Ekambakbe 21 - Ashiri Aeuitaknup Iyohaichish Yona 1897

21 Ik.

¹ Orowa, ashiri kando newa ashiri moshiri newa ku nukan nisa: inambe gusu ne yakun, nei atpake an kando newa moshiri anak ne isam wa isama; samata, atui ne yakka isam ruwe ne.

² Orowa, ku nukarʼhike, nei ashkanne machiya, ashiri Yerusarem machiya, koro hoku gusu shipini wa yaitomtere okere tane akore kusu ne mat nei no an wa Kamui orowa no kando wano ran ap ku nukara.

³ Orowa no, nei a amset wano oashin hawe ku inu, ene itak-hi :— Ingarʼan, Kamui koro kash anak ne ainu utara tura no an, aige, Shinuma nei utara tura no kash koro kusu ne, orowa, nei utara anak ne Shinuma koro uirup utara ne kusu ne, aine, Kamui yaihekota anak nei utara tura no rok wa koro Kamui ne kusu ne na:

⁴ orowa, Shinuma anak ne nei utara koro shikihi otta pishno an nupe piruba wa isamka kusu ne; samata, rai-ambe naa isam; orowa, tewa no poka yaituwashkarap isam, chish ambe isam, aiuninka ambe isam kusu ne: atpake an ambe isam wa okere ruwe ne na.

⁵ Orowa, nei a amset kata rokbe ene itak-hi :— Ingarʼan, obitta no okaibe ashin no Ku kara. Samata, Nuye yan: tapan itak ambe anak ne oupekap ne sonep ne ruwe ne gusu ne na, ani an itak ani Shinuma ye nisa ruwe ne.

⁶ Orowa, en orun Shinuma ene itakhi :— Auweomare an na. Kuani anak ne Arupa ne Omega ne, atpake an ap Ku ne, okake an ap Ku ne ruwe ne. Aige, iku rusui guru otta inotu oma wakka purupuruge-i wano an ap oro isam no Ku kore kusu ne na.

⁷ Annokara iki guru anak ne tap okaibe eikeshkoro kusu ne; orowa, Kuani anak ne nei guru koro Kamui Ku ne, aige, nei guru anak ne Ku poho ne kusu ne na.

⁸ Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.

⁹ Orowa, iyotta okake an nei arawan shirikikbe o arawan domburi koro hauturumbe un shinen anak ne en orun ek wa ukoitak hine ene itak-hi :— Eteun ek yan, yakun, nei Pon-hitsuji koro machi ne a akore kuni shiwentep e nukare ash kusu ne, ari itak. Aige,

¹⁰ shinuma anak ne Ramat oma hine poro newa ri nupuri orun en ani, aine, Kamui arakuru koro, kando

¹¹ oshke wa Kamui orowa no san shiri an nei a ashkanne Yerusarem machiya en nukare: koro chup anak ne shiri nupuru shuma ukoheraye, kongoseki shuma nepkorʼan wa konrushuma korachi pekashnu: poro newa ri chashi an;

¹² samata, tu ikashima wan ahun apa an, orowa, nei apa samta tu ikashima wan hauturumbe okai ruwe ne; orosama, nei ambe kata reihei chieshinnuye wa an, nei ambe anak ne Israeru un utara koro tu ikashima wan ikiri kon reihei ne ruwe ne na:

¹³ moshiri pa samba ta re apa okai, menashtoro samba ta re apa okai; pikata samba ta re apa okai, orowa, moshirigesh samba ta re apa okai ruwe ne.

¹⁴ Orowa, nei machiya koro ekashi otta tu ikashima wan asamaha okai, aige, kashita nei Pon-hitsuji koro Apostoro tu ikashima wan reihei an ruwe ne na.

¹⁵ Orowa, en orun itak guru anak ne nei machiya hemhem, machiya koro apa hemhem, koro ekashi hemhem pakari kuni gusu kongami rapembe pakarip kon ruwe ne.

¹⁶ Nei machiya anak ine samba no an, epesh anak ne tomotuye ambe pakno poro ruwe ne: awa, shinuma nei rapembe ani machiya pakari, aige, rophiyaku shine ichi ri an: epesh newa tomotuye ambe newa ri-hi anak ne ukorachi ne ruwe ne.

¹⁷ Orowa, shinuma nei chashi pakari, aige, ainu pakari ambe nei no, nei hauturumbe pakari ambe nei no chiki hiyaku shi ju shi shine ichi kubit nei ruwe ne.

¹⁸ Orowa, ani nei ekashi akara shuma anak ne kongo-seki ne; aige, nei machiya anak turu-sak pindoro nepkorʼan turu-sak kongani ne ruwe ne.

¹⁹ Machiya ekashi koro asamaha anak ne obitta no an usa okai nupuru shuma ani atomtere an na Atpake an asama anak ne kongoseki ne; tu ikinne an ap anak ne shiunin-shuma ne; re ikinne an ap anak ne fure-shuma ne; ine ikinne an ap anak ne midori-shuma ne; ashikne ikinne an ap anak ne kurenai meno-shuma ne;

²⁰ iwan ikinne an ap anak ne chunchube-shuma ne; arawan ikinne an ap anak ne kapara chunchube ush-shuma ne; tupesan ikinne an ap anak ne mizu-iro-shnma ne; shinepe-sambe an ap anak ne kurenai-shuma ne; wan ikinne an ap anak ne midori-shuma ne; shine ikashima wan ikinne an ap anak ne koki-kurenai-shuma ne; tu ikashima wan ap anak ne murasaki-shuma ne ruwe ne.

²¹ Orowa, nei tu ikashima wan ahun apa anak ne tu ikashima wan ikani ne ruwe ne; nei apa-ushta pishno range shine ikani ne; aige, nei machiya un para-ru anak ne turu-sak kongani ne kushna aoingara nepkoro ambe ne ruwe ne.

²² Orowa, nei oshiketa Kamui kora kenru shomo ku nukara: inambe gusu ne yakun, nep kiroro ne yakka koro Utarapa ne Kamui newa nei Pon-hitsuji anak ne nei kenru ne ruwe ne gusu ne na.

²³ Orowa, kashita tomka kuni tokap-chup hene kunne-chup hene akore rusuibe kunip isam: inambe gusu ne yakun, Kamui arakuru nei ambe pekereka nisa, aine, gusu an ratchako anak ne nei a Pon-hitsuji ne ruwe ne gusu ne na.

²⁴ Orowa, moshiri uirup anak ne nei pekere tumta apkash kusu ne: orowa, moshiri shikkashima utara anak ne nei ambe orun koro arakuru koro wa araki shiri an ruwe ne.

²⁵ Koro apa anak ne tokap to uturuta oara aseshke shomoki kusu ne (nei ushiketa kunne to isama):

²⁶ orowa, moshiri uirup koro arakuru newa aeoripakbe kunip otta koro wa araki an kusu ne:

²⁷ orowa, nep ne yakka turu-ushbe hene, nep ne yakka aetunne ambe newa shunge newa karape hene, oara nei ushiketa ahun shomoki kusu ne: koroka, ouse nei Pon-hitsuji koro inotu oma kambi-sosh kata chieshinnuye wa an utara patek ahup kusu ne na.