Biblia Todo Logo
Bìoball air-loidhne

- Sanasan -

MANJETNA 6 - Rabu Athar New Testament (BSI)


Silngai

1 Han belram ning sil an nam sa che chun sari sunga khat a long karra kein ka jet ka mu, jiba manli sunga khat ning rori anga a khek alui ti, “Hongru”

2 Kein ka en karra sekor ngui khat a om ama ha ruphel mahok na lu hup ham alui pek, ama ha a tor pa khat anga a om, hale ama ha a tor pa ani.

3 Belram ning anni chang na che chun ha a long karra, thavang anni chang na pa han a ti hongru.

4 Sekor a sen khat a hong suak hiva sekor chuang pa jiang ramuol chunga ral man kan tho na ranga ranak a pek, hivahi ramuol la khat le khat man kan that na ranga ani, ama jiang chem sei khat om a pek.

5 Hale belram ning che chun an thum a hong long karra, jiba an thum chang na pa ning a ti, hongru, kein ka en karra sakor a vom khat a om, hava sakor vom chuang pa chunga phat hap khat alui om.

6 Jiba manli karra rasa khat ning a ti, ka jet, gehu ser an khat hi, sun khat lo man ani, barly Ser an thum hi om ni khat lo man ha ani, tak-ha manmang maro thai le, darkha tui ha.

7 Hale belram ning che chun manli chang na ha a long karra, jiba manli ning an hong ti ka jet, “Hongru!”

8 Kein ka en karra sekor apol khat ka mu, hava sekor chuang pa ming ha thina anti, mei mun thina ning ama a nuk an jui, anmani jiang ramuol la hin rup manli a rup khat hi kan sual kan that na ranak an lui pek, mi that ranga le butang ranga, ri le rai rang nat na le ram ma sangai thina ranga ranak ha alui pek.

9 Hale belram ning che chun ranga chang na ha a long karra, kein ka mu, Pathian chong sem man na a thi thavangngai ha, a thiang phur pek na a thuaija ka lui mu.

10 Anmani ning an hong khek, “Arat Pathian adik le a thiang Pathian! i duk mo ala vat keini a na that ngai chunga chong jen na rang phai?”

11 Anmani jiang han puon ngui a pek, hale anmani anga an that rang, anmani an suakngai ham phat bongkhat ranga lui om di rase u tia anmani ning an hong ri.

12 Hale, belram ning che chun ka ruk chang na ha a hong long karra kein ka mu, ramuol la ning nu a kan nik, ni ning pum vom ma a vom, hale tha ning thisen anga pum sen na alui sen.

13 Arsi ngai ning ramuol la an hong chul, theira minlui ning rothi phaivou a hong rang karra an kung tenna a hong chul anga a ti.

14 Chung van hi om che i kan jual anga a kan jual, hale ching rakip le phai om an om na mun tenna an mang jui.

15 Hale ramuol chunga a om a lian a rang, a chong che, a riang a nei, kan chong ngai om, lungkhur sunga, tangbung sunga, tangbung mualla an lui om.

16 Anmani ning ching le lungpui ngaiha an lui kui, “Hong kan thitru, na thupru keini chunga belram ning a lung hui lai mak.

17 Hiva ang khan na pong le khodengthei na hi a suak jui, ama lung thak na hi a hong jui, tu ning mo hivahi an dui tor rang?”

Aimol (Re-edited) NT - Rabu Athar

Copyright © The Bible Society of India, 2016.

Used by permission. All rights reserved worldwide.

Bible Society of India
Lean sinn:



Sanasan