Biblia Todo Logo
Bìoball air-loidhne

- Sanasan -

2 KORINTH 10 - Rabu Athar New Testament (BSI)


Paul ning chong alui sang na

1 Paul kei ning nangni jiang Khrista lung nem le lungdai han ka na mathem. Kein nan karra ka om lai man kan sin na ka lui om, tak-ha nangni tenna ka che le ko chongar ka ri.

2 Khrista lung nem lungdai han ka na mathem ani. Kein ka hong karra chong a ngarra na man ri maru; keini hi ramuol la taksa lungdo a om ana ti mingai chunga kein chong a ngarra ka ri tor.

3 Keinin ramuol la kan om achang nom ramuol la lungdo ranga ral tho masing.

4 Ajarko keini ral tho na chem pho ngaiha ko ramuol tenna nimak, tak-ha Pathian tenna ranak han a salui rakip manmang na ranga kan tho ani.

5 Keinin a man kan lian na a om, pathian ning a jot lui chuan tho rakip ha kan manmang hale chingna theina rakip ham kan churra Khrista chong kan man jui ani.

6 Nang nin chong nan jui suale keinin chong jui lui ngaiha pongna kan pek rang ke.

7 Nan madon namo a om enru, tu khat ning Khrista anga ka om tia akan ngaidon aninko, ama han asunga avon sunga kan ngaidon de rase, ajarko keini om Khrista jiang ama a om anga kan om.

8 Kein man kan lian na ka ri nom jak noning, ajarko pathian in ka chunga a na pek ranak hi nang ni na kei thui na ranga ani nang ni na ma setna ranga nimak.

9 Hiva ka chithi hin nangni ka na man chit ko chang ma rase.

10 Mi ning anti paul chithi ko atam angar tak-ha a man kan karra a om le ko a nem, a chong ri ham i om nimak!

11 Pathian tirlon ka ni tia a man kan lian mingai le keini hi dan ka nen jot masing. Anmanin a thei jak a an lui man kan lian anni. I duk a ajet luimo anni ha?


Pathian ning a pek ram sunga paul chuan a tho

12 Ajarko, pathian ning ana pek ram sunga niluia keinin chong lian ha ri jot mak, tak-ha a man ana pek sunga nangni jiang chuan tho rang hi om akan chel jui.

13 Keinin kan la hong tung chil lui anga akhel khella che nonising. A rapatak keinin Jisu Khrista chongsat nang ni jiang kan lui hong choi.

14 Pathian in keini jiang ana pek luina mun na midangngai ning an lui sin chuan han keinin chong alian na ri tor masing.

15 Hiva rahut da tak nan ngaiha man khelru hale pathian ning keini jiang ana pek ram sunga keinin chuan ha akhel la tho tor kanti.

16 Hi aninko keinin nan ram va ralla Pathian chong ha ri tor kan ti. Mi ning an leisin chuan ha keinin man ka lian tho nonising.

17 A man kan lian jot ama ha Pathian jiang man kan lian rase.

18 Ajarko atak atheia a man kan lian ha jot mak, tak-ha pathian in ama ha man lian rase.

Aimol (Re-edited) NT - Rabu Athar

Copyright © The Bible Society of India, 2016.

Used by permission. All rights reserved worldwide.

Bible Society of India
Lean sinn:



Sanasan