Ekambakbe 16 - Ashiri Aeuitaknup Iyohaichish Yona 1897

16 Ik.

¹ Orowa, Kamui kora kenru wano an poro hawe nei arawan hauturumbe otta ene ye ambe ku nu; Echi paye wa Kamui kinrakarape iyo nei arawan patchi moshiri kata echikiki yan, ari itak.

² Orowa, nei atpake an ap arapa hine moshiri kata koro patchi echikiki; aige, nei chikoikip koro shirosh aomare wa shinuma koro nokaha koongami utara kata wen newa iuninka hup hetukure nisa ruwe ne.

³ Orowa, nei tu ikinne an ap anak ne atui kata koro patchi echikiki; aige, rai guru koro kemihi nei no akan na; aine, obitta no okai shiknu okaibe, atui oshiketa okaibe, raipa nisa ruwe ne.

⁴ Orowa, nei re ikinne an ap anak ne pet kata hemhem wakka purupuruge-i kata hemhem koro patchi echikiki; aige, nei okaibe anak ne kem ne akara.

⁵ Orowa, wakka koro hauturumbe ene ye hawe ku inu :— Aokai anak ne an wa an, an nisa, aine, tap korachi E esanniyo ruwe ne gusu, oupeka ambe E ne ruwe ne na:

⁶ inambe gusu ne yakun, nei utara anak ne ashkanne utara newa uweingara utara koro kem echikiki nisa, aige, Aokai anak ne ikire kuni gusu nei utara otta kemihi koropare nisa ruwe ne gusu ne na: nei utara nei ambe gusu oupakbe ne ruwe ne, ari itak.

⁷ Orowa, yange-set ene itak hawe ku inu :— Ruwe un, Aa nep ne yakka ki eashkai Utarapa ne Kamui, E iki esanniyop anak ne sonep newa oupeka ambe ne ruwe ne.

⁸ Orowa, nei ine ikinne an ap anak ne tokap chup kata koro patchi echikiki; aige, abe ani ainu utara chire kuni akore nisa ruwe ne.

⁹ Orowa, ainu utara anak ne shiri seisek-i ani shukus-chire: awa, tap okai panakte ambe esapane kuni mondum akore Kamui kon reihei ainu utara anak ne koatcha nisa ruwe ne; aine, utara anak ne Shinuma iramye kuni gusu yaikokatpak shomoki nisa ruwe ne na.

¹⁰ Orowa, nei ashikne ikinne an ap anak ne nei chikoikip koro amset kata koro patchi echikiki; aine, koro moshiri akunnere; awa, utara anak ne iunin gusu koro parumbe kuikui,

¹¹ orowa, koro ikoni newa hup gusu kando un Kamui koatcha; aige, koro iki ikip gusu shomo eyaikokatpak nisa ruwe ne na.

¹² Orowa, nei iwan ikinne an ap anak ne nei poro pet, Euprates pet kata koro patchi echikiki; aige, chup hetuku ushike wano araki moshiri esapane utara gusu etokooiki kuni ne, nei wakka sat ruwe ne.

¹³ Orowa, nei kinashutunguru koro paro orowa no hemhem, nei chikoikip koro paroho orowa no hemhem, nei shunge uweingara guru koro paroho orowa no hemhem, otereke-ibe nepkoro an ichakkere ramat reppish oaship shiriki ambe ku nukara:

¹⁴ nei utara anak ne shirosh iki nitnep kon ramat ruwe ne gusu ne na; aige, nep ne yakka ki eashkai Kamui koro poro toho ta an kusu ne tumi gusu auwekarapare kuni ne, ingi-moshirʼun shikkashima utara kata paye utara ne ruwe ne.

¹⁵ (Ingarʼan, ikka guru koracki Ku ek na. Ika atusa no apkash hine utara nei atusa ambe nukara kuni ne, shiure wa koro mipihi shikkashima gurʼanak ne shinnunuke an ruwe ne).

¹⁶ Orowa, nei utara anak ne Hebrai un itak ani Harmagedon ari an itak ani aporose ushike ta yaiuwekarapare nisa ruwe ne.

¹⁷ Orowa, nei arawan ikinne an ap anak ne rera-mau kata koro patchi echikiki; aige, Kamui kora kenru ta an amset wano poro hawe ek hine ene itak-hi :—

¹⁸ Aki okere an na, ari itak. Orowa, imeru hemhem an, hawe hemhem an, Kamui hum hemhem an ruwe ne; samata, poro shiri-shimoye an, moshiri kata ainu hetuku orowa no tane pakno naa shomo anukara ene poro shiri-shimoye, ene yupkep isam ruwe ne na.

¹⁹ Orowa, nei poro machiya anak ne re sereke ne aeukopi, awa, moshiri uirup koro machiya hachiripa: aige, koro niwen kinrakarape ne tonoto o itangi akore kuni ne, nei a poro Babironia anak Kamui tek-samata aeshkarun nisa ruwe ne.

²⁰ Orowa, obitta no okai repunshiri pishno kira wa isam, nupuri ka anukara shomoki.

²¹ Orowa, shine taranton pakno pase kaukau numi kando orowa no ainu utara kata rap: awa, nei kaukau ipak an gusu ainu utara Kamui koatcha nisa ruwe ne; nei ipak ambe shi no porobe ne ruwe ne gusu ne na.