MANJETNA 4 - Rabu Athar New Testament (BSI)

Vanram ma Chubei An buk

¹ Hi anga hin kein ka lung mit mu na khat ka neija vanram a kan longa a om hale pengkul rasa anga ka jet, a rapa ka lui jet rasa anga a ti, a man a ti “Hin hongro imo a suak rang ha na man mu kati,”

² hava phatak han thavang ning kei hi a na lui ruai, vanram ma reng ong na mun na mi khat a ong.

³ Han ka puma ka en karra a mai sua ha a man tam Jasper lung anga a var, hale a reng ong na mun ha suminsang ning a hiltong.

⁴ Reng ong na mun han reng ong na mun somni leimanli ning an lui kuai de, hanna a ong somni leimanli ngai ning puan a ngui an sija sana lu khu an khu ha kein ka mu.

⁵ Hale reng ong na mun na kol a kan let rori rasa anga alui suak, han reng angna madonna mei chuan sari ngaiha Pathian thavang sari ngaiha an lui ni.

⁶ Reng ong na madonna puan var anga a var, tuipuilian anga ani, han hiva reng ong na madonna le a sir a pang hin nom, a nuk le ama don tianga mitam thavang manli alui om.

⁷ An khat chang na thavang ha Sabakkai anga a ti, anni chang na lam serat anga, an thum chang na lam ama hi ha mi mai anga a ti, hale manli chang na ha ning a vuang man mu a puo.

⁸ A ring kut sin rakip in an tha ka rukje a om, anmani an sir an pangam an mit a tam a om, jan le sunna la tho hi bang ma u, “A thiang, A thiang, A thiang Pathian a tor pa ani, alui ni sa Pathian, a tun nom ani, nuk om hale a hong rang ham ama ha ani.”

⁹ A ringa a om anmani manli ning Pathian choi lom na la an tho, han Pathian ong na han an onga ama ha an manpak, a man pha rakip a tor ti buia om rase.

¹⁰ Hingahin an tho pha ulian somni leimanli ngaiha reng ong na madonna an hong bok chubei an buk jui, amongtibuia a ring ama ha an manpak jui, chubei an buk jui, an sana lukhu ha reng madonna an paija an lui ti;

¹¹ “Kan Puma Pathian nang hi chit jak rang le chubeibuk rang rahui na suak, na lungdo nuk juia hiva ranak rakip hi na sin na anmani ning ring na an nei jui.”