ܡܙܡܘܪܐ 86 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܨܠܘܬ‌ܐ ܕܕܘܝܕ.

¹ ܨܲܠܝܼ ܢܵܬܘܼܟ݂، ܝܵܐ ܡܵܪܝܵܐ، ܘܓ̰ܲܘܸܒ ܠܝܼ، ܒܗ̇ܝ ܕܡܸܣܟܹܢܵܐ ܝܘܸܢ ܘܣܢܝܼܩܵܐ.

² ܢܛܘܿܪ ܓܵܢܝܼ ܒܗ̇ܝ ܕܟܫܝܼܛܵܐ ܝܘܸܢ ܐܵܢܵܐ، ܦܲܪܸܩ ܠܪܹܓܘܼܟ݂، ܝܵܐ ܐܲܠܵܗܵܐ، ܕܒܸܣܒܵܪܵܐ ܝܠܹܗ ܒܝܼܘܼܟ݂.

³ ܪܲܚܸܡ ܥܲܠܝܼ، ܝܵܐ ܡܵܪܝܵܐ، ܒܗ̇ܝ ܕܐܸܠܘܼܟ݂ ܒܸܩܪܵܝܵܐ ܝܘܸܢ ܟܠܹܗ ܝܵܘܡܵܐ.

⁴ ܡܲܚܕܝܼ ܓܵܢܵܐ ܕܪܹܓܘܼܟ݂، ܒܗ̇ܝ ܕܐܸܠܘܼܟ݂، ܝܵܐ ܡܵܪܝܵܐ، ܡܲܪܘܼܡܘܼܗ̇ ܝܘܸܢ ܓܵܢܝܼ.

⁵ ܒܗ̇ܝ ܕܐܲܢ݇ܬ، ܝܵܐ ܡܵܪܝܵܐ، ܛܵܒ݂ܵܐ ܝܘܸܬ ܘܫܵܒ݂ܩܵܢܵܐ، ܘܦܸܪܝܵܐ ܒܛܲܝܒܘܼܬܵ‌ܐ ܠܟܠ ܕܩܵܪܹܐ ܐܸܠܘܼܟ݂.

⁶ ܗܲܒ݂ܠ ܢܵܬܵ‌ܐ، ܝܵܐ ܡܵܪܝܵܐ، ܠܨܠܘܿܬ‌ܝܼ، ܘܡܲܨܝܸܬ ܠܩܵܠܵܐ ܕܢܵܘܢܲܝܵܬ‌ܝܼ̈.

⁷ ܒܝܵܘܡܵܐ ܕܥܵܘܩܵܢܝܼ ܒܸܬ ܩܵܪܹܝܢ ܐܸܠܘܼܟ݂، ܒܗ̇ܝ ܕܒܸܬ ܓ̰ܲܘܸܒܸܬ ܠܝܼ.

⁸ ܠܲܝܬ ܐܲܝܟ݂ ܕܝܼܘܼܟ݂ ܓܵܘ ܐܲܠܵܗܹ̈ܐ، ܝܵܐ ܡܵܪܝܵܐ، ܘܠܲܝܬ ܦܘܼܠܚܵܢܹ̈ܐ ܐܲܝܟ݂ ܦܘܼܠܚܵܢܘܼ̈ܟ݂.

⁹ ܟܠܵܝܗ‌ܝ ܐܸܡܘܵܬܹ̈‌ܐ ܕܥܒ݂ܝܼܕ ܠܘܼܟ݂ ܒܸܬ ܐܵܬ‌ܝܼ ܘܣܵܓ݂ܕܝܼ ܩܲܕܡܘܼܟ݂، ܝܵܐ ܡܵܪܝܵܐ، ܘܒܸܬ ܡܝܲܩܪܝܼ ܠܫܸܡܘܼܟ݂،

¹⁰ ܒܗ̇ܝ ܕܓܘܼܪܵܐ ܝܘܸܬ ܐܲܢ݇ܬ ܘܥܵܒ݂ܕܵܢܵܐ ܕܕܘܼܡܵܪܹ̈ܐ، ܐܲܢ݇ܬ ܝܼܘܸܬ ܐܲܠܵܗܵܐ ܒܢܲܦ̮ܫܘܼܟ݂.

