ܡܙܡܘܪܐ 76 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܠܪܝܫ ܓܘܕܐ ܕܙܡܪ̈ܐ. ܒܩܝܬܪ̈ܐ ܡܙܡܘܪܐ ܕܐܣܦ. ܙܡܪܬ‌ܐ.

¹ ܦܝܼܫܵܐ ܝܠܹܗ ܝܕܝܼܥܵܐ ܐܲܠܵܗܵܐ ܓܵܘ ܝܼܗܘܼܕܵܐ، ܓܘܼܪܵܐ ܝܠܹܗ ܫܸܡܹܗ ܓܵܘ ܐܝܼܣܪܵܐܹܝܠ.

² ܘܗܘܹܐ ܠܵܗ̇ ܡܛܲܠܠܹܗ ܓܵܘ ܫܵܠܝܼܡ، ܘܡܲܥܡܪܹܗ ܓܵܘ ܨܸܗܝܘܿܢ.

³ ܬܵܡܵܐ ܬܒ݂ܝܼܪܹܗ ܠܓܹܐܪܹ̈ܐ ܠܵܗܝܵܢܹ̈ܐ ܕܩܸܫܬܵ‌ܐ، ܡܵܛܵܠܵܐ ܘܣܲܝܦܵܐ ܘܙܲܝܢܵܐ ܕܦܠܵܫܵܐ.ܣܹܠܵܗ

⁴ ܫܲܦ̮ܩܵܢܵܐ ܝܘܸܬ ܐܲܢ݇ܬ، ܒܘܼܫ ܡܫܘܼܒܚܵܐ ܡ̣ܢ ܛܘܼܪ̈ܵܢܹܐ ܐܲܝܟܵܐ ܕܦܘܼܪܦܸܛ ܠܘܼܟ݂ ܠܕܸܫ̃ܡܸܢ.

⁵ ܦܝܼܫ ܠܗܘܿܢ ܣܠܝܼܒܹܐ ܙܲܪ̈ܒܵܢܹܐ ܕܠܸܒܵܐ، ܛܡܝܼܪܗܘܿܢ ܒܫܸܢܬܵܝܗ‌ܝ، ܘܐܘܼܦ ܚܲܕ ܡ̣ܢ ܩܪ̈ܲܒ݂ܬܵܢܹܐ ܠܵܐ ܡܨܹܐ ܠܗܘܿܢ ܡܲܪܡܝܼ ܐܝܼܕܵܝ̈ܗ‌ܝ.

⁶ ܡ̣ܢ ܢܓ̰ܵܘܬܘܼܟ݂، ܝܵܐ ܐܲܠܵܗܵܐ ܕܝܲܥܩܘܿܒ݂، ܥܒ݂ܝܼܪܗܘܿܢ ܒܫܸܢܬܵ‌ܐ ܝܲܩܘܼܪܬܵ‌ܐ، ܐܘܼܦ ܪܲܟܵܒ݂ܵܐ ܐܘܼܦ ܣܘܼܣܵܐ.

⁷ ܐܲܢ݇ܬ، ܣܲܗܡܵܢܵܐ ܝܘܸܬ، ܐܲܢ݇ܬ، ܘܡܵܢܝܼ ܡܵܨܹܐ ܟܵܠܹܐ ܩܲܕܡܘܼܟ݂ ܒܥܕܵܢܵܐ ܕܚܸܡܬܘܼܟ݂؟

⁸ ܡ̣ܢ ܫܡܲܝܵܐ ܡܘܼܫܡܸܥ ܠܘܼܟ݂ ܕܝܼܘܵܢ، ܙܕܝܼܥ ܠܵܗ̇ ܐܲܪܥܵܐ ܘܗܘܹܐ ܠܵܗ̇ ܫܠܝܼܬܵ‌ܐ،

⁹ ܟܲܕ ܩܝܼܡ ܠܹܗ ܐܲܠܵܗܵܐ ܠܕܝܼܘܵܢ، ܠܦܲܪܘܼܩܹܐ ܟܠܵܝܗ‌ܝ ܡܘܼܠܝܸܨܹܐ ܕܐܲܪܥܵܐ.ܣܹܠܵܗ

¹⁰ ܣܵܒܵܒ ܚܸܡܬܘܼܟ݂ ܠܒܲܪܢܵܫܵܐ ܒܸܬ ܡܲܝܬܝܵܐ ܫܲܟܲܪܬܵ‌ܐ، ܘܦܵܝܫܵܢܬܵ‌ܐ ܕܚܸܡܬܵ‌ܐ ܒܸܬ ܡܲܟܠܹܝܬ.

¹¹ ܢܕܘܿܪܘܼܢ ܘܬܲܡܸܡܘܼܢ ܠܗܘܿܢ ܠܡܵܪܝܵܐ ܐܲܠܵܗܵܘܟ݂ܘܿܢ، ܟܠܵܝܗ‌ܝ ܕܝܼܢܵܐ ܠܚܵܕܸܪ̈ܘܵܢܘܼܗ‌ܝ ܠܲܒܠܝܼ ܕܲܫܢܹ̈ܐ ܠܣܲܗܡܵܢܵܐ.

¹² ܒܸܬ ܩܵܛܹܥ ܪܘܼܚܵܐ ܕܫܲܠܝܼܛܵܢܹ̈ܐ، ܣܲܗܡܵܢܵܐ ܝܠܹܗ ܥܲܠ ܡܲܠܟܹ̈ܐ ܕܐܲܪܥܵܐ.