Ekambakbe 8 - Ashiri Aeuitaknup Iyohaichish Yona 1897

8 Ik.

¹ Orowa, nei arawan ikinne an han shirosh Shinuma maka chiki, shine ichi ji kan nimara pakihi pakno kando onnaige mo no an ruwe ne.

² Orosama, Kamui kotchaketa roshki nei arawan hauturumbe ku nukara; awa, nei hauturumbe otta arawan rappa akore nisa ruwe ne.

³ Orowa, otta senko uhuyeka kuni kongani op koro moshima an hauturumbe ek wa yange set samaketa ash nisa ruwe ne; orowa, obitta no okai Ashkanne utara koro inonno-itak tura amset kotchaketa an nei kongani yange-set kashiketa iyo kuni gusu poron no an senko anak nei hauturumbe akore ruwe ne.

⁴ Aige, nei senko shupuya anak ne ashkanne utara koro inonno-itak tura nei hauturumbe koro teke wano Kamui kotchake orun rikin nisa ruwe ne.

⁵ Orowa shine hauturumbe anak ne nei senko-op uk; aige, nei yange set oma abe ani shikte wa shiri kata osura: aine, kamui-hum an, hawe an, imeru an, orowa, shine shirishimoye an.

⁶ Orowa, nei arawan rappa koro arawan hauturumbe anak ne rappa rekte gusu yai-etoko oiki nisa ruwe ne.

⁷ Orowa, hoshiki no an ap rekte, aige, kem ukopoye kaukau newa abe an, awa, nei ambe moshiri kata aosurupa: orowa moshiri re sereke uhuye wa isam, chikuni re sereke uhuye wa isam, samata, obitta no okai shiunin mun uhuye wa isam ruwe ne na.

⁸ Orowa, tutanu an hauturumbe anak ne rekte, aige, abe gusu paraparase poro nupuri nepkoro ambe atui onnaige un aeyapkiri: orowa, atui re sereke kem ne akara;

⁹ aige, atui oshiketa okai inotu korope re sereke rai; orowa, chip re sereke aisamka nisa ruwe ne.

¹⁰ Orowa, re ikinne an hauturumbe rekte, aige, ratchako paraparase korachi an poro nochiu kando orowa no hachiri, aine, nei ambe pet re sereke newa wakka purupuruge-i kata hachiri;

¹¹ nei nochiu reihei anak ne Inchin ari aporose ruwe ne: orowa, wakka re sereke anak ne inchin ne akara; aige, nei wakka gusu inne ainu raipa, nei wakka shiu ne akan nisa ruwe ne gusu ne na.

¹² Orowa, ine ikinne an hauturumbe rekte, aige, tokap chup re sereke, kunne chup re sereke, nochiu re sereke aepeka; tambe anak ne nei re sereke akunnere hine tokap-to re sereke gusu shomo nupeki at, samata, kunne-to shem korachi ne kuni gusu ne na.

¹³ Orowa, ku nukara, awa, kando noshke hopumba shiriki an shine kapachiri poro hawe ani ene ene ye ambe ku inu :— Naa okaketa humi ashte kusu ne nei re hauturumbe koro rappa koro moshima an hawe gusu moshiri kata oshiroma utara eyaisambepokash, eyaisambepokash, eyaisambepokash humi.