ܡܙܡܘܪܐ 92 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܡܙܡܘܪܐ. ܙܡܪܬ‌ܐ ܩܐ ܝܘܡܐ ܕܫܒܬ.

¹ ܨܦܵܝܝܼ ܝܠܵܗ̇ ܠܫܲܟܘܼܪܹܐ ܠܡܵܪܝܵܐ، ܘܠܸܙܡܵܪܵܐ ܠܫܸܡܘܼܟ݂، ܝܵܐ ܥܸܠܵܝܵܐ.

² ܠܡܲܕܘܼܥܹܐ ܒܨܲܦܪܵܐ ܛܲܝܒܘܼܬܘܼܟ݂، ܘܒܠܲܝܠܵܘܵܬܹ̈‌ܐ ܡܗܘܼܡܢܘܼܬܘܼܟ݂،

³ ܥܲܠ ܡܵܐܢܹ̈ܐ ܕܙܡܵܪܵܐ ܕܥܸܣܪܵܐ ܣܝܼܡܹ̈ܐ، ܘܥܲܠ ܩܝܼܬܵܪܵܐ، ܥܲܠ ܗܵܘܵܙ ܕܟܸܢܵܪܵܐ.

⁴ ܒܗ̇ܝ ܕܩܵܡ ܡܲܚܕܹܝܬ ܠܝܼ، ܝܵܐ ܡܵܪܝܵܐ، ܒܦܘܼܠܚܵܢܘܼܟ݂، ܒܘܼܬ ܦܘܼܠܚܵܢܹ̈ܐ ܕܐܝܼܕܵܬܘܼ̈ܟ݂ ܒܸܬ ܫܲܒܚܸܢ.

⁵ ܟܡܵܐ ܓܘܼܪܹ̈ܐ ܝܢܵܐ ܦܘܼܠܚܵܢܘܼ̈ܟ݂، ܝܵܐ ܡܵܪܝܵܐ، ܪܵܒܵܐ ܥܲܡܘܼܩܹ̈ܐ ܝܢܵܐ ܚܘܼܫܵܒ݂ܘܼ̈ܟ݂.

⁶ ܐܢܵܫܵܐ ܫܹܐܕܵܢܵܐ ܠܹܐ ܝܵܕܹܥ، ܘܣܲܟ݂ܠܵܐ ܠܹܐ ܦܲܪܡܹܐ ܐܵܗܵܐ.

⁷ ܐܝܼܡܲܢ ܕܒܲܪܛܸܢܝܼ ܪ̈ܲܫܝܼܥܹܐ ܐܲܝܟ݂ ܓܸܠܵܐ، ܘܦܵܩܚܝܼ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ، ܗܵܕܟ݂ܵܐ ܟܹܐ ܗܵܘܝܵܐ ܕܦܵܝܫܝܼ ܛܘܼܠܩܹܐ ܗܲܠ ܥܵܠܲܡ.

⁸ ܐܝܼܢܵܐ ܐܲܢ݇ܬ ܪܵܡܵܐ ܝܘܸܬ ܠܥܵܠܲܡ، ܝܵܐ ܡܵܪܝܵܐ.

⁹ ܒܗ̇ܝ ܕܗܵܐ، ܕܸܫ̃ܡܸܢܘܼ̈ܟ݂، ܝܵܐ ܡܵܪܝܵܐ، ܒܗ̇ܝ ܕܗܵܐ، ܕܸܫ̃ܡܸܢܘܼ̈ܟ݂ ܒܸܬ ܛܵܠܩܝܼ، ܒܸܬ ܦܵܝܫܝܼ ܒܘܼܪܒܸܙܹܐ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ.

¹⁰ ܘܡܘܼܪܸܡ ܠܘܼܟ݂ ܩܲܪ݇ܢܝܼ ܐܲܝܟ݂ ܩܲܪ݇ܢܵܐ ܕܪܲܝܡܵܐ، ܦܝܼܫ ܠܝܼ ܡܫܝܼܚܵܐ ܒܡܸܫܚܵܐ ܚܵܕܬܵ‌ܐ.

¹¹ ܘܚܙܹܐ ܠܵܗ̇ ܥܲܝܢܝܼ ܙܵܟ݂ܘܼܬܵ‌ܐ ܠܕܸܫ̃ܡܸܢܝܼ̈، ܫܡܝܼܥ ܠܗܘܿܢ ܢܵܬܝܵܬ‌ܝܼ̈ ܒܘܼܬ ܩܵܝܡܵܢܹ̈ܐ ܥܲܠܝܼ، ܥܵܒ݂ܕܵܢܹ̈ܐ ܕܒܝܼܫܘܼܬܵ‌ܐ.

¹² ܙܲܕܝܼܩܵܐ ܐܲܝܟ݂ ܐܝܼܠܵܢܵܐ ܕܚܘܼܪ̈ܡܹܐ ܒܸܬ ܒܲܪܛܸܢ، ܐܲܝܟ݂ ܐܲܪ̈ܙܹܐ ܕܒܠܸܒ݂ܢܵܢ ܒܸܬ ܓܲܪܘܸܣ.

¹³ ܫܬܝܼܠܹܐ ܝܢܵܐ ܒܒܲܝܬܵ‌ܐ ܕܡܵܪܝܵܐ، ܒܕܵܪ̈ܵܬܹ‌ܐ ܕܐܲܠܵܗܲܢ ܒܸܬ ܒܲܪܛܸܢܝܼ.

¹⁴ ܗܸܫ ܒܸܬ ܡܲܝܬ‌ܝܼ ܛܥܘܼܢܬܵ‌ܐ ܒܣܲܝܒܘܼܬܵ‌ܐ، ܫܲܡܝܼܢܹ̈ܐ ܘܩܝܼܢܹ̈ܐ ܒܸܬ ܗܵܘܝܼ.

¹⁵ ܠܡܲܕܘܼܥܹܐ ܕܬܪܘܼܨܵܐ ܝܠܹܗ ܡܵܪܝܵܐ، ܐܝܼܨܵܪܝܼ، ܘܠܲܝܬ ܥܵܘܠܵܐ ܒܝܼܹܗ.