Ekambakbe 5 - Ashiri Aeuitaknup Iyohaichish Yona 1897

5 Ik.

¹ Orowa, nei amset kata rok guru shimon tekehe ta, oshike ne yakka oshmake ne yakka, anuye wa an kambi-sosh ku nukara, aige, arawan han ani irammakaka han aomare an ruwe ne.

² Orowa, tan kambi-sosh pirasa wa nei han pita kuni upak guru nen ne ruwe, ari an hawe ani hawe ashte shine kiroroashnu hauturumbe ku nukan nisa.

³ Orowa, kando oshiketa ne yakka, moshiri kata ne yakka, moshiri pokta ne yakka, nei kambi-sosh pirasa hene ki orun ingara hene iki eashkai guru shinen ka isam ruwe ne.

⁴ Aige, nei kambi-sosh pirasa hene ki orun ingara hene ki kuni oupak guru anukara shomoki nisa ruwe ne gusu,

⁵ poron no ku chish nisa ruwe ne: aine, nei a ekashi un shinen anak ne en otta ene itak-hi :— Iteki chish: ingarʼan Yuda keushut ikiri un nei a Shishi, Dabid koro Shinrit anak ne nei kambi-sosh newa koro awawan han maka kuni ne annokara iki nisa ruwe ne, sekoro itak.

⁶ Orowa, nei amset tumta, nei ine shiknu okaibe tumta, nei ekashi tumta araige okere korachi an Pon-hitsuji chikoikip ku nukara, aige, Shinuma arawan kirawe koro, arawan shikihi koro, nei ambe anak ingi-moshiri ta apayere an Kamui koro arawan Ramat ne ruwe ne.

⁷ Orowa, Shinuma ek wa nei a amset kata rok guru koro teke wano nei ambe uk nisa ruwe ne.

⁸ Aige, Shinuma nei a kambi-sosh uk okere chiki, nei ine shiknu okaibe newa nei inen ikashima wa niu ne ekashi anak ne pishno range shine koto hemhem, Ashkanne utara koro inonno-itak ne senko ani aeshik wa an kongani domburi hemhem koro wa, nei Pon-hitsuji kotchaketa hachiripa nisa ruwe ne.

⁹ Orowa, nei utara anak ne ashiri shinotcha iki wa ene itak-hi :— Aokai anak ne nei kambi-sosh uk hemhem iki, nei han maka hemhem iki kuni oupakbe E ne ruwe ne: inambe gusu ne yakun, Aokai anak ne araige an, awa, obitta no okai ainu ikiri wano hemhem, parumbe wano hemhem, utara wano hemhem,

¹⁰ moshiri uirup wano hemhem, E koro kemihi ani Kamui gusu utara hok nisa ruwe ne, aige, nei utara ani chikoro Kamui gusu Kamui otta yaishieiwangere utara ne kara; aine, nei utara anak ne moshiri kata epungine kusu ne gusu ne na Orowa,

¹¹ ku ingara, aige, nei amset newa nei shiknu okaibe newa nei ekashi utara newa okari ta inne no okai hauturumbe koro hawe ku inu; awa, nei utara pishki-hi anak sen sen man man utara ne ruwe ne;

¹² poro hawe ani nei utara ene itak-hi :— Araige an Pon-hitsuji chikoikip anak ne mondum newa aeoteknup newa wayashnu-hi newa kiroro newa aainukorobe newa arakuru newa shinnunuki ambe newa koro kuni oupakbe ne ruwe ne.

¹³ Orowa, kando oshiketa an akara okaibe ne yakka, moshiri kata an akara okaibe ne yakka, moshiri choropoketa an akara okaibe ne yakka, atui kata an akara okaibe ne yakka, nei ushiketa an akara okaibe ne yakka obitta ene itak hawe ku inu nisa ruwe ne, — Amset kata rokbe orun, samata, nei Pon-hitsuji chikoikip orun ne yakka, otusashuishiri wano otusashuishiri pakno shinnunuke ambe an, aainukorobe an,

¹⁴ arakuru an, epungine mondum an na. Aige, nei a ine shiknu okaibe anak — Amen — ari an itak ani itak nisa ruwe ne. Orowa, nei ekashi utara hachiripa wa koongami nisa ruwe ne.