ܡܙܡܘܪܐ 97 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

¹ ܡܵܪܝܵܐ ܒܸܥܒ݂ܵܕܵܐ ܝܠܹܗ ܡܲܠܟܘܼܬܵ‌ܐ، ܦܵܨܚܵܐ ܐܲܪܥܵܐ، ܚܵܕܝܼ ܓܵܙܪ̈ܵܬܹ‌ܐ ܦܸܪ̈ܝܹܐ.

² ܥܢܵܢܵܐ ܘܚܸܫܟܵܐ ܥܲܡܘܼܩܵܐ ܠܚܵܕܸܪ̈ܘܵܢܘܼܗ‌ܝ، ܙܲܕܝܼܩܘܼܬܵ‌ܐ ܘܕܝܼܘܵܢ ܫܲܬܐܸܣܬܵ‌ܐ ܕܟܘܼܪܣܝܹܗ.

³ ܢܘܼܪܵܐ ܩܲܕܡܘܼܗ‌ܝ ܟܹܐ ܐܵܙܹܠ، ܘܟܹܐ ܡܲܩܸܕ ܕܸܫ̃ܡܸܢܘܼ̈ܗ‌ܝ ܒܚܵܕܸܪ̈ܘܵܢܹܐ.

⁴ ܒܘܼܗܪܸܢܗܘܿܢ ܒܸܪ̈ܩܘܼܗ‌ܝ ܠܒܪܝܼܬܵ‌ܐ، ܚܙܹܐ ܠܵܗ̇ ܘܪܘܼܬܪܸܬ ܠܵܗ̇ ܐܲܪܥܵܐ.

⁵ ܦܫܝܼܪܗܘܿܢ ܛܘܼܪ̈ܵܢܹܐ ܐܲܝܟ݂ ܫܲܡܲܥ ܡ̣ܢ ܩܲܕܡ ܡܵܪܝܵܐ، ܡ̣ܢ ܩܲܕܡ ܡܵܪܵܐ ܕܟܠܵܗ̇ ܐܲܪܥܵܐ.

⁶ ܟܹܐ ܡܲܕܥܝܼ ܫܡܲܝܹ̈ܐ ܙܲܕܝܼܩܘܼܬܹܗ، ܘܚܙܹܐ ܠܗܘܿܢ ܟܠܵܝܗ‌ܝ ܥܲܡܡܹ̈ܐ ܐܝܼܩܵܪܹܗ.

⁷ ܢܵܟ݂ܦܝܼ ܟܠܵܝܗ‌ܝ ܦܵܠܚܵܢܹ̈ܐ ܕܨܲܠܡܹ̈ܐ، ܥܵܒ݂ܕܵܢܹ̈ܐ ܕܫܘܼܒ݂ܗܵܪܵܐ ܒܨܵܢܲܡܹ̈ܐ ܣܪ̈ܝܼܩܹܐ. ܣܓ݂ܘܿܕܘܼܢ ܐܸܠܹܗ ܟܠܵܝܗ‌ܝ ܐܲܠܵܗܹ̈ܐ.

⁸ ܫܡܝܼܥ ܠܵܗ̇ ܘܚܕܹܐ ܠܵܗ̇ ܨܸܗܝܘܿܢ، ܘܦܨܝܼܚ ܠܗܘܿܢ ܒܢܵܬܹ̈‌ܐ ܕܝܼܗܘܼܕܵܐ، ܒܘܼܬ ܕܝܼܘܵܢܘܼ̈ܟ݂، ܝܵܐ ܡܵܪܝܵܐ.

⁹ ܣܵܒܵܒ ܐܲܢ݇ܬ، ܝܵܐ ܡܵܪܝܵܐ، ܥܸܠܵܝܵܐ ܝܘܸܬ ܥܲܠ ܟܠܵܗ̇ ܐܲܪܥܵܐ، ܦܝܼܫܵܐ ܝܘܸܬ ܡܘܼܪܡܵܐ ܪܵܒܵܐ ܥܲܠ ܟܠܵܝܗ‌ܝ ܐܲܠܵܗܹ̈ܐ.

¹⁰ ܝܵܐ ܡܲܚܸܒܵܢܹ̈ܐ ܕܡܵܪܝܵܐ، ܣܢܹܝܡܘܼܢ ܠܒܝܼܫܬܵ‌ܐ، ܗ̇ܘ ܟܹܐ ܢܵܛܹܪ ܓܵܢܵܬܹ̈‌ܐ ܕܡܗܘܼܡܢܘܼ̈ܗ‌ܝ، ܟܹܐ ܦܲܨܹܐ ܠܗܘܿܢ ܡ̣ܢ ܐܝܼܕܵܐ ܕܪ̈ܲܫܝܼܥܹܐ.

¹¹ ܒܲܗܪܵܐ ܙܪܝܼܩ ܠܹܗ ܠܙܲܕܝܼܩܵܐ، ܘܠܬܪ̈ܘܼܨܹܐ ܕܠܸܒܵܐ ܚܲܕܘܼܬܵ‌ܐ.

¹² ܚܕܹܝܡܘܼܢ، ܝܵܐ ܙܲܕܝܼܩܹ̈ܐ، ܒܡܵܪܝܵܐ، ܘܫܲܟܪܘܼܢ ܠܕܟ݂ܵܪܵܐ ܕܩܘܼܕܫܹܗ.