JOHON 20 - Rabu Athar New Testament (BSI)

Than Rong

¹ Sernikhuo jintiang a jing phat han, Meri Magdalen ning than ha lung an kei sua arongha a mu jui.

² Han numeihan a tanna Simon Pitar le a dang thiamruoi, Jisu ning alungsiatngai jiang avari, “puma ha than ten phut an lui jui. A ma hon mo an lui siak rang tihi kein in jetmasing.”

³ Pitar le a dang thiamruoingai ning thanna an lui che.

⁴ Mi anni han an tan jui, tak-ha thiamruoi an khat ha Pitar ha a khel la than na maan a tung jui.

⁵ A man akunna a en pha ruinemma ankhitna Puan anemha a mu, tak-ha arengako lui mu ma u.

⁶ Hava ha Simon Pitar ham a hong tunga than khur sunga a lut jui ani puannem anchun na ha a mu jui.

⁷ Han Jisu a lu an chun na puan diar le puannal jak a mak ha a mu jui.

⁸ Thanna man aluitung thiamruoi an khat ham a lut a; tak a ngai jui.

⁹ Chong thiang in a ri tiko a mahi thina tenna thuikhir nati, anti hi anmanin la jet tor ma u ani.

¹⁰ Hava suale thimruoingain inna an kir jui.

Jisu Magdalen Meri Jiang Akando

¹¹ Meri han than sirra a ngirra a chap chunga than sunga alui lut jui.

¹² Jisu ruak anluisiakna a sirra han thaneithiang anni puan ngui mang ansia an ongha a mu jui.

¹³ Anmani ning “E numei ita mo nichap tia an dingkel!”

¹⁴ A man an kan hei a Jisu a ngirra om ha a mu jui tak-ha a man Jisuke tiha luijetma.

¹⁵ “E numei ita mo nichap? tia Jisun numeinu jiang ading kel, tu ha mo nang in nitok.”

¹⁶ Jisun Meri jiang a ti, ama jiang a enna a ti, “Rabboni Hebru chonga oja tina ani.”

¹⁷ Jisu ning numeinu jiang a ti, “Nasit maro, ajarko, kei ka pa jiang lache making, tak-ha ka u ka nai jiang nang che in lang ripero, ka Pathian, anmani rang om an Pathian jiang kakir rang ke.”

¹⁸ Magdalen Meri ning thiamruoingai jiang a chea Jisu ning ama jiang iman jet chong ha avari pe jui.

Jisu Thiamruoi Ngai Jiang Akando

¹⁹ Sernikhuo nitak anipha, thimruoingain an renga an kanchun na an lui om han in khar om an lui kalrep ajarko, anmanin Jiwngai an lui chit han Jisun a hong ngirra a ti. “Lunghip lungdai ha nan chunga om rase.”

²⁰ A man hi a ti suale, a kut le adiap ha a man mu jui, han thimruoingain Puma anmuphahan an ning asat ha rina lui om mak.

²¹ Hava suale Jisu ning anmani jiang a ti, “Nan chunga lunghip lungdai om rase.” Ka pa ning kei a na tir anga kei in nom nang ni ha ka na tir jui a ti.

²² A maning anmani ha phuk asa thuan na a ti, a thiang thavang ha muru.

²³ Nang nin mingai siatna nan ngaidam inko, nang ni om na ngaidam nanti hale nang nin nan ngaidam mak inko nang ni om na ngaidam noni u.

Jisu Thoma Jiang Akando

²⁴ Thiamruoi somlei anni karra Deduma anti Thomaha Jisu ahonghan anmani karra lui kan chelmak.

²⁵ Thiamruoi adangngain Thoma jiang anti, “keini Puma kan mu jui, Thomaning anmani jiang a ti, kei ana jotpia akut ake adiap ansunna abi ha ka kut tak in kasitmaje kein takngainoning.”

²⁶ Hapta khat suale thiamruoingain in sunga an kan chun na han Thoma om hana alui kan chel in khar kot ankhar verhan Jisun anmani jiang alai tak a ngirra a ti, “Nan chunga lunghip lungdai na om rase.”

²⁷ Han a man Thoma jiang a ti, “Na kut han hongsunro hale ka kut hi enro, Na kut hong thuang in lang ka diap hong ritro, Natak ngailuiha masua in lang takngai taro.”

²⁸ Thoma ning a sang, “Kapuma ka Pathian!”

²⁹ Jisun ama jiang a ti, “Kei nanamu jarra mo taknangai? mu chil luia takngai mihan iduk a ravan satmo anni.”

³⁰ Jisun a thiamruoingai karra angakpa chuan i tho rakipngai ha hiva rabu sunga kenglaima.

³¹ Jisu hi Mesaia ani tia tak nan ngai na rang hiva chong lam hi alui kan jiak sa ani, Pathian pasalnai ha tak nanngai na han ring na mu nanti.