Epesos 3 - Ashiri Aeuitaknup Iyohaichish Yona 1897

3 Ik.

¹ Tambe gusu, Oya utara echi utara rengap gusu Kiristo Yesu koro apakashnu guru Pauros ku ne anak,

² echi utara gusu Kamui en shikkashimare kuni en koropare irenga echi nu nangora;

³ eeshiri moyo an itak ani ku nuye korachi, ekambakbe ani mukke wa an okaibe a

⁴ en eramande ruwe ne; nei ambe echi oro-oitak chiki, kuani Kiristo koro mukkep ku eraman ambe echi onnere kusu ne na;

⁵ tane Ramat ani koro Apostoro utara newa uweingara utara otta aekambakte nei no, nei ambe anak moshima okai ikiri ta ainu poho utara otta shomo aeramande nisa ruwe ne;

⁶ Oya utara anak ne pirika shongo gusu uko eikeshkoro utara ne, ukotura shine netobake un awehe ne, Kiristo Yesu koro eitakamkire ambe uko-uina utara ne ruwe ne;

⁷ koro kiroro ikip an gusu a en koropare Kamui irenga ne korarape an korachi, kuani anak ne nei pirika shongo otta yaishieiwangerere guru ku ne ruwe ne na.

⁸ Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

⁹ samata, obitta no okai ikiri wano nep ne yakka kara Kamui oshiketa mukke wa an asbikkashimarep obitta no okai utara otta nure kuni irenga a en koropare nisa ruwe ne;

¹⁰ tambe anak ne Kamui chikoro Utarapa ne Kiristo Yesu gusu shashuishiri wano an keutum an korachi,

¹¹ tane kando un kiroro newa mondum koro utara otta karisia ani Kamui inne no okai wayashnu ambe anure kuni gusu ne na;

¹² chi utara anak ne Shinuma eishokoro gusu rametok koro wa ehonnai shomoki no Kamui otta karange no araki ruwe ne na.

¹³ Tambe gusu, echi utara gusu ku ki aerarachuptekbe gusu iteki echi ramurai kuni ku koramkoro; nei ambe anak ne echi gusu an nupeki ne ruwe ne gusu ne na.

¹⁴ Tambe gusu, orowa no kando otta ne yakka

¹⁵ moshiri kata ne yakka pishno pishno okai uirup areikore Michi otta ku kokkaea ruwe ne;

¹⁶ Shinuma anak ne koro nupeki an ikoro esanniyo wa echi onnaigeta an ainu Shinuma kon ramat gusu kiroro

¹⁷ ani atumashnure hemhem ki, orowa, eishokor-i an gusu Kiristo anak ne echi koro keutum ta okai, samata, echi utara anak ne omap ambe orun shinrit oma hine

¹⁸ asama aande wa, obitta no okai Ashkanne utara tura aesanniyo eaikap an Kiristo koro omap-i eraman hine,

¹⁹ nei tomotuye ambe hene, epesh ambe hene, ri-hi hene, ooho-i hene, echi atumashnure wa onnere ki, orowa, Kamui koro aeshikbe ani echi aeshiktere kuni ne ku koramkon na.

²⁰ Un oshiketa iki kiroro an korachi, chi utara koramkoro hene ki, esanniyo hene ki kasu no naa nuye an no kara eashkaibe otta,

²¹ Shinuma otta shashuishiri pakno karisia oshiketa hene, Kiristo Yesu oshiketa hene nupeki anro. Amen.