Ekambakbe 12 - Ashiri Aeuitaknup Iyohaichish Yona 1897

12 Ik.

¹ Orowa, poro shirosh kando oshiketa anukara; tokap chup ani yaitomchiure shiwentep ne, kema pokta kunne-chup an, sapa kata tu ikashima wan nochiu oma sapa-umbe an; awa, nei shiwentep shinnaikat iyeunu wa an na:

² aige, shinuma po shikore gusu, hekatu gusu an ikururu gusu hawe ashte ruwe ne.

³ Orowa, naa shine shirosh kando oshiketa anukara; awa, ingarʼan, arawan sapaha newa wan kirawe koro shine poro fure kinashutunguru an, aige, koro sapaha kata arawan inaoru aunu wa an ruwe ne.

⁴ Orowa, shinuma koro saraha anak ne kando o nochiu re sereke nimba wa moshiri kata osurupa nisa ruwe ne; aige, nei kinashutumbe anak tane po shikore kushki shiwentep kotchaketa ash; awa, hekatu yakun koro aiai ibe wa isamka kuni gusu ne na.

⁵ Aine, nei shiwentep anak ne yaiyan-kani kan-ni ani obitta no okai moshiri uirup epungine kuni gusu an okkai poho, ainu poho, shikore nisa: awa, koro aiai Kamui orun, Kamui koro amset rikna ehekem nisa ruwe ne.

⁶ Orowa, nei shiwentep anak ne iwan shine wan hotne to ikashima ine hotne to uturu aioreshpa kuni ne, nup oshiketa Kamui shipini okere ushike orun kokira nisa ruwe ne.

⁷ Orowa, kando oshiketa tumi an: Mikaeru newa koro uitek utara kinashutunguru tura ukotumikoro gusu paye; awa, kinashutunguru anak ne koro uitek utara tura tumikon nisa ruwe ne;

⁸ aige, ash eaikap, samata, nei i wano kando oshiketa nei ambe okai kuni ushiketa ka isam ruwe ne na.

⁹ Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.

¹⁰ Orowa, kando oshiketa poro hawe ku nu, aige, ene itak-hi :— Tane anak ne kashiobiuki ambe newa, kiroro newa, chikoro Kamui moshiri newa, Shinuma koro Kiristo koro mondum newa ek wa an ruwe ne: inambe gusu ne yakun, tokap-to ta hene, kunne-to ta hene chikoro Kamui tek-samata chikoro iriwak utara eiyonnupba ki iyon-nupbap anak ne aetopan nisa ruwe ne gusu ne na.

¹¹ Orowa, shinuma utara nei Pon-hitsuji koro kem ankushkerai gusu, orowa, koro paweteshu ki itak an gusu nei ambe annokan nisa ruwe ne: orowa, rai oro pakno ne yakka koro inotu shomo omap ruwe ne.

¹² Tambe gusu, aa kando newa kando otta okai utara, nupetne yan. Moshiri newa atui newa yaisambepokash humi! Inambe gusu ne yakun, nitne kamui anak ne irukai patek okai kuni ambe eraman wa shi no irushka hine echi orota san wa an ruwe ne gusu ne na.

¹³ Orowa, moshiri eun aetopara wa an kunak nei kinashutunguru nukara chiki, nei ainu poho shikore shiwentep keshke nisa ruwe ne.

¹⁴ Orowa, shiwentep anak ne nei kinashutunguru koro nan wano kira wa shine pakihi newa inne pakihi newa pakihi nimaraha newa uturuta otta aioreshpa kuni gusu an nup orun hopumba kuni ne poro kapachiri tekkup tuppish akore nisa ruwe ne.

¹⁵ Awa, shiwentep nai chiwe gusu amomka wa aisamka kuni ne, nei kinashutunguru anak ne koro paroho orowa no pet korachi wakka shinuma oshmake oashinge nisa ruwe ne.

¹⁶ Awa, toitoi nei shiwentep ikashiu, aige, toitoi anak koro paro maka hine kinashutunguru yaikota koro paro orowa no oashinge pet ruki nisa ruwe ne.

¹⁷ Orowa, kinashutunguru anak ne nei shiwentep epeka irushka, aige, Kamui ikashpaotte shikkashima wa Yesu iki paweteshu ambe koro moshima okai nei shiwentep koro san-ikiri epeka kotumikoro gusu arapa nisa ruwe ne: orowa, nei ambe atui-sam kata ash kane an na.