1 KORINTH 16 - Rabu Athar New Testament (BSI)

Mi thiang ngai jiang san na

¹ Atunko mithiang ngai sanna ranga kein Galatia hin a om biakrupngai jiang ka luiti anga, nang nin nom thoru?

² Sernikhuo racham an tak an tak ning an lui siak nuk juia aviar aviar an pek aninko, kein kan hong karra peisa chom ha om noning.

³ Kein ka hong karra nang nin nan tir jot mi ama jiang ka chithi ka pek rang ke, hale ama han nan kutchoi le kan ruaia Jerusalem ma choi nati.

⁴ Hale kei om che ajot inko nangni le kan ruaia chekanti.

Paul ning a tho jot chuan ngai

⁵ Kein Makidonia sunga ka che suale nangni jiang ka hong rang ke, ajarko kei Makidonia sunga che ranga ka ngaidon.

⁶ Hale kein nangni le om a jot, animakle phabi karlim ommom a jot. Hi aninko kei ka chena rakip a nang nin arak a na man tung tor nanti.

⁷ Ajarko kei nangni le a tuntak ko lam lamlaia kan mu na jot noning. Pathian a jot inko nang ni jiang asot det ka om jot.

⁸ Tak-ha pentikos a tung mak kar je, keihi Ephesia hin ka om rang ke.

⁹ Kei chunga ana jot lui mitan an om achang nom kei ranga chuan liankhat hale ara man om na ranga kot alian na puman ana long pe jui.

¹⁰ Hale Timothi ning alui hong inko nang nin ahuia luidonru. Ajarko a mahi kei anga Pathian chuan tho mi ani.

¹¹ Hiva jarra tu khat ning om ama hi e sella tho maru, a hip adai ja achena lam jet na ranga luisanru, ajarko kein ama ha ulenaingai le a hong kir rang ke tia ka ngaidon.

¹² Atunko kan u kan nai Apollos ruia ko kein ulenaingai le nang ni jiang chero tia thanuam na ka pek, tak-ha a tun tak ko lahongjot making a ti. A man phat hui amu karra la hong nati.

A torna changpek

¹³ Chingtheija omru nan takngai ha mandetru, thounasat a, ranak neia omru.

¹⁴ Nan tho rakip ha lungsiat le manrit tak a thoru.

¹⁵ Ulenaingai nang nin nan jet. Stephanas a insung ha a rapatak Akaia hin Khristian an luini, hale Pathian chuan tho ranga a thiang mi chang ranga an lui kan pek jui.

¹⁶ Hiva mingai a chuan tho ngaiha na san peru tia nang ni jang ka na mathem ani.

¹⁷ Kei ka ning asat. Stephanas, Fortunatas hale Akaikas an lui honga nang nin nan om luia avat rakip ha an luithojui.

¹⁸ Anmanin kei le nangni lung hi an manbejui hiva mingai hi kan jet pe rang asuak.

¹⁹ Asia sunga a om biakrup rakip ning ning satna chong hi an na hong thuan, hale Aquila le prisila anmani inn sunga a om biakrup ning om Pathian manpak na Chonghui ha an na hong thuan.

²⁰ Ulenai rakip ning ngom Pathian manpak na ningsat na chong ha an na hong thuan. Nangni khat le khat lungsiat biang kan tumru.

²¹ Kei Paul ning ka kut a hiva chonghui hi ka hong jiak ani.

²² Tu khat ning Pathian lungsiat lui nan om aninko, puma ahong karra kho khong tungrase.

²³ Puma Jisu Khrista ami lungsiat theina ha nan chunga om rase.

²⁴ Jisu Khrista jarra kei ka lungsiat hi nang ni chunga om rase. Amen.