ܡܙܡܘܪܐ 51 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ، ܐܝܡܢ ܕܐܬ‌ܐ ܠܗ ܠܟܣ ܠܗ ܢܬܢ ܢܒ݂ܝܐ ܟܕ ܥܒ݂ܝܪܗ ܠܟܣ ܒܬܫܒ݂ܥ.

¹ ܪܚܘܿܡ ܥܲܠܝܼ، ܝܵܐ ܐܲܠܵܗܵܐ، ܐܲܝܟ݂ ܛܲܝܒܘܼܬܘܼܟ݂، ܐܲܝܟ݂ ܦܸܪܝܘܼܬܵ‌ܐ ܕܪ̈ܲܚܡܘܼܟ݂ ܓܪܘܿܕ ܠܗܘܿܢ ܓܢܵܗ‌ܝܼ̈.

² ܡ̣ܢ ܥܵܘܠܝܼ ܚܲܠܸܠ ܠܝܼ ܓܡܝܼܪܵܐܝܼܬ، ܘܡ̣ܢ ܚܛܝܼܬ‌ܝܼ ܕܲܟ݂ܝܼ ܠܝܼ.

³ ܒܗ̇ܝ ܕܐܵܢܵܐ ܟܹܐ ܝܵܕܥܹܢ ܠܓܢܵܗ‌ܝܼ̈، ܘܚܛܝܼܬ‌ܝܼ ܒܲܠܩܘܼܒ݂ܠܝܼ ܝܠܵܗ̇ ܐܲܡܝܼܢܵܐܝܼܬ.

⁴ ܐܸܠܘܼܟ݂، ܐܲܚܟ̰ܝܼ ܐܸܠܘܼܟ݂، ܚܛܹܐ ܠܝܼ، ܘܒܝܼܫܘܼܬܵ‌ܐ ܩܲܕܡ ܥܲܝ̈ܢܘܼܟ݂ ܥܒ݂ܝܼܕ ܠܝܼ، ܒܘܼܬ ܐܵܗܵܐ، ܒܸܬ ܗܵܘܹܝܬ ܙܲܕܝܼܩܵܐ ܒܗܲܡܙܲܡܬܘܼܟ݂، ܒܸܬ ܗܵܘܹܝܬ ܕܸܟ݂ܝܵܐ ܒܕܝܵܢܬܘܼܟ݂.

⁵ ܗܵܐ، ܒܥܵܘܠܵܐ ܦܝܼܫ ܠܝܼ ܝܠܝܼܕܵܐ، ܘܒܚܛܝܼܬܵ‌ܐ ܒܛܝܼܢܸܢܵܗ̇ ܝܸܡܵܐ.

⁶ ܗܵܐ، ܟܹܐ ܒܵܣܡܵܐ ܠܘܼܟ݂ ܒܫܲܪܝܼܪܘܼܬܵ‌ܐ ܕܝܼܠܵܗ̇ ܡ̣ܢ ܥܘܼܡܩܵܐ ܕܓܵܢܵܐ، ܘܒܕܘܼܟܵܐ ܛܫܝܼܬܵ‌ܐ ܚܸܟ݂ܡܬܵ‌ܐ ܒܸܬ ܡܲܕܥܸܬ ܠܝܼ.

⁷ ܕܲܟܹܝܬ ܠܝܼ ܒܙܘܿܦܵܐ ܘܒܸܬ ܗܵܘܹܝܢ ܕܸܟ݂ܝܵܐ، ܚܲܠܸܠܸܬ ܠܝܼ ܘܒܸܬ ܗܵܘܹܝܢ ܒܘܼܫ ܚܘܵܪܵܐ ܡ̣ܢ ܬܲܠܓܵܐ.

⁸ ܫܒ݂ܘܿܩ ܫܵܡܥܹܢ ܦܨܵܚܵܐ ܘܚܲܕܘܼܬܵ‌ܐ، ܦܵܨܚܝܼ ܓܲܪ̈ܡܹܐ ܕܛܒ݂ܝܼܚ ܠܘܼܟ݂.

⁹ ܛܲܫܝܼ ܦܵܬܘܼܟ݂ ܡ̣ܢ ܚܛܝܼܵܬ‌ܝܼ̈، ܘܟܠܵܝܗ‌ܝ ܥܵܘܠܝܼ̈ ܓܪܘܿܕ.

