ܡܙܡܘܪܐ 36 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ ܪܓܐ ܕܡܪܝܐ.

¹ ܥܵܘܠܵܐ ܟܹܐ ܚܵܫܹܒ݂ ܪܲܫܝܼܥܵܐ ܒܓܵܘܵܐ ܕܠܸܒܹܗ، ܠܲܝܬ ܙܕܘܼܥܬܵ‌ܐ ܕܐܲܠܵܗܵܐ ܩܲܕܡ ܥܲܝܢܘܼ̈ܗ‌ܝ،

² ܣܵܒܵܒ ܟܹܐ ܡܲܫܦܸܪܵܗ̇ ܓܵܢܹܗ ܒܥܲܝܢܘܼ̈ܗ‌ܝ، ܗܵܕܵܐ ܕܠܵܐ ܡܲܫ݇ܟ̰ܸܚ ܠܥܵܘܠܹܗ ܘܣܵܢܹܐ ܠܹܗ.

³ ܗܹܡܸܙܡܵܢܹ̈ܐ ܕܦܘܼܡܹܗ ܥܵܘܠܵܐ ܘܦܸܠܡܵܐ، ܫܠܹܐ ܠܹܗ ܡ̣ܢ ܠܦܲܪܡܘܼܝܹܐ ܘܠܸܥܒ݂ܵܕܵܐ ܛܵܒ݂ܬܵ‌ܐ.

⁴ ܥܵܘܠܵܐ ܟܹܐ ܬܲܚܡܸܢ ܥܲܠ ܫܘܝܼܬܹܗ، ܟܹܐ ܟܵܠܹܐ ܥܲܠ ܐܘܼܪܚܵܐ ܠܵܐ ܨܦܵܝܝܼ، ܒܝܼܫܬܵ‌ܐ ܠܹܐ ܡܲܣܠܹܐ.

⁵ ܡܵܪܝܵܐ ܗܲܠ ܫܡܲܝܵܐ ܝܠܵܗ̇ ܛܲܝܒܘܼܬܘܼܟ݂، ܡܗܘܼܡܢܘܼܬܘܼܟ݂ ܗܲܠ ܥܢܵܢܹ̈ܐ.

⁶ ܙܲܕܝܼܩܘܼܬܘܼܟ݂ ܐܲܝܟ݂ ܛܘܼܪ̈ܵܢܹܐ ܕܐܲܠܵܗܵܐ ܝܠܵܗ̇، ܕܝܼܘܵܢܘܼ̈ܟ݂ ܐܲܝܟ݂ ܬܗܘܿܡܵܐ ܓܘܼܪܵܐ، ܒܲܪܢܵܫܵܐ ܘܗܲܝܘܵܢ ܟܹܐ ܦܲܪܩܸܬ، ܝܵܐ ܡܵܪܝܵܐ.

⁷ ܟܡܵܐ ܝܲܩܝܼܪܬܵ‌ܐ ܝܠܵܗ̇ ܛܲܝܒܘܼܬܘܼܟ݂، ܝܵܐ ܐܲܠܵܗܵܐ، ܘܒܢܲܝ̈ܢܵܫܵܐ ܒܛܸܠܵܢܝܼܬܵ‌ܐ ܕܓܘܼܠܦܵܢܘܼ̈ܟ݂ ܟܹܐ ܫܵܩܠܝܼ ܓܵܘܣܵܐ.

⁸ ܟܹܐ ܫܵܬ‌ܝܼ ܣܒ݂ܵܥܬܵܝܗ‌ܝ ܡ̣ܢ ܫܲܡܝܼܢܘܼܬܵ‌ܐ ܕܒܲܝܬܘܼܟ݂، ܘܡ̣ܢ ܢܲܗܪܵܐ ܕܒܲܣܝܼܡܘܼܝܵܬ̈ܘܼܟ݂ ܟܹܐ ܡܲܫܬܹܝܬ ܠܗܘܿܢ.

⁹ ܣܵܒܵܒ ܥܲܡܘܼܟ݂ ܝܼܠܹܗ ܡܲܒܘܼܥܵܐ ܕܚܲܝܹ̈ܐ، ܒܒܲܗܪܘܼܟ݂ ܟܹܐ ܚܵܙܲܚ ܒܲܗܪܵܐ.

¹⁰ ܡܲܪܝܸܟ݂ ܛܲܝܒܘܼܬܘܼܟ݂ ܠܝܵܕܥܵܢܘܼ̈ܟ݂، ܘܙܲܕܝܼܩܘܼܬܘܼܟ݂ ܠܬܪ̈ܘܼܨܹܐ ܕܠܸܒܵܐ.

¹¹ ܠܵܐ ܐܵܬܝܵܐ ܥܲܠܝܼ ܐܲܩܠܵܐ ܕܫܲܒ݂ܗܸܪ̈ܵܢܹܐ، ܘܐܝܼܕܵܐ ܕܪ̈ܲܫܝܼܥܹܐ ܠܵܐ ܫܵܥܫܵܐ ܠܝܼ.

¹² ܬܵܡܵܐ ܢܦܝܼܠ ܠܗܘܿܢ ܦܵܠܚܵܢܹ̈ܐ ܕܥܵܘܠܵܐ، ܦܝܼܫ ܠܗܘܿܢ ܚܘܼܪܙܸܦܹܐ ܘܠܹܐ ܡܵܨܝܼ ܩܵܝܡܝܼ.