Ekambakbe 10 - Ashiri Aeuitaknup Iyohaichish Yona 1897

10 Ik.

¹ Orowa, ku nukara chiki, nishkuru utomchiure wa an kando orowa no ran shine hauturumbe an; awa, koro sapa kata raiochi an, koro nanu tokap-chup nepkoro an, chikiri anak abe ikushpe ukoheraye ruwe ne; aige, koro teke otta shine pon kambi-sosh pirasa wa an ruwe ne:

² orowa, shinuma anak ne koro shimon kema atui kata ande, orowa, hariki kema toitoi kata

³ ande nisa ruwe ne; aige, shishi hawe ashte korachi shinuma poro hawe ani hawe ashte: aine, shinuma hawe ashte chiki, nei arawan kamui-hum anak ne koro hawe sange nisa ruwe ne.

⁴ Orowa, nei arawan kamui-hum koro hawe sange okere chiki ku nuye kuni ku ramu: awa, kando orowa no an ene itak hawe ku nu :— Nei arawan kamui-hum sange orushpe eshina wa iteki nuye yan.

⁵ Orowa atui kata hemhem toitoi kata hemhem ash wa an ku nukara hauturumbe anak ne kando eun koro shimon teke puni hine,

⁶ kando newa kando oshiketa nep okaibe ne yakka, moshiri newa moshiri oshiketa ne yakka, atui newa atui oshiketa ne yakka kara wa otusashuishiri wano otusashuishiri pakno an Kamui epeka ye wa, tewa no poka pakihi isam kusu ne ari shiyuppa no ekambakbe iki nisa ruwe ne:

⁷ koroka, nei arawan ikinne an hauturumbe koro hawe an toho ta, shinuma rekte etokooiki an ita, koro uweingara utara ne usshiune guru orun eramande pirika shongo an korachi, Kamui koro mukkep aokere ruwe ne.

⁸ Orowa, kando wano an ku nu hawe shui en otta itak shiri ku inu, ene itak-hi :— Arapa wa atui newa toitoi kata ash wa an hauturumbe koro teke ta apirasa wa an kambi-sosh uk yan, ari itak.

⁹ Orowa, nei hauturumbe otta ku arapa wa nei pon kambi-sosh en kore kuni ku ye. Aige, shinuma en orun ene itak-hi :— Uk wa isam pakno ibe yan; aine, nei ambe e koro honi shiu ne kara, koroka, e paro onnaigeta soyai-ninge pakno topembe ne kusu ne, ari itak.

¹⁰ Orowa, kuani nei hauturumbe koro teke wano nei pon kambi-sosh ku uk hine isam pakno ku ibe; awa, ku paro gusu soyai-ninge pakno topembe ne: aige, nei ambe ibe okere chiki ku honi anak ne shiu ne akan nisa ruwe ne.

¹¹ Orowa, nei utara en otta ene itak-hi :— Aokai anak ne inne utara newa uirup newa parumbe newa moshiri shikkashima utara newa epeka uweingara ki kusu ne na, ari itak.