiki, rik un pasep shimon samata a nisa ruwe ne;

⁴ Shinuma anak ne Kamui uitekbe kon reihei kasu no eitasa pirika reihei ani areikore pakno, nei Kamui uitekbe ka kasu no pirika ne ruwe ne na.

⁵ Inambe gusu ne yakun, Kamui uitekbe utara tumugeta okai inambe otta hembara ta ene ene ye ya? Aokai anak ne Ku Poho ne, Tanto Kuani e hekature ash na. Orowa shui, Shinuma gusu Kuani Michi ku ne kusu ne, En gusu anak Shinuma Poho ne kusu ne na.

⁶ Orowa shui, moshiri otta kiyanuepo ahunge chiki, ene itak-hi :— Obitta no okai Kamui uitekbe Shinuma koongamirero.

⁷ Orowa Kamui uitekbe gusu ene itak-hi :— Shinuma anak koro uitekbe ani rera ne kara, Koro yaishieiwangere utara ani abe-nui ne kara;

⁸ Koroka poho gusu; — Aa Kamui, E koro amset auak ne otusashuishiri wano otusashuishiri pakno an ambe ne; Aokai esapane kuni mondum anak ne oupeka mondum ne ruwe ne. Aokai anak ne oupekap omap wa wenbe etunne nisa ruwe ne;

⁹ Tambe gusu, Kamui anak ne, E koro Kamui anak e koro utara akkari wa Yaikopuntek oma shum ani E kashiota nisa ruwe ne na.

¹⁰ Orowa, Utarapa, Aokai anak ne atpaketa toitoi asama E ande nisa ruwe ne, Kando ne yakka E tekehe karape ne ruwe ne:

¹¹ Nei okaibe anak aisam kusu ne; koroka Aokai ramma pakno an shiri ki; Amip korachi nei ambe fushko ne kusu ne;

¹² Amip aukoniko korachi Aokai anak ne nei ambe ukoniko kusu ne, Amip korachi, orowa, nei ambe chiitasare kusu ne: Koroka, Aokai anak ne an a-i korachi an, E paha anak aokere shomoki kusu ne na.

¹³ Koroka, koro hauturumbe utara tumugeta okai inambe orun hembarata ene ene ye ya? E epokba utara ani e chikiri andep ne ku kara pakno, Ku shimon tek-samata a yan.

¹⁴ Nei okaibe anak ne kashichiobiuki ambe eikeshkoro kushki utara rengap gusu auitek kuni ne aomande yaishieiwangere ramat shomo ne ruwe he an?