Epesos 5 - Ashiri Aeuitaknup Iyohaichish Yona 1897

5 Ik.

¹ Tambe gusu, aomap an poho utara nei no Kamui eikosamba utara ne yan; orowa, omap ki wa apkash,

² Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

³ Koroka, hoiyo newa obitta no okai ichakkere ambe hene, yaikoshipuinere ambe ne yakka, ashkanne kuni utara an korachi, echi tumugeta porose poka iteki ki yan;

⁴ samata, turu-ushbe hene, katchak itak hene, eoya-itak ambe hene, iteki porose yan, tap okaibe oupak no an ambe shomo ne ruwe ne: koroka, makangane ko-yaiiraige ki yan.

⁵ Echi utara pirika no tambe uonnere na, hoiyo ki guru hene, ichakkere guru hene, yaikoshipuinere ki guru hene, potoki ko-ongami guru hene, Kiristo newa Kamui moshiri oara eikeshkoro shomoki ruwe ne gusu ne na.

⁶ Oha itak ani nenka orowa no iteki aeyaikokandama kuni okai yan: inambe gusu ne yakun, tap okaibe an gusu itakkashi utara kashiketa Kamui irushka-hi kashiaomare ruwe ne gusu ne na.

⁷ Tambe gusu, iteki nei utara tura ukouina yan;

⁸ inambe gusu ne yakun, teeda echi utara kurokokbe echi ne a koroka, tane anak Utarapa otta pekerebe echi ne ruwe ne gusu ne na:

⁹ pekere poho korachi apkash yan (pekere hetukup anak ne pirikap otta hene, oupekap otta hene, sonep otta hene an ambe ne ruwe ne gusu ne),

¹⁰ Utarapa nupetnere ambe uwande wa okai yan:

¹¹ shui, ibe-sak no an kurokok buri shomo ukokoro wa nei ambe koipishi wa esanniyo yan,

¹² inambe gusu ne yakun, nuina no nei utara ki ikip aporose yakka yainikoroshmarep ne ruwe ne gusu ne na Koroka,

¹³ obitta no okaibe akoipishi wa aesanniyo chiki pekere gusu anukare ambe ne: inambe gusu ne yakun, nep ne yakka pekereka ambe

¹⁴ anak ne pekere ne ruwe ne gusu ne na. Tambe gusu, Shinuma ene itak-hi — Mokoro wa an guru mosh wa rai-hi orowa no hetopo-shiknu yan, orowa, Kiristo anak ne e orun pekere atte kusu ne na.

¹⁵ Tambe gusu, nekon a echi apkash ya yaitubare yan; wayasap guru korachi shomo ne no wayashnu guru nei no ki yan;

¹⁶ toho wen wa gusu pakihi kikiraye yan.

¹⁷ Tambe gusu iteki ramu-sak no okai yan, koroka, Utarapa irenga nekon a ambe ne ya esanniyo yan.

¹⁸ Samata, otta esanasapte an tonoto gusu iteki ihoshki yan, koroka, Ramat ani aeshik no okai yan; orowa,

¹⁹ iyohaiochish ani hene, shinotcha ani hene, ramat oma yairap ani hene, uweutashpa itak, orowa, koro keutum ta Utarapa gusu shinotcha ki wa hau ashte yan;

²⁰ ramma nep ne yakka gusu chikoro Utarapa ne Yesu Kiristo kon reihei ankushkerai akoro Michi ne Kamui otta koyaiiraige ki;

²¹ samata, Kiristo gusu an ishitoma-hi koro wa uweutashpa yai-uitaknure yan.

²² Machi ne utara, Utarapa otta itaknu korachi, echi koro hoku otta ne yakka ki yan.

²³ Inambe gusu ne yakun, hoku ne guru anak ne koro machi sapaba ne, Kiristo poka karisia koro sapaba ne wa, yaikota nei netobake kashiobiuki ambe korachi ne na.

²⁴ Koroka, karisia anak ne Kiristo otta koitaknu korachi, tambe nei no machi ne utara ne yakka nep ne yakka gusu

²⁵ koro hoku otta koitaknu yan. Hoku ne utara, Kiristo anak ne karisia omap wa nei ambe gusu yaiyange nei no, echi utara poka shem korachi koro machi omap yan;

²⁶ Shinuma nei no ki ambe anak ne, itak ani wakka otta furaye wa nei karisia turu-sakte, aige, ashkannere hene ki wa,

²⁷ echi ne wa ukokomonse nei no an okaibe sak no, koroka, ashkanue, turu-sak no Shinuma nei karisia ani nupeki an karisia yaikota otta kore kuni kan nisa ruwe ne.

²⁸ Tap korachi poka hoku ne utara anak ne yaikota koro netobake omap korachi koro machi ne yakka omap kuni gusu ne a ambe ne. Yaikota koro machi omap guru anak ne yaikota yaiomap ruwe ne:

²⁹ yaikota koro kam etunne guru shinen ka isam; koroka, Kiristo anak ne koro karisia poka omap korachi, utara anak ne koro kara ne yakka reshpa wa nitata ruwe ne;

³⁰ chi utara Shinuma kon netobake oma awehe chi ne ruwe ne gusu ne na.

³¹ Tambe gusu, ainu anak ne koro ona koro unu ande wa koro machi tura ko-an, orowa, nei tun anak ne shine kara ne kusu ne.

³² Tan mukkep anak ne poro: koroka, Kiristo newa karisia epeka no ku ye na.

³³ Yakka, echi utara pishno yaikota yaiomap korachi yaikota koro machi omap yan; orowa, machi ne guru anak ne koro hoku ko-oripak yan.