Ekambakbe 9 - Ashiri Aeuitaknup Iyohaichish Yona 1897

9 Ik.

¹ Orowa, ashikne ikinne an hauturumbe rekte, aige, shine nochiu kando orowa no moshiri kata hachiri: awa, shinuma orun nei asama sak no an shui gusu an kangi akore nisa ruwe ne Orowa,

² shinuma nei asama sak no an shui maka; aine, poro sokot wano shupuya rikin korachi, nei shui orowa no shupuya rikin nisa ruwe ne; orowa, nei shui wano hetuku shupuya gusu tokap-chup newa rera-mau akunnere an na.

³ Orowa, nei shupuya orowa no moshiri eun patta oaship; aige, moshiri kata an sasori kiroro koro wa okai nei no, kiroro akore nisa ruwe ne.

⁴ Awa, toi kata an mun hene, nep shiunin kina hene, nep chikuni hene, iteki kowende kuni ne akashpaotte, koroka, ouse koro keputuru ta Kamui han shirosh shomo aomare ainu utara patek iwende kuni ne akashpaotte nisa ruwe ne.

⁵ Orowa, iteki nei utara ronnu kuni ne akore, koroka, ashikne chup uturu aramushitnere kuni nep ne: aige, ani aeramushitnere ambe anak ne sasori ainu kopiuki nepkorʼan aeramushitne ambe ne ruwe ne.

⁶ Orowa, nei toho uturuta ainu utara anak ne rai kuni ambe hunara, koroka, oara shomo rai-i apa; rai an rusui, koroka, rai ambe anak ne nei utara wano kira kusu ne.

⁷ Orowa, nei patta katuhu anak ne tumi gusu shipini okere umma ukoheraye ruwe ne; aige, sapaha kashiketa kongani sapa-umbe nepkoro ambe okai,

⁸ nanuhu anak ainu nan ukorachi nep. Koro otop anak ne shiwentep otopihi nepkoro ne, nimaki anak shishi chikoikip ukorachi an ap ne ruwe ne.

⁹ Orowa, nei utara rerara-kotukbe koro, yaiyan-kani nepkorʼan rerara-kotukbe ne ruwe ne; tekkup humi anak ne nishinda humi korachi nep, tumi gusu inne umma pash hum ukorachi ne ruwe ne.

¹⁰ Orowa, sasori saraha ukorachi an saraha koro wa ai oma; orowa, ashikne chup uturuta ainu utara wende kuni gusu an kiroro kon ruwe ne.

¹¹ Orowa, nei utara okkeu kashita an sapanep anak ne asam-sak shui koro hauturumbe ne; Hebraios un itak ne chiki kon reihei Abaddon ne ruwe ne, Herenes un itak ani aye chiki Aporrion ne ruwe ne.

¹² Atpake an aeyaisambepokashbe aokere, ingarʼan, tap okake naa tu aeyaisambepokashbe an na.

¹³ Orowa, iwan ikinne an hauturumbe rekte, aige, Kamui kotchaketa an kongani yange-set koro kirau wano an shine hau ku inu,

¹⁴ nei a hawe anak ne nei rappa koro hauturumbe otta ene itak-hi; — Nei poro Euprates pet ta atupetupe wa okai ine hauturumbe pita yan ari itak.

¹⁵ Orowa, ainu utara re sereke ronnu kuni ne, shine ichi ji kan, shine to, shine chup, shine pa, aetokooiki wa okai nei ine hauturumbe apita nisa ruwe ne.

¹⁶ Orowa, umma o tumi-koro utara topaha pishki-hi anak ne tu shuine an man-man ne ruwe ne: nei pishki-hi ku inu nisa ruwe ne na.

¹⁷ Orowa, tap korachi nei anukarape otta nei umma ku nukara, aige, kashiketa o utara anak ne abe iroho newa shiunin iroho newa iwau iroho newa an rerara-kotukbe koro awa, umma sapaha anak ne shishi sapaha ukoheraye; orowa koro paroho orowa no abe newa shupuya newa iwau oaship nisa ruwe ne.

¹⁸ Tap okai re shirikikbe ani, nei okaibe koro paro orowa no oashippa abe newa shupuya newa iwau ani, ainu utara re sereke aronnu nisa ruwe ne.

¹⁹ Inambe gusu ne yakun, nei umma koro kiroro anak ne koro paroho newa saraha ta an ruwe ne: koro saraha anak okokko korachi ne wa sapaha kon ruwe ne gusu ne na, aige, nei ambe ani iwende ki ruwe ne.

²⁰ Orowa, tan shirikikbe gusu shomo aronnu moshima okai uirup utara anak ne koro teke ani iki ikip gusu, nitne kamui hemhem, kongani potoki-noka hemhem, shirokani potoki-noka hemhem, shiunin-kani potoki-noka hemhem, shuma potoki-noka hemhem, chikuni potoki-noka hemhem, shomo koongami kuni ne yaikokatpak shomoki nisa ruwe ne; nei okaibe anak ingara eaikap, nu eaikap,

²¹ apkash eaikapbe ne: samata, nei utara anak ne koro kewe-ukbe gusu, koro esaman-ikip gusu, iki hoiyop gusu, ikka ambe gusu shomo eyaikokatpak nisa ruwe ne.