Ekambakbe 13 - Ashiri Aeuitaknup Iyohaichish Yona 1897

13 Ik.

¹ Orowa, wan kirawe newa arawan sapaha koro shine chikoikip atui orowa no oashin ambe ku uukara, awa, koro kirawe kata wan inaoru okai, samata, koro sapa kata Kamui koatcha reihei oka ruwe ne.

² Aine ku nukara chikoikip anak ne hyo chikoikip nepkoro ambe ne, chikiri anak chiramantep korobe ukoheraye, koro paro anak ne shishi koro paro korachi nep: orowa, nei kinashutunguru anak ne yaikota koro kiroro newa amset newa poro mondum newa shinuma otta koropare nisa ruwe ne.

³ Orowa, shine sapaha anak ne ekot kuni pakno araige nepkorʼan, awa, araige kuni gusu an akoshirikik ushike tuk nisa: aige,

⁴ moshiri uirup ebitta nei chikoikip koenushkari; orowa, utara anak ne kinashutunguru koongami, nei chikoikip orun koro mondum kore nisa ruwe ne gusu ne na; aine, utara anak ne chikoikip koongami wa ene itak-hi :— Chikoikip ukoheraye guru inan guru ne ya? Shinuma epeka kotumi-koro eashkai guru nen ne ya? ari itak.

⁵ Orowa, porobe newa Kamui koatcha ambe newa ye kuni paroho shinuma otta akore; orosama, shinuma tu chup ikashima tu hotne chup uturu pakno an kuni mondum akore nisa ruwe ne.

⁶ Orowa, shinuma anak ne Kamui epeka hemhem, Kamui kon reihei epeka hemhem, Kamui koro kash epeka hemhem, kando oshiketa oshiroma utara epeka hemhem koatcha ambe ye gusu koro paro maka ruwe ne.

⁷ Orowa, shinuma anak ne ashkanne utara epeka kotumi-koro wa annokara kuni gusu akore nisa: samata, pishno okai ainu ikiri newa utara newa parumbe newa moshiri uirup newa koro okkeu kashi mondum akore nisa ruwe ne na.

⁸ Orowa, moshiri asamaha aande i otta araige Pon-hitsuji chikoikip koro inotu oma kambi-sosh kata kon reihei shomo anuye wa an moshiri kata oshiroma utara obitta shinuma koongami kusu ne.

⁹ Kisara koro guru an chiki, nei guru anak nu yan.

¹⁰ Teke pashte guru an yakun, teke apashte kusu ne: rangetam ani raige guru an yakun, rangetam ani araige kusu ne. Tata otta ashkanne utara iki yaiyupupu ambe newa eishokor-i an ruwe ne.

¹¹ Orowa, toitoi orowa no oashin shiriki naa shine chikoikip ku nukara; awa, pon hitsuji chikoikip nepkorʼan tu kirawe koro, aige, kinashutunguru korachi itak nisa ruwe ne.

¹² Orowa, shinuma anak nei atpake an chikoikip koro mondum shinuma kotchake ta eiwange ruwe ne. Orowa, moshiri newa moshiri kata oshiroma utara nei a raige kuni pakno koshirikik an ushike tuk atpake an chikoikip koongamire nisa ruwe ne.

¹³ Orowa, shinuma poro shirosh iki, utara kotchaketa kando orowa no toi kata eun abe rapte pakno poka iki kuni kusu ne.

¹⁴ Aige, nei chikoikip kotchaketa akire kuni gusu an shirosh ankushkerai shinuma anak ne moshiri kata oshiroma utara kokandama; nei a rangetam eshirikik piri koro wa shiknu chikoikip gusu nokaha kara kuni ne moshiri kata oshiroma utara otta ye ruwe ne.

¹⁵ Orowa, nei chikoikip koro nokaha anak ne itak sange hemhem ki, chikoikip nokaha shomo koongami utara obitta aronnu hemhem ki kuni ne, otta inotu akore, chikoikip nokaha otta poka inotu akore nisa ruwe ne.

¹⁶ Orowa, obitta no okai utara, pon guru ne yakka, poro guru ne yakka, oteknu guru ne yakka, otek-sak guru ne yakka, rengaine an mondum koro guru ne yakka, ausshiunere guru ne yakka, koro shimon tek kata hene koro keputuru kata hene shirosh aomare kuni ne shinuma iki ruwe ne;

¹⁷ orowa, nei shirosh, nei chikoikip kon reihei hene kon reihei koro pishki shirosh hene koro guru moshima, inan guru ne yakka hok hemhem ki eiyok hemhem ki eaikap kuni ne kan ruwe ne.

¹⁸ Teda wayashnu ambe an na. Eramush guru anak ne nei chikoikip koro pishki shirosh pishki yan; nei ambe anak ne ainu koro pishki ne ruwe ne gusu ne na: aige, nei ainu koro pishki shirosh anak ne re shine wan hot newa iwanbe ikashima re hotne ne ruwe ne.