ܡܙܡܘܪܐ 82 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܡܙܡܘܪܐ ܕܐܣܦ.

¹ ܐܲܠܵܗܵܐ ܟܸܠܝܵܐ ܝܠܹܗ ܒܟܢܘܼܫܬܹܗ، ܒܓܵܘܵܐ ܕܐܲܠܵܗܹ̈ܐ ܒܸܕܝܵܢܵܐ ܝܠܹܗ.

² ”ܗܲܠ ܐܝܼܡܲܢ ܒܸܬ ܕܵܝܢܝܼܬܘܿܢ ܒܥܵܘܠܵܐ، ܘܚܵܙܹܝܬܘܿܢ ܦܵܬܵ‌ܐ ܠܪ̈ܲܫܝܼܥܹܐ؟ܣܹܠܵܗ

³ ”ܥܒ݂ܘܿܕܘܼܢ ܕܝܼܘܵܢ ܕܡܚܝܼܠܵܐ ܘܕܝܲܬܘܼܡܵܐ، ܠܡܘܼܠܝܸܨܵܐ ܘܠܡܸܣܟܹܢܵܐ ܥܒ݂ܘܿܕܘܼܢ ܗܵܩܘܼܬܵ‌ܐ.

⁴ ”ܦܲܪܩܘܼܢ ܠܡܚܝܼܠܵܐ ܘܠܣܢܝܼܩܵܐ، ܡ̣ܢ ܐܝܼܕܵܐ ܕܪ̈ܲܫܝܼܥܹܐ ܦܲܨܹܝܡܘܼܢ ܠܗܘܿܢ.

⁵ ”ܠܹܐ ܝܵܕܥܝܼ ܘܠܹܐ ܦܲܪܡܝܼ، ܒܚܸܫܟܵܐ ܟܹܐ ܚܵܕܪܝܼ، ܫܥܝܼܫܹܐ ܝܢܵܐ ܟܠܵܝܗ‌ܝ ܫܲܬܐܸܣܝܵܬܹ̈‌ܐ ܕܐܲܪܥܵܐ.

⁶ ”ܐܵܢܵܐ ܐܡܝܼܪܝܼ: ’ܐܲܠܵܗܹ̈ܐ ܝܬܘܿܢ ܐܲܚܬܘܿܢ، ܘܒܢܲܝ̈ ܥܸܠܵܝܵܐ ܟܠܵܘܟ݂ܘܿܢ.‘

⁷ ”ܐܝܼܢܵܐ ܐܲܝܟ݂ ܒܲܪܢܵܫܵܐ ܒܸܬ ܡܵܝܬܝܼܬܘܿܢ، ܘܐܲܝܟ݂ ܚܲܕ ܡ̣ܢ ܓܘܼܪ̈ܵܢܹܐ ܒܸܬ ܢܵܦܠܝܼܬܘܿܢ.“

⁸ ܩܘܼܡ، ܝܵܐ ܐܲܠܵܗܵܐ، ܕܘܼܢ ܠܐܲܪܥܵܐ، ܣܵܒܵܒ ܐܲܢ݇ܬ ܒܸܬ ܝܵܪܬܹܬ ܠܗܘܿܢ ܟܠܵܝܗ‌ܝ ܐܸܡܘܵܬܹ̈‌ܐ.