Ekambakbe 3 - Ashiri Aeuitaknup Iyohaichish Yona 1897

3 Ik.

¹ Orowa, Sardeis kotan ta an karisia koro hauturumbe gusu ene nuye yan; Kamui arawan Ramat newa nei arawan nochiu newa koro gurʼanak ne ene orushpe ye-hi :— E ki ikip Ku eraman, aige, eani anak ne ishu korʼan kunak reihei e koro,

² aine, e rai okere ruwe ne. Eani anak shiruwande, orowa, rai etokooiki an ikashima okaibe roshkire yan: inambe gusu ne yakun, Ku goro Kamui kotchaketa auweomare an e ki ikip shomo Ku nukan ruwe ne gusu ne na.

³ Tambe gusu, nekon a echi akore hene ya, echi anure hene ya, eshkarun yan; orowa, shikkashima wa yaikokatpak yan. Tambe gusu, shomo e shiruwande kusu ne chiki, ikka guru korachi Ku ek kusu ne, aige, inan pakihi pakita e orun Ku ek ya e eramushkare kusu ne na.

⁴ Koroka koro mipihi shomo turu-ushte moyo an reihei Sardeis kotan ta e koro: aige, nei utara retarape imi wa En tura apkash kusu ne; nei utara oupak utara ne ruwe ne gusu ne na.

⁵ Annokara iki guru anak ne tap korachi retarape amip ani amire kusu ne; orowa, Kuani anak inotu oma kambi-sosh wano shinuma reihei oara shomo Ku ushka kusu ne, orowa, Ku goro Michihi kotchaketa ne yakka, Shinuma koro hauturumbe kotchaketa ne yakka shinuma reihei Ku pushpusu kusu ne.

⁶ Kisara koro gurʼanak ne karisia utara orun Ramat ye itak ambe nu yan.

⁷ Orowa, Piradarpeia kotan ta an karisia koro hauturumbe gusu ene nuye yan; Ashkanne guru, son no an guru, Dabid koro kangi shikkashima wa apa maka hine nen ne yakka seshke eaikap, aige, seshke hine nen ne yakka maka eaikap, Shinuma tap okaibe ye ruwe ne:

⁸ e ki ikip Ku eraman (ingarʼan, nen ne yakka seshke eaikap asarare wa an apa e kore ash na), eani anak ne pon no kiroro koro, orowa, Ku itak shikkashima, aige, Ku reihei shomo eshikashke nisa ruwe ne.

⁹ Ingarʼan, Satan koro nwekari un utara, orowa, Yudea un utara shomo ne, koroka, shunge wa Yudea un utara ne kunak yaiporose utara orowa akore ash ruwe ne; ingarʼan, nei utara anak ne e chikiri kotchaketa koongami kuni ne Ku arakire kusu ne, orowa, Kuani e omap ash an ambe Kuani nei utara eramande kusu ne na.

¹⁰ Eani anak ne Ku yaiyupupu oma itak shikkashima nisa ruwe ne gusu, nei shiruwande kuni gusu an ek kushki pakihi orowa no, moshiri kata oshiroma utara shiruwande kuni ne, ingi-moshirʼun utara kata ek kushki pakihi orowa no e shishire ash kusu ne na.

¹¹ Tunashino Ku ek ruwe ne: nenka ika e koro sapa-umbe uk kuni ne, shiarikiki no e koro wa an okaibe shikkashima yan.

¹² Kuani anak ne, Ku goro Kamui ashkanne kenru onnaigeta, annokara iki guru ani ikushpe ne kara, aige, shinuma naa nei ushike wano shomo esoine arapa kusu ne: orowa, shinuma kata Ku goro Kamui kon reihei hemhem, Ku goro Kamui wano kando onnaige orowa no ran rok Ku goro Kamui koro machiya reihei hemhem, yaikota Ku korope ashiri reihei hemhem Ku nuye kusu ne na.

¹³ Kisara koro gurʼanak ne karisia utara orun Ramat ye itak ambe nu yan.

¹⁴ Orowa, Raodikeia kotan ta an karisia koro hauturumbe gusu ene nuye yan; Nei a Amen, nei a oupeka newa sonep ne an paweteshu ki guru, nei a Kamui karape atpake an guru tap okaibe ye-hi:

¹⁵ e iki ikip Ku eraman, eani anak ne nani shomo ne seisek shomo ne ruwe ne; eani nani hene seisek hene an kuni Ku kon rusui.

¹⁶ Tambe gusu, eani anak ne tuwara wa seisek shomo ne, nani shomo ne wa gusu, Ku paroho wano e eatu

¹⁷ ash kusu ne na. Yaikota anak ne oteknu ne, aeoteknu ambe Ku goro wa eishiramne ushike isam sekoro e ye gusu; samata, yairamkoiki ambe e ne, yaisambepokashbe e ne, irapokkari guru e ne, shiknak guru e ne, atusa guru e ne sekoro e erampeutek ruwe ne gusu:

¹⁸ oteknu guru e ne kuni ne abe ani aturu-sakte kongani en orowa no hok kuni; samata, eani yaimire wa e atusa yainikoroshma ambe shomo anukara kuni ne retara amip hok kuni; samata, ingara kuni ne e koro shiki eushi gusu an shik kusuri hok kuni ne e onishnishi ash ruwe ne.

¹⁹ Ku omap utara obitta Ku pakashnu wa Ku shirikik ruwe ne: tambe gusu,

²⁰ opopmau keutum koro wa yaikokatpak yan. Ingarʼan, nei apa samta Ku ash kane kikkik shiri an: inan guru ne yakka Ku hawe nu wa apa maka chiki, otta Ku ahun hine shinuma tura no Ku ibe, orowa, shinuma ka en tura no ibe kusu ne.

²¹ Annokara iki guru anak ne en tura no Ku amset kata rok kuni Ku kore kusu ne, Kuani ne yakka annokara iki wa Ku goro Michi tura no Shinuma koro amset kata Ku rok korachi ruwe ne.

²² Kisara koro gurʼanak ne karisia utara orun Ramat ye itak ambe nu yan.