Ekambakbe 19 - Ashiri Aeuitaknup Iyohaichish Yona 1897

19 Ik.

¹ Tap okaibe okaketa kando oshiketa an poro inne utara koro poro hawehe nepkorʼambe ku inu, aige, ene itak-hi :— Arrerouya; Kashiobiuki ambe hemhem, arakuru hemhem, kiroro hemhem, akoro Kamui korobe ne:

² Shinuma esanniyop anak ne sonep newa oupeka ambe ne ruwe ne gusu ne na; inambe gusu ne yakun, koro hoiyop ani moshiri muninka nei poro hoiyo guru Kamui anak ne koipishi wa panakte nisa, samata, Shinuma usshiunere utara koro kemihi gusu nei shiwentep epeka ikemnu nisa ruwe ne gusu ne na.

³ Orowa, kanna-shui, Arrerouya ari nei utara ye. Aine, ramma-ramma otusashuishiri pakno nei shiwentep koro shupuya rikin ruwe ne Orowa,

⁴ nei inen ikashima hotne ekashi newa nei ine shiknu okaibe anak ne yaihachire wa nei amset kata rok Kamui koongami hine ene itak-hi;

⁵ Amen; Arrerouya. Orowa, nei amset orowa no shine hawe hetuku wa ene itak-hi :— Kamui orowa no ausshiunere obitta no okai echi utara, Shinuma kooripak echi utara, ponbe ne yakka porobe ne yakka,

⁶ akoro Kamui koiramye yan. Orowa, poro inne utara ashte hau nei no an hawe korachi; inne wakka ashte hau nei no an hawe korachi, yupke kamui hum ashte hau nei no an hawe korachi an humi ku inu, awa, ene itak-hi :— Arrerouya: Obitta no okai kiroro koro chikoro Kamui ne Utarapa anak ne esapane korʼan ruwe ne gusu ne na.

⁷ Nupetne wa shiri yainuchattek yanro, Shinuma pasere yanro: nei Pon-hitsuji mat-akore kuni pakihi ek an wa akore kuni machihi yaietokooikire an ruwe ne gusu ne na.

⁸ Orowa, Shinuma anak ne ane senkaki, hereat wa turusak senkaki ani yaitomchiure kuni ne akore nisa: nei a ane senkaki anak ashkanne utara iki oupeka buri ne ruwe ne gusu ne na.

⁹ Orowa, shinuma en orun ene itak-hi :— Nei a Pon-hitsuji mat-akore gusu an iwai otta iyahupte utara anak ne shinnunuke ne, ari nuye yan, sekoro itak. Orowa en orota ene itak-hi :— Tap itak anak ne Kamui sonep ne an itak ne ruwe ne.

¹⁰ Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.

¹¹ Orowa, kando makke ambe ku nukara; awa, ingarʼan, shine retara umma an, aige, kata o guru anak ne Ikipniukesh newa Sonep ani aporose; orowa, shinuma oupeka no koipishi hemhem ki tumi hemhem kon ruwe ne.

¹² Shinuma koro shikihi anak ne abe-nui nepkorʼambe ne, koro sapa kata inne inaoru aunu; samata, yaikota moshima nen nen ne yakka erampeutek anuye reihei kon ruwe ne.

¹³ Orowa, kemi otta aomare mipihi yaitomchiure: kon reihei anak — Kamui Itak — ani ayep ne ruwe ne.

¹⁴ Orowa, kando oshiketa okai tumikoro utara ikiri anak ne ane senkaki, retara wa turu-sak senkaki aeyaimire wa retara umma kata o hine Shinuma oshi paye.

¹⁵ Aige, ani Shinuma anak ne moshiri uirup shirikik kuni ne Shinuma paroho wano een rangetam oashin ruwe ne: orowa, Shinuma anak yaiyan-kani kanni ani nei utara epungine kusu ne na: samata, Shinuma obitta no okai kiroro koro Kamui irushka ambe oma kinrakara tonoto nishu otereke ruwe ne.

¹⁶ Koro mipihi newa koro om kata shine reihei chieshinnuye wa an, — moshiri shikkashima utara koro shikkashima guru, utarapa utara koro Utarapa, ne ruwe ne.

¹⁷ Orowa, tokap-chup onnaigeta ash wa an shine hauturumbe ku nukara; aige, shinuma rui hawe ani hawe ashte wa kando kotoro noshke hopumba obitta no okai chikap otta ene itak-hi :— Kamui etokooiki

¹⁸ poro marapto orun yaiuwekarapare yan; yakun, moshiri shikkashima utara koro kam hemhem, tumi-koro utara esapane utara koro kam hemhem kiroro-ashnu utara koro kam hemhem, umma newa umma opa utara koro kam hemhem, obitta no okai utara, rengaine an mondum koro utara ne yakka ausshiunere utara ne yakka, ponbe ne yakka porobe ne yakka koro kam echi ibe kusu ne na.

¹⁹ Orowa, ku ingarʼnike, nei a chikoikip hemhem, moshiri shikkashima utara hemhem, koro tumi-koro utara tura, nei umma kata o guru newa Shinuma koro tumi-koro utara epeka kotumi-koro kuni gusu uwekarapa ambe ku nukara.

²⁰ Orowa, nei a chikoikip akishima, samata, ani nei chikoikip koro shirosh aomare utara newa shinuma koro nokaha koongami utara kokandama shinuma shik-samata shirosh iki shunge uweingara guru nei chikoikip tura no akishima nisa ruwe ne: tan tun anak ne shiknu wa an wa iwau ani paraparase abe oma to orun aeyapkiri nisa ruwe ne:

²¹ orowa, nei umma kata o guru paroho wano oashin rangetam ani moshima okai utara anak aronnu nisa: aige, obitta no okai chikap anak ne nei utara koro kam gusu aeyai-kironnure nisa ruwe ne na.