2 JOHON 1 - Rabu Athar New Testament (BSI)

¹ Ulian chang kein adik tak ka lungsiat, numei manrit le a nai jiang ka na hong manjet han, kei jak om chang lui adik le kan jet nan kan lungsiatngai ning om an na hong manjet ani.

² Ajarko, adik ha kan chunga a om hale, a torna tunga na om pui chak nati.

³ Pathian le a pasalnai Jisu Khrista tenna lungsiat thei nale adik le lungsiat manrit na, lunghip lungdai rakip ha kan chunga om ta rase.

Adikle Lungsiat

⁴ I duk ningsat na ka nei, nan naingai ning, ka pa chong pek nuk juia, adik na tiang an che tihi ka jet.

⁵ Hiva jarra e numei manritnu, keini kan renga kan lungsiat verrei tia ka na hong lam ani, hivahi chong pek tharke tia ki na manjet nimak; hivahi a phut na tenna kan lui jet sa chong pek ani.

⁶ Keini Pathian chong pek kan jui chak na ranga a phut na tenna kan lui jet sa chong pek ha ko nan renga kan lungsiat na sunga kan om jon jet rang hi ani.

⁷ Ramuol chunga leisei mitam tak an om jui, ajarko anmani ning Jisu Khrista ha ramuol la miring anga a juang tiha jot ma u hava mi leisei rakip ha Khrista enda anni.

⁸ Hiva jarra nan chuan tho na rakip manmang mak na ranga hale lungdo tunga pong lo nan mu na rang kan ning theiru.

⁹ Tu a chang innom Khrista ning ana manjetna a om luia a khel thak a om miha Pathian ha nei mak. Tu a chang innom Khrista manjetna han a om mi han a pa le anai pasal anni nia an nei.

¹⁰ Tu a chang innom Khrista chongsat ni luia alui hong aninko ama ha lui don maru, hale nan insung om man lut maru.

¹¹ Hale tu a chang innom ama ha ahip adaija alui don mi ha ko ama le a satlui chuan an tho suam jui ani.

A torna Chong

¹² Kei ning na ripe rang a tam ka nei, tak-ha che le muk tui a jiak jot making hiva rahut, kei ka tak tak ka honga ka na kan biakpui lam hin lungdo a tung rang ke.

¹³ Nan so pui nan manrit nan u nan naingai ning om chubei an na hong pek.