Ekambakbe 17 - Ashiri Aeuitaknup Iyohaichish Yona 1897

Ik

¹ Orowa, nei arawan patchi koro nei arawan hauturumbe un shine hauturumbe ek hine en tura itak wa ene ye-hi :— Eteun ek yan, yakun, inne wakka kata a nei poro hoiyo iki guru gusu an esanniyo ambe e nukare ash kusu ne;

² shinuma tura moshiri shikkashima utara anak ne hoiyo iki, orowa, moshiri kata oshiroma utara anak shinuma hoiyo iki ambe oma tonoto gusu aihoshkire nisa ruwe ne na, ari itak.

³ Orowa, nei hauturumbe anak ne Ramat oshiketa shine nup orun en ani nisa ruwe ne: awa, ku nukarʼhike fure iroho an chikoikip kata a shine shiwentep ku nukara, koatcha reihei eshik, orowa, arawan sapaha newa wan kirawe koro.

⁴ Orowa, nei shiwentep murasaki newa fure amip ani yaitomchiure wa an, samata, kongani newa oro an shuma newa ikani ani aeyaitomtere wa an, orosama, aetunne kuni ambe ani eshik kongani itangi koro teke ta kon ruwe ne, nei ambe anak shinuma iki hoiyo turu-ushbe ne ruwe ne; orowa, shinuma koro keputuruta reihei anuye wa an na :—

⁵ mukkep, poro babironia, hoiyo ki utara newa moshiri kata an aetunne kuni ambe koro habo ne ruwe ne.

⁶ Orowa, ku nukarʼhike nei shiwentep anak ne ashkanne utara koro kemihi newa Yesu gusu paweteshu iki utara koro kemihi ani ihoshki ambe ku nukara. Aige, nei shiwentep ku nukara chiki, poro iyokunnure ambe ani ku iyokunnure nisa ruwe ne.

⁷ Orowa, hauturumbe anak ne en orun ene itak-hi :— Hemanda gusu aokai iyokunnure ruwe he an? Nei shiwentep gusu an mukke ambe hemhem nei arawan sapaha newa wan kirawe koro shiwentep aore chikoikip gusu an mukke ambe hemhem e nure ash kusu ne.

⁸ E nukara chikoikip anak ne an nisa, aine, isam; awa, tane asamasak ushike wa oashin hine aisamka kuni ushike orun arapa kuni etokooiki korʼan ruwe ne. Orowa, moshiri kata oshiroma wa, moshiri asamaha aande i orowa no inotu oma kambi-sosh kata kon reihei shomo chieshinnuye wa okai utara anak ne nei chikoikip an nisa ambe, isam ambe, an kusu ne ambe nukara chiki iyokunnure kusu ne.

⁹ Ibehe koro wayashnu ambe anak ne teda an na. Nei arawan sapaha anak ne kata nei shiwentep a shiri an arawan nupuri ne ruwe ne:

¹⁰ aige, arawan moshiri shikkashima guru okai; ashiknen anak ne hachiripa okere, shinen an, naa moshima an shinen anak ne naa ek isam ruwe ne; shinuma ek chiki irukai an kusu ne kunip ne ruwe ne.

¹¹ Orowa, nei a an nisa, tane isam chikoikip anak ne shinuma yai beko ta ne yakka tupesambe an ap ne, aige, nei arawanbe orowa no an ap ne ruwe ne; aine, shinuma aisamka kuni ushike orun arapa ruwe ne.

¹² Orowa, e nukara okere wan kirawe anak ne wan moshiri shikkashima utara ne, nei utara naa shomo esapane kuni moshiri uina; koroka, shine ichi ji kan pakihi uturuta nei chikoikip tura moshiri shikkashima utara korachi mondum akore na.

¹³ Tan utara anak ne shine keutum koro, orowa, koro kiroro newa mondum nei chikoikip otta kore ruwe ne.

¹⁴ Tan utara anak ne nei Pon-hitsuji chikoikip epeka tumi-koro kusu ne, aige, Pon-hitsuji chikoikip anak nei utara anrapokikara wa annokara kusu ne, Shinuma anak ne Utarapa utara koro Utarapa ne, moshiri shikkashima utara koro Moshiri Shikkashima Kamui ne ruwe ne gusu ne na; orowa, Shinuma tura no okai utara anak ne anishuk wa an, anumge an, ikipniukesh utara ne ruwe ne.

¹⁵ Orowa, en orun nei hauturumbe ene itakhi :— Otta hoiyo guru a shiri an wakka utara anak ne utara ikiri ne, inne topaha utara ne, moshiri uirup utara ne, parumbe utara ne ruwe ne.

¹⁶ Orowa, e nukara wan kirawe newa nei chikoikip anak ne, tap utara anak nei hoiyo guru etunne kusu ne, aige, shinuma koisamka wa atusare kusu ne, samata, shinuma koro kam ibe, orowa, isam pakno abe ani uhuyeka kusu ne na.

¹⁷ Inambe gusu ne yakun, Kamui irenga nei no iki kuni ne shine keutum koro hemhem ki, Kamui itak auweomare pakno koro moshiri nei chikoikip otta akore hemhem ki kuni ne Kamui anak ne nei utara koro sambe ta iki nisa ruwe ne na.

¹⁸ E nukara shiwentep anak ne moshiri kata okai Moshiri shikkashima utara esapane shiriki an nei poro machiya ne ruwe ne.