Ekambakbe 14 - Ashiri Aeuitaknup Iyohaichish Yona 1897

14 Ik.

¹ Orowa, ku nukara, awa, ingarʼan, Zion nupuri kata nei Pon-hitsuji ash shiriki, orowa, koro keputuru ta Shinuma kon reihei hemhem, koro Michi kon reihei hemhem anuye wa an ju-shi-man nin ne ainu ikashi-ma shi-sen nin ne ainu Shinuma tura roshki wa okai shiri.

² Orowa, inne wakka humihi korachi, poro kamui-hum korachi, kando wano san hawe ku nu: ku nu hawe anak ne koto rekte utara koro koto rekte wa humi ashte hawehe nei no an ruwe ne:

³ orowa, nei utara anak ne ashiripe noine an yairap nei amset kotchaketa newa ine shiknu okaibe newa nei ekashi kotchaketa newa ki ruwe ne: aige, moshiri orowa no ahok nei ju-shi-man nin ne ainu ikashima shi-sen nin ne ainu moshima nei yairap eyaihannokkara eashkai guru isam ruwe ne.

⁴ Tan okai utara anak ne shiwentep tura shomo yaituru-ushte ruwe ne: shiwentep eramushkare utara ne ruwe ne gusu ne na. Tan utara anak nei Pon-hitsuji inanta oman yakka nei osh paye utara ne. Tan utara anak Kamui gusu hemhem, Pon-hitsuji gusu hemhem, aro hoshiki no okai kunip ne kuni gusu ainu tumuge orowa no ahok utara ne ruwe ne.

⁵ Orowa, nei utara koro paroho oshiketa shunge shomo anukara; turu-sak utara ne ruwe ne na.

⁶ Orowa, otusashuishiri pakno an pirika shongo koro hine moshiri kata oshiroma utara otta, obitta no okai moshiri uirup otta hemhem, ainu ikiri otta hemhem, parumbe otta hemhem, utara otta hemhem eupaskuma kuni gusu an kando tumugeta hopumba naa shine hauturumbe ku nukara; awa, shinuma anak ne poro hawe ani ene itak-hi :—

⁷ Kamui koishitoma wa Shinuma reika yan; Shinuma koipishi ambe iki kuni pakihi ek an ruwe ne gusu ne na; orowa, kando newa toitoi newa atui newa wakka purupuruge-i newa kara Kamui koongami yan, ari itak.

⁸ Orowa, naa shine, naa otutanu an hauturumbe nei okaibe okake ek wa ene itak-hi :— Hokush okere, koro hoiyo gusu an irushka ambe oma tonoto orowa no obitta no okai moshiri uirup ikure nei poro Babironia anak hokush okere an na, ari itak.

⁹ Orowa, naa shine hauturumbe, nei re ikinne an ap anak ne, nei utara okake ek wa poro hawe ani ene itak-hi :— Inan guru ne yakka nei a chikoikip newa koro nokaha newa koongami hene ki, koro keputuru ta hene koro tekehe ta hene chikoikip koro shiroshi aomare yakun,

¹⁰ nei guru anak chiukopoye shomoki no etoko-a-oiki wa an okere Shinuma irushka ambe oma itangi, Kamui kinrakarape oma tonoto iku ne yakka iki kusu ne; orowa, ashkanne hauturumbe shik-samata newa nei Pon-hitsuji shik-samata newa abe newa iwau ani apanakte kusu ne:

¹¹ orowa, akore panakte ambe gusu an shupuya anak ne otusashuishiri pakno rikin kusu ne; aige, nei chikoikip newa koro noka newa koongami utara, kon reihei ne shirosh akore utara anak ne, nei utara anak tokap to ta ne yakka kunne to ta ne yakka shini eaikap ruwe ne.

¹² Kamui ikashpaotte newa Yesu gusu an eishokor-i newa shikkashima utara otta, tata otta yaiyupupu ambe an na.

¹³ Orowa, kando orowa no an ene itak hawe ku inu :— Nuye yan, tewa no Utarapa oshiketa ekot wa rai an utara anak ne shinnunuke ne: ruwe un, ari Ramat itak, nei utara anak koro monraige-i otta eshini kuni gusu ne na; koro iki ikip nei utara oshi arapa ruwe ne gusu ne na.

¹⁴ Orowa, ku nukara, awa, ingarʼan, shine retara nishkuru an; aige, nei nishkuru kata ainu poho nepkoro an kat koro shine guru a kane an ambe an, koro sapa kata kongani sapa-umbe an, koro tekehe ta een iyopbe kon ruwe ne.

¹⁵ Orowa, naa shine hauturumbe Kamui kora kenru wano soine hine nei nishkuru kata o kane an ambe orun poro hawe ashte wa ene itak-hi :— E koro iyopbe omare wa nange yan: nange kuni gusu an pakihi ek an; moshiri kata an an ange kunip chi kashpa ruwe ne gusu ne na.

¹⁶ Orowa, nei nishkuru kata o ambe anak ne moshiri kata koro iyopbe omare; aige, moshiri anange.

¹⁷ Orowa, naa moshima an hauturumbe kando oshiketa an Kamui kora kenru orowa no soine nisa, shinuma ne yakka een iyopbe koro.

¹⁸ Orowa, naa shine hauturumbe yange-set orowa no oashin, shinuma anak abe epeka mondum kon ruwe ne; awa, shinuma anak ne poro hawe ani nei een iyopbe koro guru otta ene itak-hi :— E koro een iyopbe omande wa moshiri pungara oma push uina yan; koro hatchi okere ruwe ne gusu ne na.

¹⁹ Orowa, nei hauturumbe moshiri eun koro iyopbe omare, aine, moshiri pungara op icha hine Kamui kinrakara hat nishu, nei poro nishu otta omare nisa ruwe ne.

²⁰ Orowa, nei hat nishu anak ne machiya soigeta aotereke-numba, awa, nei hat nishu orowa no kemihi oashin, umma omonkai epa poka iki, shichi ju go ichi ri pakno epa nisa ruwe ne.