Epesos 2 - Ashiri Aeuitaknup Iyohaichish Yona 1897

2 Ik.

¹ Kamui anak ne koro ouhaitap newa chikokatpak gusu rai okere echi utara kanna shiknure nisa ruwe ne;

² teeda echi utara tane an ainu ikiri kara korachi nei ouhaitap newa chikokatpak kari apkash; shui, tane okai itakkashi ki poho oshiketa iki ramat ne taskoro-mau un kiroro esapanep nei no teeda echi apkash nisa;

³ etokota echi utara ne yakka nei utara tumugeta okai wa kara gusu an ibeporore ambe koro, kara newa yainu-hi gusu an okaibe ki rusui wa moshima okai utara korachi shiko orowa no irushka gusu an poho echi ne nisa ruwe ne:— koroka,

⁴ Kamui anak ne nuye an no rampoken koro wa, chi utara koro katpak gusu rai okere yakka,

⁵ poro omap-i ani un omap poka hi hine, Kiristo tura un shiknure nisa ruwe ne (irenga ankushkerai gusu echi utara kashiaobiuki nisa ruwe ne),

⁶ orowa, Shinunra tura un hetoposhiknure wa, Kiristo Yesu gusu Shinunra tura no kando un ushiketa un rokte nisa ruwe ne na:

⁷ tambe anak iyoshi no ek paha ikiri ta Kiristo Yesu oshiketa okai un epeka no an irenga newa iyeramuhauge ambe shi no nuye an no an ambe un nukare kusu ne okaibe ne:

⁸ inambe gusu ne yakun, irenga ani eishokor-i ankushkerai echi kashiaobiuki nisa ruwe ne; echi utara yaikota gusu an ambe shomo ne: koroka,

⁹ Kamui kore ambe ne ruwe ne: inan guru ne yakka shomo yaiomonnure ki kuni ne, ki ikip gusu echi

¹⁰ kashiaobiuki shomo ki ruwe ne. Chi utara anak ne Shinunra karape ne, pirikap iki gusu Kiristo Yesu otta akan nisa ruwe ne; nei pirika ikip otta apkash kuni ambe Kamui anak ne teeda etoko-oiki nisa ruwe ne na.

¹¹ Tambe gusu, tambe uonnere yan, etokota kam gusu Oya utara echi ne wa, teke ani kam otta akara Okarituye buri akire utara orowa no, Shomo-okarituye buri akire utara ani echi aporose nisa ruwe ne;

¹² awa, nei rapoketa, echi utara Kiristo sak no okai, Israeru un utara koro ikiri gusu uwoyakta aande wa okai, eitakamkire gusu an uitaknup shomo koro, chipachipa kunip isam no Kamui sak no moshiri kata okai utara echi ne nisa ruwe ne.

¹³ Koroka, tane poka teeda ukattuima no okai echi utara anak ne Kiristo Yesu oshiketa, Kiristo koro kem gusu, ehange no arakire an ruwe ne.

¹⁴ Shinuma anak ne chikoro itomo ne wa gusu, nei tup ani shinep ne kara,

¹⁵ Shinuma nei tumugeta ash wa usaraye gusu an tumama hokushte wa ikashpaotte oshiketa okai ipawetenge gusu an tuitak, koro kam ani nei uwe-epokba ambe isamka ruwe ne; tambe anak ne Shinuma nei tup ani yaikota yaioshiketa shine ashiri ainu kara wa itomo hetukure kuni gusu an ambe ne;

¹⁶ orowa shui, nei ambe ani nei uwe-epokba ambe araige wa, utasa chikuni gusu, nei tup shine netobake koro hine Kamui tura irenga aratchire kuni gusu an ambe ne ruwe ne;

¹⁷ orowa, Shinuma ek wa ukattuima no okai echi utara otta itomo gusu an pirika shongo eupaskuma ki, shui, ehange no okai utara otta ne yakka itomo irenga eupaskuma ki nisa ruwe ne na:

¹⁸ inambe gusu ne yakun, Shinuma gusu tup ne okai chi utara anak ne shine Ramat otta Michi orun ehange no arakire nisa ruwe ne gusu ne na.

¹⁹ Tambe gusu, echi utara anak ne tane Oya utara hene, payekai utara hene shomo echi ne, koroka, Ashkanne utara tura, Kamui uni un utara tura shine moshiri uirup utara echi ne ruwe ne;

²⁰ Apostoro newa uweingara utara kashiketa asama aande wa akarabe an utara echi ne, Kiristo Yesu yaikota nei sapane shikkeu nep ne ruwe ne;

²¹ Shinuma otta pishno okai aashte kunip anak ne auweunu wa Utarapa gusu Ashkanne kenru ne

²² shukup ruwe ne; Shinuma otta echi utara ne yakka Ramat ani Kamui gusu an oshiroma-i echi kara an na.