JEMS 3 - Rabu Athar New Testament (BSI)Kan lei Kan bai 1 Ka u ka naingai! nangni atam lam mi manchu chang maru, ajarko keini mi manchu ngaihi midangngai neka a tat det a chongtan na kan chunga a om rang ke tihi jetru. 2 Mirakip in ma sial na kan nei chachak. Mi ankhat in a chong ria a suai na a nei mak inko, ama ha a taksa pumpui akanchur tor lungdo tung mi an khat ani. 3 keinin sakor baija rui kan thun na kan cham kan man juia, kan dei na tiang kan man che tor ani. 4 Hale rokuang ngaidon ru; hi ang khan alian aninom, a thou pan rokuang yapna han a dei na mun na phaivou a rang in num a man che thei. 5 Hava anga taksa shunga a sin tak lei hi om ani; tiko a sin tak an khat a chang aninom man kan lian na chong aliana ari suak tor ani. Ramtong a lian tak ha mei chuon a sin tet an khat in a mankang sotor ha ngaidon ru! 6 Hale lei hi mei anga an khat ani. Tak sa ramuol ringkhuo pumpui a ship a na tor an khat ani! Kan ringkhuo mei shunga a na deng juon rang mei chuong ha lei ani. 7 Miring in irakip hi a cham ma aman jui tor, a thavang pal chunga vatengai, thuoia a bok a akan son ngai, hale nga ngai, rakip a cham ma a man jui tor. 8 Tak-ha miring in lei hi ko a cham ma man jui tor mak, lei hi, asat mak, thina turpui a sip ani! 9 keinin lei hi kan Puma le kan Pa Pathian choi lom nam kan nei, hale Pathian mel anga, kan sap chang pui ngai ham kho khong na kan nei man ani. 10 Bai an khat jak ten han manpak na chong le kho khong na chong a suak ani. U le naingai, hivahi kein in man suok ma rei. 11 Tui khur khat jak a ahong suak tui ha a thum le a kha suak mak! 12 U le naingai, thei chang kung a Olib ra ngai mak, hale darkha ruia thei chang ra ngai mak; animakle ma chi khur han tui thum suakngai mak. Chung Tianga Ching na Thei na 13 Nan karra aching a jet nan om mo? a man ching nale kan ruaia lung nem chaun sat ha tho sen lang, a ringkhuo omchan adik do rase. 14 Tak-ha na lung shunga sat mak, pham rai siatna a om inko, man kan lian maru, hale adik chunga leisei tho maru. 15 Hiva anga ching na hi vanram tenna a hong nimak; ramuol chunga seitan le a satlui chong tenna ani. 16 Ajarko en lal le pham rai siat om na mun han a satlui chuan rakip a om ani. 17 Tak-ha chung tianga ching na ha ko, ama sat tak a thiang hale lunghip dei, sap le jar chang hi ani; asat kan rol om chil luia, lungsiat nale chuan sat tho na ara a tam tak a sip jui. 18 Hale an khat le an khat jiang chuan sat a tho ngai chunga an vor chi mu ara ha anni. |
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
Bible Society of India