¹¹ ܡܲܠܸܦ ܠܝܼ ܐܘܼܪܚܘܼܟ݂، ܝܵܐ ܡܵܪܝܵܐ، ܕܚܵܕܪܹܢ ܒܫܲܪܝܼܪܘܼܬܘܼܟ݂، ܥܒ݂ܘܿܕ ܠܹܗ ܠܸܒܝܼ ܚܲܕ، ܕܙܵܕܹܥ ܡ̣ܢ ܫܸܡܘܼܟ݂.

¹² ܒܸܬ ܫܲܟܪܸܢܘܼܟ݂، ܝܵܐ ܡܵܪܝܵܐ ܐܲܠܵܗ‌ܝܼ، ܒܟܠܹܗ ܠܸܒܝܼ، ܘܒܸܬ ܡܝܲܩܪܸܢܹܗ ܫܸܡܘܼܟ݂ ܠܥܵܠܲܡ.

¹³ ܒܗ̇ܝ ܕܛܲܝܒܘܼܬܘܼܟ݂ ܓܘܼܪܬܵ‌ܐ ܝܠܵܗ̇ ܥܲܠܝܼ، ܘܦܘܼܨܹܐ ܠܘܼܟ݂ ܓܵܢܝܼ ܡ̣ܢ ܫܝܘܿܠ ܬܲܚܬܵܝܬܵ‌ܐ.

¹⁴ ܝܵܐ ܐܲܠܵܗܵܐ، ܚܵܬܪ̈ܵܢܹܐ ܩܝܼܡ ܠܗܘܿܢ ܥܲܠܝܼ، ܘܟܸܢܫܵܐ ܕܛܵܠܘܿܡܹ̈ܐ ܛܥܹܐ ܠܗܘܿܢ ܠܓܵܢܝܼ، ܘܠܵܐ ܩܵܡ ܡܲܬܒ݂ܝܼ ܠܘܼܟ݂ ܩܲܕܡ ܦܵܬܵܝܗ‌ܝ.

¹⁵ ܘܐܲܢ݇ܬ، ܝܵܐ ܡܵܪܝܵܐ، ܐܲܠܵܗܵܐ ܡܪܲܚܡܵܢܵܐ ܘܚܲܢܵܢܵܐ ܝܘܸܬ، ܝܲܪܝܼܟ݂ܬܵ‌ܐ ܒܹܐܢܹܗ، ܘܪܵܒܵܐ ܒܛܲܝܒܘܼܬܵ‌ܐ ܘܒܫܲܪܝܼܪܘܼܬܵ‌ܐ.

¹⁶ ܕܘܼܪ ܠܟܸܣܠܝܼ ܘܪܲܚܸܡ ܥܲܠܝܼ، ܗܲܒ݂ܠ ܥܘܼܫܢܘܼܟ݂ ܠܪܹܓܘܼܟ݂، ܘܦܲܪܸܩ ܠܒܪܘܿܢܵܐ ܕܚܸܕܲܡܬܘܼܟ݂.

¹⁷ ܥܒ݂ܘܿܕ ܥܲܡܝܼ ܢܝܼܫܲܢܩܵܐ ܠܛܵܒ݂ܬܵ‌ܐ، ܕܚܵܙܝܼ ܣܵܢܝܵܢܝܼ̈ ܘܢܵܟ݂ܦܝܼ، ܒܗ̇ܝ ܕܐܲܢ݇ܬ، ܝܵܐ ܡܵܪܝܵܐ، ܩܵܡ ܗܲܝܸܪܸܬ ܘܝܵܗܒܹܬ ܠܝܼ ܠܸܒܵܐ.