Epesos 4 - Ashiri Aeuitaknup Iyohaichish Yona 1897

4 Ik.

¹ Tambe gusu, Utarapa gusu apakashnu guru kuani anak ne, echi okai utara yaieoripakka hene ki, ramushiroma hene ki, ramushiporore hene ki, uwe-utashpa omap hene ki hine uwe-eyai-shiporore hene ki,

² orowa, gusu echi atak wa okai atak ambe kopakeot no apkash hene ki,

³ samata, itomo ari an kut ani akutkoro hine, shiarikiki no Ramat gusu an shinep ne ambe shikkashima hene echi ki kuni echi onishnishi ash na.

⁴ Echi utara poka atak wa okai wa nei atak ambe gusu shine chipachipap an korachi, shine netobake, shine Ramat an;

⁵ Shine Utarapa, shine eishokor-i, shine baptisma, utara obitta enishpare gusu shine Michi ne Kamui an,

⁶ Shinuma anak ne obitta no okai utara kashiketa an, obitta no okai utara gusu an, obitta no okai utara otta an ruwe ne.

⁷ Koroka, Kiristo sange aikrap apakari wa an wa, pishno pishno okai un otta irenga a un kore nisa.

⁸ Tambe gusu, shinunra ene itak-hi; — Shinuma ri ushike oruu rikiu ita, teke-apashte ambe teke-pashte nisa ruwe ne. Orowa, utara otta aikrap koropare nisa ruwe ne na.

⁹ (Tapan Shinunra rikin, sekorʼan itak — Shinuma moshiri pokna an-i otta ne yakka ran moshima hemanda ne ya?

¹⁰ Ran guru anak ne nep ne yakka shikte kuni gusu, obitta no okai kando ara kashike orun ne yakka rikin guru uoyap shomo ne ruwe ne).

¹¹ Orowa, Shinunra koropare aikrap anak ne Apostoro ne kuni sereke an; uweingara guru ne kuni sereke an; pirika shongo akore guru ne kuni sereke an; epungine guru newa epakashnu guru ne kuni sereke an ruwe ne;

¹² tambe an chi utara obitta shinep ne an eishokor-i ki hine Kamui Poho eraman wa rupne guru ne, Kiristo gusu an aeshikte ambe upak an kewe ri pakno shukup ash kuni ne,

¹³ shieiwangere-hi gusu Kiristo kon netobake aashte gusu, Ashkanne utara eramushinnere kuni gusu an ambe ne;

¹⁴ tewa no chi utara anak ne nokan utara shomo chi ne wa, irara wa utara chinorep gusu shomo ashiren wa obitta no okai epakashi gusu koshunge an kokandama ambe ari aye rera ani iteki ekeshne-ekeshne ashishuye kuni gusu an ambe ne;

¹⁵ koroka, omap wa sonep ki hine nep ne yakka gusu sapaha ne Kiristo otta shukup kuni gusu an ambe ne ruwe ne na;

¹⁶ Shinuma gusu pishno okai ikra koropare ambe an gusu, netobake ebitta irammakaka aurukire wa uweyupu hine pishno an awehe ki ikip an korachi, omap ki wa netobake shukupte wa yaiashte ruwe ne.

¹⁷ Tambe gusu, tapne ku ye wa Utarapa gusu paweteshu ku ki:— Oya utara ka keutum raka-sakbe otta, koro oshike un ramusakbe gusu, koro sarabe nishte wa gusu,

¹⁸ Kamui inotu orowa no uwoyakta an wa eraman kuni mondum akunnere wa an gusu apkash korachi, iteki nei no echi apkash yan;

¹⁹ nei utara yainikoroshmap erampeutek wa yaikoshipuinere hine obitta no okai ichakkere ambe iraugetupa kuni ne ramupekere otta yaikoropare nisa ruwe ne.

²⁰ Koroka, echi utara anak ne nei no korachi shomo Kiristo eyaihannokkara ruwe ne;

²¹ echi utara Yesu oshike un son no ambe an korachi Shinuma otta ko-nu wa Shinuma otta aepakashnure an nisa ruwe ne:

²² nei ambe tapne ne, kokandama oina iki rusuibe gusu awende wa an fushko ainu etoko an buri tura oyakta ande hine,

²³ echi keutum oma ramat ashin no akara wa Kamui gusu,

²⁴ oupekap gusu hemhem, son no unbe newa turu-sakbe otta hemhem akara ashiri ainu yaimire kuni ambe ne ruwe ne na.

²⁵ Tambe gusu, echi utara anak ne shungep ande wa pishno pishno aun guru otta son no ambe ye yan: chi utara anak ne uwe-utashpa an awehe ne ruwe ne gusu ne na Irushka wa iteki katpak ki:

²⁶ chup ahun pakno iteki irushka yan:

²⁷ samata, nitne Kamui gusu ushike iteki kara yan.

²⁸ Ikka nisa guru anak ne tewa no iteki ikka yanro: koroka, eishiramne guru otta koropare kuni okaibe an kuni ne, monraige wa koro teke ani pirikap ki yan.

²⁹ Echi paro wano iteki wen itak sange yan, koroka, nu utara otta irenga an kuni gusu eashkai pakno wayashnure pirikap sange yan.

³⁰ Kikiraye kuni toho pakno ani echi utara han aomare Kamui koro Ashkanne Ramat iteki oknatara yan.

³¹ Obitta no okai iporo-shiube hene, kinrakarabe hene, irushka ambe hene, irambotarare ambe hene, koatcha ambe hene, obitta no okai wenbe tura oyakta ande yan:

³² orowa, utashpa uweramuhauge ki hine uweramuhapuru yan, Kamui anak ne Kiristo gusu ka echi koro chikokatpak tusare korachi, echi utara ne yakka uweutashpa tusare yan.