JOHON 13 - Rabu Athar New Testament (BSI)

Jisun A thiamruoi Ngai Ke Arasuk

¹ Kanna ut nikhuo animak ma Jisun ning a pa jiang a chena rang phathi a nai juiti a jet jui, a man ramuol chunga mirakip alungsiat hi ramuol torna khan na ani.

² Jisun a thiamruoingai le nitak bu an nek phat han, Simon a pasalnai Iskariot Judaning Jisu juar ranga alung sunga khonam ning chuan, a tho jui.

³ Jisun a pa lungdo rakip tung na ranga, Pathian tenna ka hong veikhat Pathian jiang kalakirrang tihi a jet.

⁴ Tebol tenna anva thuipha, Puman a puanshi atet a diar a luia akong akhitjui.

⁵ Han a man khengkuang khat sunga tuihan thiamruoingai ke arasuk a, akongkhit puan a luia an ke anot hulpejui.

⁶ Hingahin, puma ning Simon Pitar jiang a hong phak han, a man Jisu jiang a ti, “Puma kake hi na rasuk perangmo nati?

⁷ Kei kitho hi atun nang in jet mache tak-ha nuk a nalajet rang ke a ti.

⁸ Pitar in puma, nang in kake naluirasuk pengai mak che Jisun a sang, kein na ke kanarasukpe mak inko kathiamruoi a sot nang in chang tor noni che.

⁹ Simon Pitar in a hong sang, “Puma, ha aninko kake jak ni luia ka kut le kalu hi jom na rasuk pero!”

¹⁰ Jisun a ti, “Tu a chang innom tui abialsa miha a ke ni luia a dang rasuk rang om mak, nan renga nan thiangver, tak-ha ankhat jak hake a thiang lui.”

¹¹ Jisun ama ning keihi najuarrang ani; tihi a jet jarra “Nang ni nan renga nan thiangver a thiang lui an khat a om a ti ani.”)

¹² Jisun an ke a rasuk ver suale, diar puan ha a om na tebol la a hong tetkhir jui, “Kein nang ni jiang kithohi nan jet tormo”? Tia aman a hong sang.

¹³ “Nang nin keihi Puma hale oja, ti a nannakui, nang nin adik a nanti ani, ajarko, kei nan Puma le nan oja ha ka ni.

¹⁴ Kei nan puma le nan oja ka ni jarra nan ke Kanarasuk pe jui, hava jarra nang nin nom ankhat le ankhat ke ha nan kan rasuk pe rang a suak.

¹⁵ Hiva jarra kei ki tho ang hin, nang ni nom nan tho na rang jet na khat kana man mu ani.

¹⁶ Kei ning adik tak ki na ri ani; Suak ha ning a neipu nek a lian nimak, hale chong choipuhan a hong tirpu ama nek om a lian nimak.

¹⁷ Nang nin hiva adik nai nan jet a chuan ha nan tho aninko iduk a ningsat na nang ni jiang om nati!

¹⁸ Kein nang ni rakip jarra kari nimak, kein Kithang suaksa ngai rang jak kana ri tak-ha chong thiang rabu ning iri nuk juia ani rang ke ani kei kanuk anajui mi ha ning kei a na enda lam anchangrangke.

¹⁹ Chuan hi a hong suak le nang nin kei hi amake tihi nannajet na rang, chuan asuakmakma kein nang ni jiang ka na manjet ani.

²⁰ Adik tak kein ka na ri ani, kein tuangmi khat katirha aluijot a don miha, kei inajot ani, hale kei a na jot lui ama ha kei a na hong tirpuha ajot lui ani.”

A ma Anjuarna Rang A kan Ri

²¹ Jisun hiva ngai hi a ri suale, a tam a lung aponga phuangna shakhi apek a ati, “Kein a thianga nang ni jiang kanari mi: nang ni karra an khat in kei hi najuarrang ani jui.”

²² Tu mo itina tiha a thiamruoingai ning jet ma u jarra, anmanin ankhat le an khat anlui kan enjui,

²³ a thiamruoi karra Jisun a lungsiat miha ama asirtak alui ong.

²⁴ Simon, Pitar ning a hong kan nik a ama jiang avadingkel, “Puma tuha mo nitina?

²⁵ Thiamruoi ngain Jisu an hong dep, an dingkel jui, Puma ama ha tumo ani?”

²⁶ Jisun a sang, “Kei ning bulom her khat manchop kata ki pek rang mi ha ani; han ama ning bulom her khat a luia amanchop Suale Simon a pasalnai Juda Iskariot jiang a pek jui.”

²⁷ Bulom Talha Juda ning aluisua lenle, Seitan ning ama lung sunga alut jui, han Jisun ama jiang a ti, na tho rang chuan ha a rak tak vathoro.

²⁸ Jisun iriha tebol la om ngain imo itipena tiha khat tening luijetmau.

²⁹ Juda Iskariot hi ruphai ani jarra, thiamruoi aviar ning, ut ranga nei man rang animakle a riang avai ngai pek ranga phur neinak vachokro atipeke tia an lui ngaidon.

³⁰ Juda ning tal bulom ha aluisua len le, a rak tak tual a suak jui hava phatha jan alui ni.

Chong pek Thar

³¹ Juda ning a suak suale, “Jisun a ti Mi Pasalnai le Pathian lianpui na ha a tun amaten mu rang anni jui.

³² Han Pathian lianpui na ha amaten ava kando inko, hale Pathian miring pasalnai ma hok lianpuina a hong kando inko, han a man arak a vakando rang ani.

³³ Ka naingai kein nang ni le, asot omlai noning, nang nin Kei hi natok nan ta, kein Jiwngai jiang kari anga ‘kei ka chena mun han nang nin hongtor noni che u ha ang han a tun kein nom nang jiang ka na ri.’

³⁴ Atun kein chongpekthar khat ka na pek, an khat le an khat kalungsiatru kein nang ni ka na lungsiat ang han.

³⁵ Nang nin an khat le khat nan lung a kan siat inko, mirakip in kathiamruoike tia na jet rang anni.” (Mat. 26:31-35; Mark. 14:27-31; Luk. 22:31-34)

Pitar ning Ijot Lui rang ha Jisun a ri

³⁶ “Puma hon mo che rang?” tia Pitar in ading kel. “Jisun a sang, kichenahi na jui tornoniche; tak-ha nuk na juiro.”

³⁷ Pitar ning a ti, “Puma ita mo a tun kinajui tor mak rang?” Kei nang nathi na han ka thi tor.

³⁸ Jisun a hong sang, “Nang keirang tak balla nathitormo? Kein a thiang na ri kati, Ar khongpa ning akhuang mak ma nang in kei hi veithum tak na jot noni che.”