Ekambakbe 4 - Ashiri Aeuitaknup Iyohaichish Yona 1897

4 Ik.

¹ Tap okaketa ku nukara, awa, ingarʼan, kando otta amaka apa an, awa, hoshike no ku nu hawe anak ne en otta ye rappa korachi an hawe ne, nei guru ene hawashi :— Eteun rikin yan, yakun, okaketa hetuku kusu ne okaibe e nukare ash na sekoro itak.

² Nani Ramat otta ku an: awa, ingarʼan, Kando otta shine amset aande wa an, orowa, nei amset kata shinen a kane an ruwe ne;

³ amset kata a guru otta ingara hike kongo-seki newa fure-meno otta ingara korachi ne; orowa, nei amset pishkaneketa shine raiochi an, nei ambe orun ingara hike anak ne shiunin tama-num otta ingara korachi ne ruwe ne na.

⁴ Orowa, nei amset pishkanegeta ine amset ikashima hotne amset okai: nei amset kashiketa retara amip utomechiu ine ekashi ikashima hotne ekashi rok wa okai; orowa, koro sapa kata kongani sapa-umbe aunu ruwe ne.

⁵ Orowa, nei amset orowa no tammeru hene, hau hene, kamui-hum hene hetuku nisa ruwe ne. Orowa, amset kotchaketa arawan paraparase ratchako an, nei ambe anak ne Kamui koro arawan Ramat ne ruwe ne:

⁶ orowa, amset kotchaketa konru-shuma korachi pekere pindoro atui an; orowa, amset tumugeta newa pishkaneketa anak ne kotchakegeta ne yakka oshmakegeta ne yakka shikihi ani eshik ine shiknu okaibe okai ruwe ne.

⁷ Atpake an shiknup anak ne shishi koheraye ruwe ne, otutanup anak ne pon-beko koheraye ruwe ne, re otutanup anak ne ainu nan kon ruwe ne, ine otutanup anak ne hopumba koran kapachiri koheraye nisa ruwe ne.

⁸ Orowa, nei ine shiknu okaibe anak ne iwan tekkup range koro, okari ne yakka onnaige ne yakka shikihi ari eshik ruwe ne: orowa, tokap-to hene kunne-to hene shini shomoki no ene hawe oka-hi :— Ashkanne, Ashkanne, Ashkanne, nep ne yakka ki eashkai Utarapa ne Kamui, Shinuma an nisa, orowa, an wa an,

⁹ orowa, ek kusu ne na, ari itak. Orowa, nei ine shiknu okaibe anak ne amset kata a shashuishiri pakno ishu Kamui otta ko-iramye hemhem ki, ko-oripak hemhem ki,

¹⁰ koyaiiraige hemhem ki chiki, nei ine ekashi ikashima hotne ekashi anak ne amset kata a shashuishiri pakno ishu Kamui kotchaketa hepokiush wa otta ko-ongami hine nei amset kotchaketa koro sapa-umbe osura wa ene itak kusu ne-hi :—

¹¹ Chikoro Utarapa ne chikoro Kamui, Aokai anak ne iramyep hemhem, aeoripak-hi hemhem, kiroro hemhem koro kuni oupak Kamui E ne ruwe ne: Aokai anak ne obitta no okaibe ne yakka kara, E korʼirenga gusu nei okaibe an wa akan nisa ruwe ne gusu ne na, sekoro itak.