Ekambakbe 7 - Ashiri Aeuitaknup Iyohaichish Yona 1897

7 Ik.

¹ Tap okaketa ku nukara chiki moshiri kata ne yakka, atui kata ne yakka, nep chikuni kata ne yakka iteki rera ash kuni ne, moshiri koro ine shikkiu ta roshki wa moshiri koro ine rera shikkashima hauturumbe inep ku nukara.

² Orowa, ishu Kamui koro han shirosh koro wa ochuka un hetuku naa shine hauturumbe ku nukara:

³ awa, shinuma poro hawe ani, otta toitoi newa atui newa wende kuni kiroro akoropare ine hauturumbe orun hawe ashte wa ene itak-hi :— Chi utara anak ne chikoro Kamui koro ausshiune utara keputuru ta shirosh omare shomoki pakno, toitoi hene, atui hene, chikuni hene iteki wende yan, ari itak.

⁴ Orowa, nei shirosh aomare utara apishki ikiri ku nu nisa. Israeru un utara san pishno okai uirup otta shirosh aomare utara anak ne shi sen nin ne ainu ikashima ju-shi man nin ne ainu ne ruwe ne na.

⁵ Yuda ikiri otta tu sen nin ne ainu ikashima shine ichi man nin ne ainu shirosh aomare: Ruben ikiri otta tu sen nin ne ainu ikashima shine ichi man nin ne ainu shirosh aomare: Gad ikiri otta tu sen nin ne ainu ikashima shine ichi man nin ne ainu shirosh aomare:

⁶ Aser ikiri otta tu sen nin ne ainu ikashima shine ichi man nin ne ainu shirosh aomare: Neptareim ikiri otta tu sen nin ne ainu ikashima shine ichi man nin ne ainu shirosh aomare: Manasse ikiri otta tu sen nin ne ainu ikashima shine ichi man nin ne ainu shirosh aomare:

⁷ Simeon ikiri otta tu sen nin ne ainu ikashima shine ichi man nin ne ainu shirosh aomare: Rebi ikiri otta tu sen nin ne ainu ikashima shine ichi man nin ne ainu shirosh aomare: Issakar ikiri otta tu sen nin ne ainu ikashima shine ichi man nin ne ainu shirosh aomare:

⁸ Zaburon ikiri otta tu sen nin ne ainu ikashima shine ichi man nin ne ainu shirosh aomare: Yosep ikiri otta tu sen nin ne ainu ikashima shine ichi man nin ne ainu shirosh aomare: Benyamin ikiri otta tu sen nin ne ainu ikashima shine ichi man nin ne ainu shirosh aomare nisa ruwe ne na.

⁹ Tap okaketa ku nukara, aige, ingarʼan, obitta no okai moshiri uirup orowa no hemhem, nep ainu shinrit ikiri orowa no hemhem, nep utara orowa no hemhem, nep itak ani ye utara orowa no hemhem, nen ne yakka pishki eaikap pakno an shiri inne utara, retara amip mi, teke otta shuro chikuni koro wa nei amset newa Pon-hitsuji kotchaketa roshki wa okai-hi ku nukara;

¹⁰ orowa, nei utara poro hawe ashte wa ene itak-hi :— Nei amset kata rok chikoro Kamui otta hemhem, Pon-hitsuji otta hemhem kashiobiuki ambe an na, ari itak.

¹¹ Orowa, obitta no okai Kamui hauturumbe anak ne nei amset newa ekashi utara newa nei shiknu okaibe pishkanigeta roshki wa okai ruwe ne; aige, amset kotchaketa shirikamu wa Kamui ko-ongami hine ene itak-hi :— Amen:

¹² Anunuke ambe hene, arakuru hene, wayashnu ambe hene, yaiiraige ambe hene, aeoripak ambe hene, tumashnu ambe newa kiroro anak ne shashuishiri wano shashuishiri pakno chikoro

¹³ Kamui otta an na. Amen, ari itak nisa ruwe ne. Orowa, nei ekashi un shinen anak ne en orun ese wa ene itak-hi :— Retara amip ani utomchiure wa okai tapan utara hunna ruwe, samata, hunak wa araki an utara ne ruwe he an?

¹⁴ Shinuma otta ene ku itak-hi :— Ku kon nishpa, aoka eraman. Aige, en otta shinuma ene itak-hi :— Tap okai utara anak ne poro aeramchuptekbe wano oashippa utara ne, aine, koro mipihi furayepa wa Pon-hitsuji koro kem oshiketa retaraka nisa ruwe ne.

¹⁵ Tambe gusu nei utara anak ne Kamui amset kotchaketa okai; aige, Shinuma kora kenru ta okai hine tokap-to ta ne yakka kunne-to ta ne yakka Shinuma otta yaishieiwangere ruwe ne: orowa, nei amset kata rokbe anak ne nei utara kashiketa koro kash pirasa kusu ne na.

¹⁶ Orowa, nei utara tewa no naa shomo ibe rusui, naa shomo iku rusui; samata, tokap chup ne yakka seisek-mau ne yakka nei utara kata epeka shomoki kusu ne:

¹⁷ inambe gusu ne yakun, nei amset oshiketa an Pon-hitsuji anak ne nei utara epungine kusu ne, aige, inotu oma wakka purupuruge-i tura wa ani kusu ne: orowa Kamui anak ne obitta no okai nupe nei utara koro shiki wano piruba wa isamka kusu ne na.