ܡܙܡܘܪܐ 95 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

¹ ܬܹܝܡܘܼܢ ܫܲܒܚܲܚ ܠܡܵܪܝܵܐ، ܩܲܘܸܚܲܚ ܠܐܝܼܨܵܪܵܐ ܕܦܘܼܪܩܵܢܲܢ.

² ܐܵܬܲܚ ܩܲܕܡ ܦܵܬܹܗ ܒܫܲܟܲܪܬܵ‌ܐ، ܩܲܘܸܚܲܚ ܐܸܠܹܗ ܒܙܡܵܪܹ̈ܐ.

³ ܣܵܒܵܒ ܐܲܠܵܗܵܐ ܓܘܼܪܵܐ ܝܠܹܗ ܡܵܪܝܵܐ، ܘܡܲܠܟܵܐ ܓܘܼܪܵܐ ܥܲܠ ܟܠܵܝܗ‌ܝ ܐܲܠܵܗܹ̈ܐ.

⁴ ܗ̇ܘ ܕܒܐܝܼܕܹܗ ܝܢܵܐ ܥܘܼܡܩܹ̈ܐ ܕܐܲܪܥܵܐ، ܘܕܝܼܹܗ ܝܢܵܐ ܪܹ̈ܝܫܹܐ ܕܛܘܼܪ̈ܵܢܹܐ.

⁵ ܕܝܼܹܗ ܝܠܵܗ̇ ܝܵܡܵܐ ܘܗ̇ܘ ܥܒ݂ܝܼܕܵܐ ܠܹܗ، ܘܐܝܼܕܵܬܘܼ̈ܗ‌ܝ ܓܒ݂ܝܼܠ ܠܗܘܿܢ ܒܸܪܙܵܐ.

⁶ ܬܹܝܡܘܼܢ ܣܵܓ݂ܕܲܚ ܘܟܵܝܦܲܚ، ܒܵܪܟܲܚ ܩܲܕܡ ܡܵܪܝܵܐ ܒܵܪܝܵܢܲܢ.

⁷ ܣܵܒܵܒ ܗ̇ܘ ܝܼܠܹܗ ܐܲܠܵܗܲܢ، ܘܐܲܚܢܲܢ ܥܲܡܵܐ ܕܡܲܪܥܝܼܬܹܗ ܘܥܸܪ̈ܒܹܐ ܕܓܵܘ ܐܝܼܕܹܗ. ܐܸܕܝܘܿܡ ܐܸܢ ܩܵܠܹܗ ܫܵܡܥܝܼܬܘܿܢ،

⁸ ܠܵܐ ܡܲܩܫܹܝܬܘܿܢ ܠܸܒܵܘܟ݂ܘܿܢ ܕܵܐܟ݂ܝܼ ܕܓܵܘ ܡܪܝܼܒ݂ܵܐ، ܐܲܝܟ݂ ܝܵܘܡܵܐ ܕܡܲܣܵܐ ܓܵܘ ܒܲܪܝܼܵܐ،

⁹ ܐܝܼܡܲܢ ܕܓ̰ܘܼܪܒܸܢܗܘܿܢ ܐܲܒ݂ܵܗܵܬܵܘ̈ܟ݂ܘܿܢ، ܨܘܼܚܨܹܐ ܠܗܘܿܢ ܐܸܠܝܼ، ܐܵܦܸܢ ܚܸܙܝܹܐ ܝܗܘܵܘ ܦܘܼܠܚܵܢܝܼ.

¹⁰ ܐܲܪܒܥܝܼ ܫܸܢܹ̈ܐ ܣܩܝܼܕ ܠܝܼ ܒܗ̇ܘ ܕܵܪܵܐ، ܘܐܡܝܼܪܝܼ: ܥܲܡܵܐ ܚܵܠܛܵܢܵܐ ܒܠܸܒܵܐ ܝܢܵܐ ܐܵܢܝܼ، ܘܐܵܢܝܼ ܠܵܐ ܝܕܝܼܥ ܠܗܘܿܢ ܐܘܼܪ̈ܚܵܬ‌ܝܼ.

¹¹ ܒܘܼܬ ܐܵܗܵܐ، ܝܡܹܐ ܠܝܼ ܒܟܲܪܒܝܼ، ܕܠܹܐ ܥܵܒ݂ܪܝܼ ܠܢܝܵܚܬ‌ܝܼ.