ܡܙܡܘܪܐ 63 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܡܙܡܘܪܐ ܕܕܘܝܕ، ܐܝܡܢ ܕܝܗܘܐ ܓܘ ܒܪܝܐ ܕܝܗܘܕܐ.

¹ ܝܵܐ ܐܲܠܵܗܵܐ، ܐܲܠܵܗ‌ܝܼ ܝܘܸܬ ܐܲܢ݇ܬ، ܒܸܬ ܛܵܥܹܝܢ ܐܸܠܘܼܟ݂، ܨܗܝܼܬܵ‌ܐ ܝܠܵܗ̇ ܐܸܠܘܼܟ݂ ܓܵܢܝܼ، ܪܲܚܪܘܼܚܹܐ ܝܠܹܗ ܐܸܠܘܼܟ݂ ܢܲܦ̮ܫܝܼ، ܒܐܲܪܥܵܐ ܒܵܪܘܿܙܬܵ‌ܐ ܘܟܟ̰ܝܼܚܬܵ‌ܐ ܒܠܵܐ ܡ̈ܝܼܵܐ.

² ܗܵܕܟ݂ܵܐ ܓܵܘ ܡܲܩܕܫܵܐ ܩܵܡ ܚܵܙܹܢܘܼܟ݂، ܒܸܚܙܵܝܵܐ ܚܲܝܠܘܼܟ݂ ܘܐܝܼܩܵܪܘܼܟ݂.

³ ܣܵܒܵܒ ܒܘܼܫ ܨܦܵܝܝܼ ܝܠܵܗ̇ ܛܲܝܒܘܼܬܘܼܟ݂ ܡ̣ܢ ܚܲܝܹ̈ܐ، ܣܸܦܘܵܬ‌ܝܼ̈ ܒܸܬ ܫܲܒܚܝܼ ܠܘܼܟ݂.

⁴ ܗܵܕܟ݂ܵܐ ܒܸܬ ܒܲܪܟܸܢܘܼܟ݂ ܒܚܲܝܝܼ̈، ܒܫܸܡܘܼܟ݂ ܒܸܬ ܡܲܪܡܸܢ ܐܝܼܕܵܬ‌ܝܼ̈.

⁵ ܐܲܝܟ݂ ܒܬܲܪܒܵܐ ܘܒܛܪܝܼܨܘܼܬܵ‌ܐ ܒܸܬ ܣܵܒ݂ܥܵܐ ܓܵܢܝܼ، ܘܒܣܸܦܘܵܬܹ̈‌ܐ ܕܦܨܝܼܚܘܼܬܵ‌ܐ ܒܸܬ ܫܲܒܸܚ ܦܘܼܡܝܼ؛

⁶ ܟܲܕ ܕܵܟ݂ܪܹܢܘܼܟ݂ ܥܲܠ ܫܘܝܼܬ‌ܝܼ، ܒܒܲܕ̈ܠܹܐ ܒܸܬ ܗܲܓܹܝܢ ܒܘܼܬ ܕܝܼܘܼܟ݂،

⁷ ܣܵܒܵܒ ܗܘܹܐ ܠܘܼܟ݂ ܗܲܝܲܪܬܵ‌ܐ ܐܸܠܝܼ، ܘܬܚܘܿܬ ܛܸܠܵܢܝܼܬܵ‌ܐ ܕܓܘܼܠܦܵܢܘܼ̈ܟ݂ ܒܸܬ ܫܲܒܚܸܢ.

⁸ ܬܒܝܼܥ ܠܵܗ̇ ܓܵܢܝܼ ܐܸܠܘܼܟ݂، ܐܸܠܝܼ ܣܢܝܼܕ ܠܵܗ̇ ܝܲܡܝܼܢܘܼܟ݂.

⁹ ܐܝܼܢܵܐ ܐܵܢܝܼ ܕܟܹܐ ܛܵܥܝܼ ܠܸܛܠܵܩܵܐ ܠܓܵܢܝܼ، ܒܸܬ ܥܵܒ݂ܪܝܼ ܒܬܲܚ̈ܬܵܝܵܬܹ‌ܐ ܕܐܲܪܥܵܐ.

¹⁰ ܒܸܬ ܦܵܝܫܝܼ ܣܘܼܦܝܹܐ ܒܐܝܼܕܵܐ ܕܣܲܝܦܵܐ، ܒܸܬ ܗܵܘܝܼ ܡܹܐܟ݂ܘܼܠܬܵ‌ܐ ܕܬܲܥ̈ܠܹܐ.

¹¹ ܐܝܼܢܵܐ ܡܲܠܟܵܐ ܒܸܬ ܦܵܨܹܚ ܒܐܲܠܵܗܵܐ. ܒܸܬ ܥܵܒܹܕ ܫܘܼܒ݂ܗܵܪܵܐ ܟܠ ܕܝܵܡܹܐ ܒܝܼܹܗ، ܣܵܒܵܒ ܒܸܬ ܦܵܝܫܝܼ ܐܟ̰ܝܼܡܹܐ ܦܘܼܡܹ̈ܐ ܕܗܲܡܙܸܡܵܢܹ̈ܐ ܕܕܘܼܓܠܵܐ.