¹⁰ ܠܸܒܵܐ ܕܸܟ݂ܝܵܐ ܒܪܝܼ ܓܵܘܝܼ، ܝܵܐ ܐܲܠܵܗܵܐ، ܘܚܲܕܸܬ ܪܘܼܚܵܐ ܡܗܘܼܡܸܢܬܵ‌ܐ ܒܓܵܘܝܼ.

¹¹ ܠܵܐ ܪܲܦܹܝܬ ܠܝܼ ܡ̣ܢ ܗܸܙܘܼܪܘܼܟ݂، ܘܪܘܼܚܵܐ ܕܩܘܼܕܫܘܼܟ݂ ܠܵܐ ܫܵܩܠܹܬ ܡܸܢܝܼ.

¹² ܡܲܕܸܪ ܐܸܠܝܼ ܦܨܵܚܵܐ ܕܦܘܼܪܩܵܢܘܼܟ݂، ܘܒܪܘܼܚܵܐ ܕܨܸܒ݂ܝܵܢܘܼܬܵ‌ܐ ܣܵܢܕܹܬ ܠܝܼ.

¹³ ܗ̇ܝܓܵܗ ܒܸܬ ܡܲܠܦܸܢ ܠܥܵܘܵܠܹ̈ܐ ܐܘܼܪ̈ܚܵܬܘܼܟ݂، ܘܚܲܛܵܝܹ̈ܐ ܠܟܸܣܠܘܼܟ݂ ܒܸܬ ܕܵܝܪܝܼ.

¹⁴ ܦܲܨܝܼ ܠܝܼ ܡ̣ܢ ܚܛܝܼܬܵ‌ܐ ܕܫܲܦܲܟ݂ܬܵ‌ܐ ܕܕܸܡܵܐ، ܝܵܐ ܐܲܠܵܗܵܐ، ܐܲܠܵܗܵܐ ܕܦܘܼܪܩܵܢܝܼ، ܘܒܦܨܝܼܚܘܼܬܵ‌ܐ ܒܸܬ ܙܵܡܹܪ ܠܸܫܵܢܝܼ ܙܲܕܝܼܩܘܼܬܘܼܟ݂.

¹⁵ ܝܵܐ ܡܵܪܝܵܐ، ܦܵܬܚܹܬ ܣܸܦܘܵܬ‌ܝܼ̈، ܩܵܐ ܕܦܘܼܡܝܼ ܡܲܕܸܥ ܬܸܫܒܘܿܚܬܘܼܟ݂.

¹⁶ ܣܵܒܵܒ ܠܹܐ ܒܵܣܡܵܐ ܠܘܼܟ݂ ܒܕܸܒ݂ܚܵܐ، ܐܸܠܵܐ ܒܸܬ ܝܵܗܒܹܢ ܗܘܵܐ، ܕܸܒ݂ܚܵܐ ܡܘܼܩܕܵܐ ܠܹܐ ܗܵܢܝܵܐ ܠܘܼܟ݂.

¹⁷ ܕܸܒ݂ܚܵܐ ܕܐܲܠܵܗܵܐ ܪܘܼܚܵܐ ܬܒ݂ܝܼܪܬܵ‌ܐ ܝܠܵܗ̇، ܠܸܒܵܐ ܬܒ݂ܝܼܪܵܐ ܘܒܠܝܼܣܵܐ، ܝܵܐ ܐܲܠܵܗܵܐ، ܠܹܐ ܡܲܣܠܹܝܬ.

¹⁸ ܥܒ݂ܘܿܕ ܛܵܒ݂ܬܵ‌ܐ ܒܨܸܒ݂ܝܵܢܘܼܟ݂ ܠܨܸܗܝܘܿܢ، ܒܵܢܹܝܬ ܫܘܼܪܹ̈ܐ ܕܐܘܿܪܸܫܠܸܡ.

¹⁹ ܗ̇ܝܓܵܗ ܒܸܬ ܒܵܣܡܵܐ ܠܘܼܟ݂ ܒܕܸܒ݂ܚܹ̈ܐ ܕܙܲܕܝܼܩܘܼܬܵ‌ܐ، ܕܸܒ݂ܚܵܐ ܡܘܼܩܕܵܐ ܘܕܸܒ݂ܚܵܐ ܓܡܝܼܪܵܐܝܼܬ ܡܘܼܩܕܵܐ، ܗ̇ܝܓܵܗ ܒܸܬ ܡܲܐܣܩܝܼ ܬܵܘܪܹ̈ܐ ܥܲܠ ܡܲܕܒܚܘܼܟ݂.