Ekambakbe 6 - Ashiri Aeuitaknup Iyohaichish Yona 1897

6 Ik.

¹ Orowa, Pon-hitsuji chikoikip anak ne nei arawan han oma shine han shirosh maka ambe ku nukara, awa, nei ita ine shiknu okaibe un shinep anak kamui-hum nepkoro an hawe ani — Ek yan — ani an itak ani itak katu ku inu nisa.

² Orowa, ku nukara, awa, ingarʼan, shine retara umma an, aige, kashiketa o guru anak ne shine ku koro; aine, shinuma orun sapa umbe akore an na: shinuma anak annokara iki, samata, annokara iki kushki gusu ek nisa ruwe ne na.

³ Orowa, Shinuma nei tutanu an han shirosh maka okere chiki, nei tu ikinne an shiknu okaibe — Ek yan — ani an itak ani ye hawe ku inu.

⁴ Aige, naa shine umma, fure umma oashin nisa ruwe ne: orowa, nei umma kata o guru otta anak ne moshiri ka wa itomo uina hine utara utaspa uronnu gusu mondum akore: samata, shinuma otta poro rangetam akore nisa ruwe ne na.

⁵ Orowa, nei re otutanu an han shirosh Shinuma maka chiki, nei re ikinne an shiknu okaibe — Ek yan — ani an itak ani ye hawe ku inu. Awa, ingarʼan, ku nukara chiki, shine kunne umma an; aige, nei umma kata o guru anak ne koro teke ta pakarip kon ruwe ne.

⁶ Orowa, nei ine shiknu okaibe tumuge wa ene ye korachi an hau ku nu :— shine denaria gusu mungi shine chomba an, orowa, shine denaria gusu omungi re chomba an na; aige, shum newa hat-tonoto iteki wende yan, sekoro itak.

⁷ Orowa, nei ine otutanu an han shirosh Shinuma maka chiki, nei ine ikinne an shiknu okaibe — Ek yan — ani an itak ani ye hawe ku inu.

⁸ Awa, ingarʼan, ku nukara chiki shine aokashige umma an: aige, nei umma kata o guru an, reihei anak rai ari an reihei ne ruwe ne; awa, Hades anak ne shinuma kashirari nisa ruwe ne. Orowa, shinuma anak ne rangetam ani hemhem, keman ani hemhem, uwetoita tashum ani hemhem, toi kata an niwen chikoikip ani hemhem ronnu kuni gusu, moshiri ebitta inep un shinep okkeu kashi mondum akore nisa ruwe ne na.

⁹ Orowa nei ashikne ikinne an han shirosh Shinuma maka chiki, yange set choropoketa okai Kamui itak gusu hemhem, iki paweteshu ambe gusu hemhem aronnu utara kon ramat ku nukara;

¹⁰ awa, nei utara shiri poro hawe ani hawe ashte wa ene itak-hi :— Aa Esapane-nishpa, ashkanne newa sonep, hembara pakno aokai anak ne moshiri kata oshiroma utara epeka chikoro kem gusu shomo koipishi wa ikemnu ya?

¹¹ Orowa, pishno an nei utara otta retara mipihi akore nisa ruwe ne; aige, naa pon no pakihi uturu, nei utara yaikota anak aronnu okere korachi, tura no ikichi utara newa koro iriwak utara ne yakka aronnu pakihi auweomare pakno, shini kuni ne akashpaotte nisa ruwe ne.

¹² Orowa, nei iwan ikinne an han shirosh Shinuma maka chiki, poro shirishimoye an; awa, tokap-chup anak ne numa ani akara kunne amip pakno kunne ne, samata, kunne-chup ebitta kem korachi ne akan nisa;

¹³ orowa, poro rera ani ashuyeshuye ita ichijiku chikuni anak ne koro fu nikaop hachirepa korachi, kando un nochiu toi kata hachiripa nisa ruwe ne na.

¹⁴ Aige, kambi akokarakari nei no kando akokarakari nisa; orowa, obitta no okai nupuri newa repun shiri anak an ushike wano oyakta aarapare nisa ruwe ne.

¹⁵ Orowa, moshiri esapane utara hemhem, nishpane utara hemhem, tumi-koro utara esapane utara hemhem, oteknu utara hemhem, kiroroashnu utara hemhem, pishno okai ausshiunere utara newa rengaine an mondum koro utara hemhem, poru oshiketa hene nupuri un watara oshiketa hene yainuinak;

¹⁶ aine, nupuri newa watara otta ene itak-hi :— Un kashiketa hachiripa hine nei amset kata rokbe otta hemhem nei Pon-hitsuji iki kinrakarape otta hemhem un nuina wa un kore:

¹⁷ inambe gusu ne yakun, nei utara gusu an poro kinrakara toho ek an na, aige, hunna roshki eashkai ruwe he an?