JOHON 9 - Rabu Athar New Testament (BSI)

An Nei Tenna Mitdel Pasal Jisun A man Dam

¹ Jisun hingan ahonglonlai an nei lai tenna mitdel pasal khat a mu jui.

² A thiamruoingain an dingkel “Oja tu Siadna jarra mo mitdella nai ihong chang hi? A ma siatna jarra mo animakle nulepa siatna jarra mo?”

³ Jisun a hong sang, “A ma siatna jarra nimak, a nu le a pa siatna han nom nimak ama tenna Pathian ranak ha mu thei na ranga ani.

⁴ Kei ana hong tirpu chuan kan sin rang ha avarlai hin Kansin rang ani, jan ahongnin inko tu khat in nom chuan sin tor ma u.

⁵ Kei ramuol la Ka om lai, ramuol la var ha kani.”

⁶ Hava suale, Jisun leipak vutdiha achil thuan na amitdel ha leipak pokhan anotpejui.

⁷ A ma jiang a ti, “Cheinlang Silom tuikhurra namai hong phiaro.” Mipaning a chea amaihi a hong phiasua phat han a mit a mua a hong kir jui.

⁸ An inn ri an intang mingai ning man lai khani atholai an lui mu mingai ning ngom an hong ti; A onga khani tho ha hivami himo nimak?

⁹ Aviar in anti amahike; tak-ha a dangngain a ti, nimak an kan puoke han a man a hong ti, kei ke kani.

¹⁰ Han anmanin an dingkel ija mo a tunko nimujui?

¹¹ A man a hong sang, Jisu anti mi ha ning leipak pok aviar alui a ka mit anot, hale che in lang Silom tuikhurra namaihi hong phiaro ana ti; han ka chea Kamai ka hong phia sualenle kamu jui.

¹² A ma hon mo a om? Tia an hong dingkel, jet making tia a sang.

Damna Ruia Pharisi Ngain Antok

¹³ Mit delpaha anmanin Pharisi ngai jiang an hong tuang.

¹⁴ Jisu ning leipak pok mitdelpa aluimandamha sernikhuo a luini.

¹⁵ Pharisingain mitdelpa jiang ija mo na mit na mu tia an dingkel. A man a ti; “A man leipak pok alui a ka mit anot; kamai ka hong phia sualen le ka mu jui.”

¹⁶ Pharisi aviar in an hong ti, hiva tho pa, mi ha ko Pathian tenna nitornoning; ajarko a man sernikhuo dan ha jui ma, aninom aviar in an hong ti, ijamo siatmikhat in angakpa chuan itho? han anmani masia rupni an suak jui.

¹⁷ Han Pharisingain mipa jiang anhongtiret, namitdel hi aman dam ke nati, asatjui, han ko ama ruia nang ko imo na ngaidon? A man a sang ama ko Pathian tashanthei khat ke.

¹⁸ Jiw Ulianrup ngain ama hi amit aluidella amu jui, tihi a nu, a pa, an kui maje tak luingai tormau.

¹⁹ Anmanin a nu a pa jiang an dingkel mitdella nan nei nai ha hivahi mo? Han ko a tunko ijamo a hong mu?

²⁰ Anu a pa ngain an hong sang, mitdella kan nei kan pasalnai ha amahike.

²¹ Tak-ha, ijamo a man a tun imu, hale tu in mo a mitdel hi amandam atakjiang ding kelru, ulian ani jui a tak in nasang nati.

²² A pa, a nu ngai ning hiva antinako Jiw ulianrupngai ha an chit jarra ani, ajarko Jisu hi Mesaia ke tia tak angai miha Sainagok tenna notcheirei tia kan jot na alui om.

²³ Hiva jarra ani a nu, a pa ngain a tak jiang dingkelru ulian ani jui an lui ti ani.

²⁴ Veini chang na han, mitdelpa ankuia an hong ti, Pathian mai kung a chongsam na nei inlang adik karirangke tiro; nang anamandam miha siatneike tihi keinin kan jet.

²⁵ A man a hong sang a mahi siatneimo? Neimak mo jet making. Kei ka jet khat ko, ka mit aluidel tak-ha a tun ko ka mu jui.

²⁶ Anmanin an dingkel, a man nang jiang imo a tho, ijamo namitdel iman dam?

²⁷ A man a hong ti, kein nang ni jiang kari ver jui, nang ninko na ngai ma che u irangamo ama ruia nanjetjot ret? Nang ni om ama thiamruoimo nan chang jotjuimo?

²⁸ Anmanin ama ha khuo ankhonga an hong ti, “Nangke ama thiamruoiha, tak-ha na ni keini ko Mousi thiamruoi kan ni.”

²⁹ Pathian ning Mousi le an kan biak ti ko kan jet. Tak-ha nang nati mi ha ko hotenna mo i hong tihi kein in jet maksing.

³⁰ Mipan a hong sang, miha ning Kamitko a man dam jui, tak-ha ama hi hon na ihongmo ti ko jet making nanti hiko ka ngak e.

³¹ Pathian ning siatnei ngai ko jet mak, tak-ha ama chitlejak a nei, a lungdo a tho ngaiha ko a jet pe.

³² Ramuol phut lai tenna a mit della an nei miha amukhir tihi tu khat in nom luijetmau.

³³ A ma ning Pathian tenna a hong animak inko hiva chuan hi tho tor noning.

³⁴ Anmanin an sang, nang ko siat nale kanruoia an na hong neia na hong lian ani, han keini lam hi na man churangmo niti? han ama ha Sainagok tenna an not cheijui.

Thavang a mit Del

³⁵ A suak chuan rakip ha Jisun a jet miha akanmupuia a ti, Minai pasal hi tak mo na ngai?

³⁶ Mipan a hong ti, Oja mi ha na ri pero tu mo ani miha, han ama ha kein takngai kati.

³⁷ Jisun ama jiang a ti “Nang in ama ha na mu jui, a tun nang le nankanbiak ama ha ani.”

³⁸ Mipan a hong ti, “Puma tak ka ngai ti a Jisu madonna a khup abilingjui.”

³⁹ Jisun a ti, “Ramuol la kihonghi chong tanranga ani,” a mit delngain an mu rang a mu ngain an mit idel rang,

⁴⁰ hava sierra a om Pharisi aviar in chong ha an jet an hong ti, keini om kan mit mo adeljui?

⁴¹ Jisu ninga sang, “Nanmit aluidel inko siatluinei noni che u tak-ha, nang nin kan mu nanti jarra siatna nan nei jui.”